Google Pixel Fold 外觀曝光 | Nothing Phone (2)今夏登場｜Phone Link終於支援 iPhone｜廣東話【Price Weekly #164 2023年4月 】

另外喺 Facebook 上有眼利嘅網民發現，喺 Marketplace 上出現未發表嘅 Pixel 7a 蹤影，仲要係全新連盒未用過。呢位賣家前後擺咗黑、白同天藍三種顏色，同之前流出嘅宣傳圖片都幾脗合。網站Slashleaks 就透，Pixel 7a 會採用 Google自家 Tensor G2 處理器，屏幕更新率提升到90hz，記憶體加到6GB，亦終於支援無線充電，唔知大家又有對 Google 新機咩睇法呢？歡迎喺下面留言話畀我地知。

SONY 旗下電競品牌 INZONE 又有新產品，上年我地就評測過遊戲耳機H9，想睇返嘅可以撳右上角呢一度。今次推出嘅係電競顯示器 M9 同 M3，兩隻都係27吋 IPS Mon，反應時間短至1毫秒。不過M9解像度去到4K，支援144hz更新率。M3 就得Full HD，不過更新率可以去到240hz。值得一提嘅係M9 用上全陣列直照式背光，畫面亮度同對比都會有提升，兩個型號建議售價分別係$7,999 同$4,499。黎緊香港時間 11號中午 Sony 仲會舉行發佈會，預計會推出 Sony Xperia 1V。網上已經有唔少傳聞，有興趣入手嘅朋友記得坐定定一齊睇嘞。

Nothing 前排推出嘅Nothing ear(2)，表現唔錯令人滿意，而嚟緊佢哋都宣布將會喺夏天推出Nothing phone(2)。根據目前嘅消息，Phone(2)將會係一部高階手機，而官方更加用premium去形容呢部手機，而處理器方面會採用Snapdragon 8＋ Gen1。係Nothing嘅宣傳相上面可以見到新機將會加入新燈光效果，而機背會多咗粒掣，雖然仲未知道詳細嘅配置，但係齋睇片都好令人期待呀。

Samsung 日前發布咗 2023 年嘅產品陣容，其中剛抵港旗艦級 Neo QLED 8K 系列，採用 Mini LED 背光技術，配合新一代量子神經網絡處理器8K，同埋自動 HDR 重塑功能，通過自家演算法同 AI 深度計算分析唔同場景嘅畫面，將 SDR 嘅片源提升至近乎 HDR 質素，畫面更細緻奪目。另外 4K OLED 系列今年都有更新，今次屏幕係由紅、藍、綠三色，OLED 子像素組成，畫面亮度同對比度高咗，仲獲 Pantone Validated 認證，能準確呈現Pantone配色系統超過2,000 種顏色，同Pantone SkinTone 色彩，同場仲有全新 Q系列 soundbar。佢有22個揚聲器，最高可以輸出11.1.4聲道同支援 Dolby Atmos，佢有 Q-Symphony 技術可以同電視喇叭連動音效更加立體環繞，仲有SpaceFit Sound Pro 優化音效，不論聽歌或睇戲都更加享受。

之前我哋都同大家介紹過，點用Phone Link呢個App將Andriod手機Connect落PC，喺部電腦聽電話、覆Message、收Notification、同埋睇返晒手機入面嘅相。最近呢個App終於都支援iPhone喇，依家大家只要去 Windows Store將Phone Link更新至最新版本，就可以Scan返個QR code，Pair 返兩部機，不過要注意嘅係iPhone 暫時只係得收Notification, 打電話,聽電話幾個基本Feature。

早排遊戲Ashes of the Singularity嘅Benchmark排行榜上面出現咗一粒為叫Core Ultra 5 1003H 嘅處理器，呢個咁怪嘅名好快引嚟唔少猜測。當中有人爆料話Intel 嚟緊推出嘅第 14 代處理器會改名叫做 Core Ultra，而大家慣叫熟嘅 i5 i7 i9之後就會變咗做 Ultra5 Ultra7 同 Ultra9。一直去到最近，Intel 卒之有高層出嚟證實呢個傳聞喇， 國際傳訊總監 Bernard Fernandes喺twitter度發文表示，代號MeteorLake嘅新一代CPU將會用全新方式改名，不過依家暫時未知Ultra呢個名會唔會同時用喺Laptop版和Desktop版 CPU，睇怕要今個底嘅 Computex 2023先會有進一步嘅消息。

繼早前有烏克蘭傳媒分享一張疑似係烏克蘭士兵拎 Steam Deck操作機槍塔嘅相，最近又有新嘅武器實驗片段公開，似乎Steam Deck真係被武器化咗，連遊戲機都可以帶上真實世界嘅戰場。士兵用緊嘅係一款叫「Sablya」嘅機槍塔，根據網上嘅推測，士兵係利用遙控系統用佢嚟監控戰場，瞄準目標同埋開火。雖然Sablya就唔係新嘅武器系統，而Steam Deck表面上都係部遊戲機，但係當呢兩件事溝埋就好似變咗新嘢出嚟。估唔到比香港當係mini Pc 用嘅SteamDeck，去到烏克蘭竟然變咗做一件科技武器。