🎬飯戲攻心2 |劇透影評 | 又急又亂？深入分析劇本問題令人失望的續集但無阻成為今年賀歲片最高票房｜Table for Six

Sam先生 - 電影日誌 | 電影類 | Mar 6, 2024

此影片謄本由Ka＆串燒製作

★非作商業用途，本檔案版權歸版權持有人獨有★

Hello大家好,我係Sam先生。今期嘅劇透影評呢就係《飯氣攻心2。支持香港電影嘅你,近嚟幾好嘛? 究竟係咩原因令你響咁多人都話香港電影已死嘅情況下，都仲繼續入場支持香港電影呢? 究竟係愛呀?定係責任呀? 而我自己嘅答案呢,好簡單,係希望!我係一班追逐電影夢嘅人身上呢,睇到希望。

搞咗呢個Channel之後呢，識咗好多呢個電影行業裏面嘅人，無論係導演啦,編劇啦,演員啦,同埋一眾嘅幕後。每次同佢哋傾計呢,我都會想問一句:「喂,你哋班友仔係咪傻㗎呢?」

如果唔係佢哋對於電影嘅熱誠同埋愛，你真係唔會好似佢哋咁呢?不停咁創作,不停咁。而今次呢,好想藉住呢個機會呢，同大家講下新演員。

喺呢個行頭呢,本身嘅機會已經少嘅情況下。其實演員嘅演出機會呢,本身就唔多。再加上喎,要喺大銀幕上面有佢自己嘅作品，係咁啱比睇緊呢條片嘅你哋去睇到，仲要佢嘅演出係足以令到你哋，記得佢哋個名，咁就真係難上加難。戴玉琪、張迪文、賀寇、林梓潔、王一浩、麥詠嵐、陳增玲、許月湘、戴妙珊、馬俊怡，認唔哂唔緊要㗎，睇多啲佢哋嘅演出。慢慢呢,你就會記住佢哋㗎喇!

下載檔案

所有資料非作商業用途，若有內容侵權，請即通知我們移除。

咁可能你就問我喇，喺邊度可以睇到佢哋嘅演出呢? 以上有咁多位喺今年嘅第十一屆，微電影創家作支援計劃音樂篇，裏面都有擔綱演出。而今年仲總共有成31條，唔同風格質素都好好嘅微電影。可以喺創家作嘅youtube channel上面收睇，記得記得睇完投埋個靚票，投選你哋心目中嘅最受歡迎微電影。

我會擺條link喺description box裏面，投票截止日期係3月4號。支持香港電影嘅你，仲唔快啲用你嘅實際嘅行動，去支持你一班咁有heart嘅演員‵導演‵編劇、香港影視嘅製作團隊。

早兩年嘅《飯氣攻心》都可以話係一個近年最值得去分析嘅一個票房神話嘅個案，由原本呢22年嘅賀歲檔上映，因為疫情封咗戲院，所以就改為同年嘅中秋節檔期上映。裏面更加係有唔少嘅對白係需要重新配音去遷就返呢個檔期。如果你有留意開港產片嘅話，你都會發現賀歲檔上映嘅電影就算幾難都好，都可以收到幾百萬。如果係裏面有幾個大粒嘅明星，分分鐘輕鬆上千萬。

你再睇睇《飯喜攻心》嘅陣容，有近年賀歲檔票房保證嘅子華神，有喺電影方面越戰越勇嘅Stephy，有人見人愛嘅明禎，仲有喜劇感極強嘅張繼聰，仲有喺金像獎已經拎過最佳女配角嘅Ivana，同埋近年都幾多產嘅演技擔當 Peter 陳沙文。你話安樂嘅江生無計算過，我就唔多信。

再再再加上呢套戲，佢個宣傳真係擺到好早好早，首先有一張定當中秋嘅前導海報，仲有就係阿聰同Stephy嗰首《叉叉叉Love Song》嘅MV，一路鋪一路鋪。未上映之前仲搞咗好多優先場，開幕之後更加有唔同嘅路線，唔同嘅line up幾條不停去謝票。

你真係淨係睇宣傳攻勢，你已經睇到，商業大片，一個咁嘅架勢。嚟到續集嘅宣傳方面，我覺得其實已經做得好好。而我自己好早嘅時間，已經知道男主角之一嘅黃子華子華神，係唔會參演呢一套續集。我本身都好好奇，究竟冇咗子華神，佢嘅宣傳會係點做呢?
你知一定會有一啲觀眾，見到子華神唔做。一定會負皮咗先，又話咩唔睇。同埋你再睇返，近呢十年八年嘅往跡，真係叫做「得子華得天下」。佢真係是但拍套垃圾出嚟，都閒閒地三千萬票房。

而今集嘅宣傳方面，其實都唔算話好刻意去淡化，已經冇咗大佬嘅事實。反而就係上映之前嘅幾個月已經公佈咗演員嘅陣容，同埋佢嘅故事嘅走向係一個婚禮，跟住你又會睇到。佢喺戲院又抽咭機，同唔同嘅brand 去做Crossover。真係真係去到邊度，都可以見到佢哋嘅宣傳。

當你睇到今次飯氣攻心2嘅宣傳片、海報，你會發現，忽然多咗幾倍嘅角色嘅數量，我諗好多觀眾同我都一樣，唔多唔少都會有啲擔心。可能係近年成日都畀一啲大堆頭明星嘅嗰啲賀歲爛片去嚇怕咗。

如果睇返個故事嘅話，上集，其實好簡單以一個外來角色 —-林明貞飾演嘅阿喵，佢為五個本身已經係家人的人帶嚟衝擊。再嚟到今集，因為大佬嘅主角嘅離去，呢個主角群由六個人，變成咗五個人。

頭先都講到，唔少人都會因為黃子華無參與今次嘅演出，而產生好多疑問，甚至會因為無咗佢而唔入場，但其實如果以故事論，我覺得無咗黃子華嘅大佬嘅角色都好。雖然係好可惜嘅，更加係呢個故事裏面嘅其中一個硬傷，但係故事真係千千萬萬種，我覺得總會有佢嘅寫法。

睇得出Sunny導演今次用咗好多唔同加咗入去嘅一啲新嘅角色，一啲新生出嚟角色、唔同嘅劇情線，想彌補返無咗子華神大佬嘅空缺。例如係為咗推早Josephine 想結婚嘅衝動，呢一個願望就加咗由米雪飾演嘅媽媽，同埋羅蘭姐飾演嘅婆婆。話個老人家有事，想要沖喜一下，叫做強行畀咗一個逼住結婚嘅難題畀呢一個角色。但係我又唔覺得今次嘅劇本故事係有好認真，好深入咁探討 Josephine 佢嘅對於婚姻點睇，佢結婚婚姻觀係點呢?

又或者呢一個突如其來，要結婚嘅婚禮點樣影響住佢兩個人呢 ?而睇返今集，你發現電影裏面，點樣去為呢兩個角色嘅婚禮方面，呢一場第二場嘅婚禮去製造混亂，製造角色嘅變化呢。我好失望嘅係今次竟然用上----唔見戒指。然後三佬因為出去，想買返同款嘅戒指而困lift。

首先唔見戒指本身已經唔係一條好嘅橋㗎喇，再加上要令到佢返唔到嚟，所以困lift，非常之生硬地強行要求三佬，係硬生生，佢一定啦，唔可以出席呢個簽紙嘅儀式。

如果你話三佬真係咁大頭蝦，咁冇交代。我覺得件事都還好啲，但係最後竟然發現原來係Josephine唔見咗隻戒指。咁佢點解突然間簽紙人哋趕唔到嚟，佢就咁抗拒唔結婚甚至要大鑊到同三佬分開埋......呢成件事原起唔係話幫老人家沖喜?
忽然之間好似將喺上一集佢哋兩個之間已經解決咗個問題，又拎返出嚟講。但係又因為今集嘅時間關係，又無做到一啲好充足嘅鋪陳。令到唔少觀眾去睇第二場婚禮嘅時候基本上都完全代入唔到佢哋兩個嘅心情。甚至乎去到電影嘅後段，佢哋之間好刻意疏離，嗰種心情就好難理解。你諗深一層，你未婚夫，係結婚當日，喺簽紙嘅時候。遲咗嚟，你係咪應該正常都會擔心一下，佢會唔會出咗啲咩意外先嚟唔到呢?而唔係一野就話，我唔結啦，或者我同你分開啦，咁樣呢?

而另一方面，為咗加入一個好似上一集阿喵咁嘅攪局角色，就寫咗一個好似同所有主角都有少少交集，由魏浚笙飾演嘅Mark Gor。二佬貼Monica嘅關係，在上集大哥嗰一關後，今集要過叔父輩嗰關，要咁寫都冇咩問題嘅，加咗幾個叔父入嚟，簡單咁砌入去，情況類似、身分相似嘅角色、設定，電影又要花時間去講解呢堆叔父輩本身背景嘅劇情，就會有種好似前面提到，婆婆突然想你結婚嘅設定。有冇鋪陳過呢？冇。有冇深化呢種衝擊同感受呢？冇。因為我擺酒，因為有個呀叔著咗紅鞋，佢所以就好嬲你又著紅鞋，因為佢係油艇仔，你又係油艇仔，所以佢最尾就感同身受我鼓勵你。呢啲所謂嘅設定有冇透過劇情情節或者故事結構去展示畀你睇呢？呢個問題我諗你哋睇完都會答到我。

縱觀今集其實你會發現有好多係呢一類咁樣必須要咁寫嘅劇情發展。例如訪問導演嘅時候，Sunny都有講到佢今集嘅嗰個框框係三場婚禮，所以就令到今集幾pair嘅角色喺婚禮過程或者步向婚禮嘅過程都係好滾水淥腳feel。無論係開頭嗰場嘅結婚主題嘅 PR event，又或者嗰場假求婚變成真結婚，Josephine頭先提到，我嗰個結婚嘅理由，你會發現佢哋咁多pair結婚前嘅心境呢，其實都冇乜好鋪陳，冇鋪陳過咁濟。一場兩場，簡單講完，跟住好似順理成章，就去到嗰個婚禮。而個劇本又因為我個角色需要呢一種角色變化，所以又加咗好多好夾硬嘅情節去令到個角色係循住佢想要個變化去做，例如前面講到唔見戒指，又或者係謝君豪飾演六叔嗰個魚翅大王嘅設定，佢拎嚟同Monica嗰個保育嗰個設定嚟做嗰個conflict，又或者用油艇仔去教油艇仔嘅呢一個用設定去撞其他人嘅嗰個設定咁樣。呢啲設計，角色嘅設計，加咗入去之後呢，你又唔會覺得佢係咩特別嘅神來之筆，亦都唔算得上係順暢貼服嘅。《飯戲攻心》第一集呢，係加入咗一個關鍵嘅角色入呢個屋企啦，去豐富成個故事，令到六個主角之間產生chemistry。嚟到今集啦。少咗大佬嘅一個角色，反而佢就要加好多好大堆頭嘅角色設定呀、唔同嘅配角呀，為嘅就係填補嗰個窿。呢個窿好明顯，就係大佬嘅退場。阿Meow個角色呢，都叫做有種人已不在，但係屋企還在不在嘅嗰種心情，嗰種空虛，嗰種概嘆可以發展一下，但其實二佬同Monica同樣都係冇咗個原本夾咗喺中間嘅大佬。咁其實冇咗大佬呢樣嘢喺佢哋身上有冇啲咩可以再develop㗎啦？真係淨係得呢班叔伯兄弟嗎？而三佬同Josephine嘅嗰段關係點解好似來來回回咁樣嘅？呢有愛跟住又想結又唔想結喇喎，跟住又話自己事業為重又變返朋友喎，但係睇得出眼神又好似好愛咁喎。上集呢，你都會有嗰種愛情觀或者價值觀嗰種概念去碰撞一下。今次呢，就用婚姻去為呢幾pair嘅角色擺喺佢哋中間去做呢個X Factor。你要明白喎，婚禮唔同食飯喎。唔係忽然之間興起殺上嚟跟住就參與到嘅一件事嚟㗎喎。而且續集裏面佢嘅角色變化、感受等等係咪真係咁關嗰幾場婚宴事呢？定係純粹因為今集要有呢個三個婚禮嘅嗰個劇本框框令到Sunny導演今次真係作繭自縛咗呢？

其實你睇返呢上一集《飯戲攻心》嘅成功呢，我覺得有一定嘅程度係關於喺佢劇本裏面嗰一個究竟守唔守住呢頭家，定係走出去呢？正正呢，其實係切合咗當時好多人究竟決定緊究竟移唔移民嘅心理。成套戲，前面有住一啲喜劇嘅節奏細節嘅同時，都能夠同樣地帶到比觀眾一啲情感嘅投射啦。我會認為喜中帶悲，但又唔係悲得曬嘅。而你會睇到上一集最後嘅嗰場chaos混亂過後佢嘅處理係帶點希望啦，有message嘅。而續集呢，你會睇到佢咁急寫出嚟嘅一個呢個咁嘅劇本，實在有太多嘢需要交代，角色嘅情感變化，佢故事發展即係結婚點解要結、配角建立，所以佢一定唔會有非常之充分嘅時間去寫佢喜劇嘅部分。所以續集我聽到返嚟嘅feedback都係全部都覺得唔好笑。如果要嚴格少少去評論呢套戲嘅話，我覺得唔算係喜劇。我成日都會話如果同個作品個笑點唔一樣其實都未必關係套電影嘅問題，好唔好笑呢比起好唔好睇呢，係嚟得更加主觀。但我自己就好唔鍾意今集嗰種明明前面爆咗個笑點出嚟，大家都應該係笑住咁落下一場戲，但係無啦啦喜劇嘅場口裏面嘅最尾嗰幕，又會突然間變成一個好serious、好緊張嘅嗰種氛圍、好tense嘅一場戲，又或者係一種完全唔同tone又由喜劇突然間轉到要唔開心嘅一場戲。佢並唔係下場戲喎，係exactly大家明明笑笑下嘅時候呢，佢就突然間一個鬼轉去到一個勁認真的狀況裏面。而前面都提到其實今集續集係好多劇情嘢係需要交代。所以搞完個gag之後，下一秒我哋不如幫手搵返隻戒指。有少少喜劇突然間又轉為好緊張，緊張冇耐呢就去到一個角色嘅建設，建設完呢，又突然間去呈現感情沉澱嘅場口。所以你睇呢套戲嘅時候呢，你會不停都feel到呢，佢係好跳啦、好斷裂嘅感覺。呢一場嘅場口都未解決，跟住又要解決第二pair佢哋發生嘅問題。呢種劇情同埋情緒嘅嗰種斷裂感，就係點解我哋有啲觀眾佢嘅投入度呀，同埋佢嗰個情緒堆疊唔到嘅最主要原因。明明有幾場嘅畫面呀，佢裏面嘅演員表現、角色表現都係可以好有feel㗎喎，咁有種情感啦、感動啦、連結啦、Josephine點解唔嫁呢？三佬究竟衰啲咩呢？單純係因為三佬嚟唔到簽紙，二佬原本唔係好想結婚嘅人，點解突然間又想弄假成真呢？單純真係以為Monica有BB咩？續集裏面大部分嘅情節鋪陳全部都係好想一步到位，即係你好似擺咗個前設A喺前面，建立咗個角色設定之後就冇再喺劇本嘅層面到深化，佢中間呢夾硬寫一場戲去做個角色嘅衝突或者變化，戒指、魚翅啦，跟住呢後面淨係搵一場大家静落嚟，經過咗件事，思考啦、自我反省啦。一場呢好簡單嘅文戲咁就解決咗件事，就bring out咗個演員嘅變化結果出嚟啦。呢種設定下嘅故仔走向呢實在太單薄啦。如果你少返啲其他嘅配角呀，或者副線呀，感覺上都還好啲。但係要響一套大家都引頸期待嘅續集，排山倒海咁響兩個鐘頭密密咁放送畀你，咁就真係喜劇都變成悲劇啦。

總結嚟講呢《飯戲攻心2》如果以上一集喺咁好平如潮呀，票房都相收嘅情況去評價嘅話呢，今次真係可以算係一套失敗嘅續集。冇辦法嘅，都已經有兩個鐘頭嘅screen time畀你，都係令到我甚至其他觀眾都會有一種代入唔到、交代唔夠，團結感好重而且投入度低嘅故事。明明我對於呢班角色已經好熟悉㗎喇喎，甚至乎睇完第一集基本上可能有好多人都對佢有愛喺裏面。但係今集一開始嘅嗰種快節奏，中段嘅欠缺鋪陳，好多支線嘅簡化解釋，好似令到我對於佢哋咁多個點解咁陌生咁。我唔明佢裏面嘅角色點解會做呢啲決定，亦都唔明白佢哋點解啲情緒變化可以嚟得好似變色龍咁快。如果要以喜劇嚟評嘅話，成套戲有九成嘅位置我都係笑唔出。如果以一貫港產賀歲片嘅質素嚟評嘅話，咁就不過不失，合格有餘。主要嘅演員其實已經交出咗好多好好的moment，表現得好好的moment去充撐住成個觀影感受。特別係阿聰、Stephy、明禎幾場情緒沉澱又或者爆發嘅氣氛都係有feel。

我響訪問Sunny導演嘅一集港產導讀都提到我好鍾意Sunny導演去處理呢種好老土，嗰種谷情緒氣氛嘅處理能力。以前港產片嘅時候係咪好鍾意忽然間起咗首插曲，推個角色情緒推到好盡。如果今集嘅故事係簡單返啲，唔需要咁多支線、配角角色需要處理，一場戲嘅情緒變化唔會嚟得咁倉促急速嘅話，我覺得呢啲場口嘅力量感染力一定會更加大。好似五位主角跳舞嗰場咁嗰個力度一定會更加強。

今次我對於《飯戲攻心2》嘅劇透評論就嚟到呢度啦。如果你鍾意呢條片，記得CLS Comment Like Share呢條片出去。記得Subscribe呢個Channel，支持呢個Channel就做埋會員啦。做會員我就多啲空間去出多啲其他唔同類型嘅片，或者頻密啲去出片係啦。咁我地下條片再見啦，拜拜。