冰島喜歡藍男友頂唔順香港太熱 80後港女嫁過去冰島

Apple Backup Studio | 娛樂類 | Jul 12, 2021

此影片謄本由Bob製作

★非作商業用途，本檔案版權歸版權持有人獨有★

「冰島男仔會順住自己嘅感覺做事，比較純真，不會想太多。相比起香港男生就較有計劃同埋目標，去到咩年紀就會做D乜野。」

80後靄欣喺大學期間去日本留學，冇識到日本男仔，反而識左個冰島男朋友。

「仲未嚟到冰島之前，我其實係連冰島喺邊都係唔知嘅。我覺得我喺香港都生存到，冇地方我係生存唔到。」 (靄欣餵緊隻黑白貓)

下載檔案

所有資料非作商業用途，若有內容侵權，請即通知我們移除。

大學畢業之後，因為香港地理上比較接近日本，加上外國人喺香港唔難搵野做，靄欣就邀請男朋友返香港一齊生活。

「我地喺香港生活左兩個月，俾佢體驗下。佢就覺得香港空氣真係唔係咁好囉。應該係藍天白雲，明明天晴，但個天就灰灰沉沉。仲有太熱啦，因為佢係北歐人，嚟到香港真係感覺到係一塊融緊嘅冰，佢要帶兩件衫出街換。叫佢著拖鞋，佢覺得著鞋都太熱，街上太多人，好大壓逼感。」

男朋友頂唔順，倒返轉頭問靄欣願唔願意移居冰島，一開始佢都擔心屋企人嘅反應。

「覺得我好似離棄佢地咁，一個女仔走到咁遠。」

好彩媽媽俾左好大自由度佢。

「趁你仲未正式喺香港搵工，仲有得揀，試下其他生活吖，到時你唔鐘意嘅話，都可以隨時返香港架。你有條後路。」

一走就係七年，而加已經結婚入籍。

「我成日都好掛住香港嘅野食同埋香港多姿多采嘅生活。以前喺香港，一星期七日都可以有好多活動，但喺冰島就唔得。一嚟消費貴，二嚟真係冇咁多消遣。多數都係喺屋企煮，因為出街食飯，差唔多要二百蚊港紙，只係食意粉，咁個dinner 仲要係double價。雖然冰到嘅物價貴過香港好多啦，但租金相比之下比香港平，我而加住嘅呢個單位千一呎，圍返港紙就萬四蚊。四個人一齊租，除返開每人只係三千幾蚊，仲要包埋水電煤同埋上網。地方又好闊落啦，又有露台，我覺得真係好抵。」

／