營運經費相當貧乏,敬請體諒我們投放少量Google Ads!

搜尋

文宣對延續抗爭的重要性 1.0

相信大家都唔會否認文宣係呢場抗爭運動入面扮演咗幾重要嘅角色,包括連儂牆可以俾正能量同路人、資訊性文宣令唔同層面嘅人理解更多以至國歌可以團結同路人提升士氣等等。

最後係好多人眼中我地得到階段性嘅勝利,加上中國武漢肺炎肆虐,不論線上還是線下文宣都碎片化而且失焦。

國際線唔講住,外國得閒死唔得閒病,呢篇文講本土先。

首先講文宣嘅作用,文宣對於我地黎講有兩大作用。

第一:吸納淺藍中立

針對呢班人嘅文宣係放大警暴同政府嘅暴行係佢地眼中嘅位置。

當你無好堅定嘅意志同立場,人係好容易受外界影響。

當我地每日remind佢地呢啲行為嘅時候,自然呢啲會刻畫左入佢地嘅腦海。

最基本嘅心理學concept就係classical conditioning,可以係佢地腦海中植入警察等於癲狗。

一開始佢地咪會避之後就會驚之後就會屌埋一份,但係呢個進程係可以倒退。

就好似依家大部份街坊或者淺黃手足都變返去避,甚至已經無想屌呢個諗法

加上我地呢個陣營文宣上倒退,POPO同藍營又洗白

第二:鞏固同路人 創造抗爭氛圍

簡單D講你每日落街都見到周圍貼住光復香港 時代革命 好自然你會融入個氛圍

就好似D兄弟成日講 「生於亂世 有種責任 」

而呢種責任就係你係呢個氛圍入面賦予俾自己

回想下你係商場行緊聽到有人播願榮光歸香港 係咪即刻士氣+100

而線下文宣就可以好大程度上創造抗爭氛圍 就好似上年大家未頹嘅時候咁

係依家呢一刻大家要承認我地係一盤散沙,失去焦點同行動力

咁我地可以點透過文宣打返個底黎延續抗爭呢?

針對淺藍中立最簡單就係加強線下社區文宣同經唔同social media嘅文宣

黃色YouTuber係其中一樣好重要嘅線 希望大家subscribe佢地 支持下

正所謂天下熙熙皆為利來 天下攘攘皆為利往

淨係靠一股精神信念去做搵唔到錢 呢樣唔係一樣可持續發展嘅野

線下社區文宣大家懶左 驚俾人拉 驚俾人打

可以交返俾D專業嘅人做 幫手捐物資捐錢支持

第二針對創造抗爭氛圍,分主動同被動

主動:每日聽幾次願榮光歸香港先 提醒自己要坐監個個好彩唔係你 唔係你朋友咋

場運動仲未完架師兄 周梓樂同陳彥霖報左仇未 死個個唔係你個仔 唔係你女朋友咋

幫襯黃店 好重要 都係個句 抗爭唔係淨係靠信念 無錢乜都做唔到

被動:無被動,你想enjoy人地嘅成果你乜都唔付出?

有錢出錢 課金俾立場又好 做文宣嘅組織又好

每個月俾一百幾十蚊出黎好閒 但可以俾D真係有心有力嘅人去做

有力嘅 得閒落街跑兩個圈 有行動就出黎

之後會再同大家探討下黃色經濟圈同文宣嘅關係


最後宣傳下需要大家支持做緊文宣嘅組織(姐係我地)

可以去呢個post了解下我地

https://lihkg.com/thread/1942830/page/1

或者直接捐物資捐款支持文宣行動同黃色經濟圈都可以上我地網站

http://swallowlife.org/

好文共賞:

https://www.swallowlife.org/blank-3