1

Apple、Samsung 4月發佈會終極預告!iPhone logo印錯位反而仲值錢?PS5首次大更新 |廣東話【Price Weekly #58 2021年4月】

Price.com.hk 香港格價網 | 科技類 | Apr 18, 2021

此影片謄本由S製作

非作商業用途,本檔案版權歸版權持有人獨有

歡迎收看Price Weekly,我們一起看看今個星期最熱門的科技新聞。

結他殿堂級品牌 Fender在半年前推出了它們第一款真無線耳機 TOUR,之前我地都同大家上手試聽過,除了音色之外,呢隻採用 3D 打印技術的true wireless,外形有點似彈結他pick加埋全黑顏色,望落去真係好靚亦好有標誌性,唔怪之得,時初一賣街就已經幾度斷貨。

不過買唔到耳機的朋友,又不用失望,事關它們最近加推了一款Burgundy Red限量酒紅色,第一眼望就想起Ironman套盔甲,相當之霸氣有型,機面依舊有啲閃粉喺到,同平時坊間見到用噴漆噴上去的做法唔同,呢隻耳機特別用了多重閃粉塗層去做,看起來更加有立體感,至於價錢方面,呢款特別版就同黑色版一樣,都係賣 $1,699。

幾日之前 Apple終於確定了今年第一個發布會時間,定了在香港時間4月21日凌晨1點開始,上星期Macworld講過一單趣聞,佢哋問Siri呢個當時未公布嘅event究竟幾時舉行,Siri竟然好慷慨咁講到明係美國時間4月20日,原來有些東西不用上網搜尋,答案就已經在你部iPhone。

講返今次發布會,主題係「Spring Loaded」綜合返各大傳媒預測,iPad Pro 2021應該會係今次event嘅主角,首先喺處理器方面估計好大機會用返自家 M1晶片,而顏色上就有人從Apple公開嘅發布會邀請圖上面,預測新機將會推出更多顏色包括iPhone 12 Pro的藍色。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

而傳聞已久iPad Mini 6都有機會出現,早前有中國零件供應商透露Apple已經下了8.4吋OLED螢幕訂單,估計就係iPad Mini 6將會採用嘅新mon,有機會將Mini呢個定義推大咗1.2吋。還有的是已經一段時間的Airpods,今次有機會推出Airpods Pro 或者 Airpods 3。

呢部iPhone大家有冇見到邊到出咗事呢?冇錯喇!就係正中間嘅Logo印歪咗,但佢並唔係A貨!亦都唔係玩具!而係一部真真正正嘅iPhone 11 Pro,呢張相就係由一個叫做 Internal Archive 的Twitter 用戶所 post,佢話呢部機竟然索價 $20,999 港紙。據聞這種錯體 iPhone出現的機率低於億分之一,真係物以罕為貴,比著係你 又會唔會買呢?

Apple 20/4 就有 Special Event,Samsung 亦都有所動作,宣佈會喺 28/4 舉行 Galaxy Unpacked 發佈會,見到發佈會的宣傳就"The Most Powerful Galaxy is coming" 的字句,剛好網上又出現了一張 Galaxy Book Pro 的圖片,所以不少人都估計好可能是 Notebook。傳聞 Galaxy Book Pro 將會有 13.3 吋和 15.6 吋兩個版本,配備 OLED 螢幕和支援 S-Pen,另外亦會推出支援 5G 上網的 Galaxy Book Pro 360。

1

1

除咗即將舉行的 Unpacked Event 外,Samsung 亦係今個禮拜推出,之前喺 CES 發佈的2021 電視機系列包括首款搭載 Mini LED光源、量子技術和內置量子處理器的 Neo QLED 電視,不但在光暗位可以呈現出更多細節,透過AI深度學習,亦令到8K畫面更加清晰。

另外呢個電視系列亦獲得德國VDE認證為「高效能遊戲電視」,加上近乎無邊框的Infinity One設計、OTS Pro 環迴聲效等等有 8K 同 4K 型號,而尺寸就由50吋去到85吋,將會在 4月下旬開賣,售價可以睇返以下圖表。

PS5呢半年一機難求,要正價抽籤搶到機,就同當年買iPhone一樣咁難,而家已經係機主嘅要恭喜你,因為Sony啱啱推出咗第一次PS5系統大更新,PS5最新推出21.01版本系統更新,當中最大特色係佢終於開放用外置硬碟儲存遊戲,大家都知官方話PS5有1TB容量,但實際扣除系統軟件同要保留緩衝區,可以用嘅就只得整體2/3,即係大約667GB。

喺而家隻隻Game都要過百GB嘅世代,PS5好快會被打爆harddisk,所以今次Sony肯開放俾玩家用外置硬碟暫時解決問題,不過要留意呢次開放會有少少限制,因為PS5行高速SSD儲存同執行遊戲,所以使用外置硬碟只會作為儲存用途,如果要轉game嘅話 就要由外置hard disk抄啲game去SSD。而Sony亦承諾將來會開放M2 SSD擴充槽,俾第三方廠商開發專用記憶裝置,咁就有機會解決PS5長期唔夠容量嘅問題。

大容量外置硬碟選擇有咁多,究竟邊一款啱晒PS5用呢,我哋曾經都有做過5款1000蚊以下SSD測試。另外今次系統更新都有一個幾特別嘅Share Play功能,PS5玩家可以透過PlayStation App分享遊戲,其他朋友可以透過PS4睇到實時遊戲畫面甚至可以用黎操控玩PS5嘅games,仲可以雙打添~,唔知咁多打機直播KOL會唔會用呢個功能同fans做多啲互動呢。

1

1

有玩開智能家居的朋友可能大多數都係用Google或者Amazon的系統,以往都係呢兩間公司主導市場,似乎Apple 都想分一杯羹~有外傳媒就話Apple正開發全新的智能家居產品包括將 Apple TV 與 HomePod 合併,集電視、喇叭、鏡頭於一身以及用 iPad 作為智能屏幕的高階喇叭。

前者的靈感估計就係來自Facebook Portal TV,據聞將會內置相機鏡頭,等大家用電視就可以進行視像通話,而後者就會加入追蹤功能,透過機械臂追隨用戶在房間內移動,不過兩款產品仍然在開發初期,不知最終會唔會成功喇。

跟住就講下電腦的消息,相隔一年半之後,Microsoft 終於推出了新一代Surface Laptop 4,依然配備觸控螢幕,在外形上就冇乜變化,有冰雪藍、白金色、霧黑色和沙岩色可以揀,一樣都有13.5 和 15 兩個選擇。不過今次兩個尺寸都採用AMD Ryzen 晶片或者搭載第 11 代 Intel 處理器,官方話在效能上最多會有 70% 的提升,續航力達到 19 小時,配備 720p webcam,支援USB-C、USB-A 連接介面,但就未有加入 Thunderbolt售價方面由$7,760起跳,最高支援32GB Ram + 1TB Storage,由即日起率先在美國、加拿大和日本發售,

1

1

除咗小米最近推出Mix Fold,都有一段時間冇摺芒機嘅消息,記得TCL 好耐之前講過會出一部摺機,當時只係好概念的階段,從今次公開嘅一段動畫入面可以睇到Fold 'n' Roll 嘅摺mon係少有嘅外翻設計好似本書咁,摺起時螢幕6.87吋,打開後最大變成8.85吋,面積大咗近一倍,而佢仲內置咗一個捲軸,可以再將屏幕伸延至10吋。呢款OLED螢幕由TCL子公司CSOT生產,不過暫時未有交代更多具體資料,只係話距離正式推出都仲要一段時間,鍾意摺機嘅朋友就要等多陣喇。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

大叔的愛 EP2-浴室之初吻

ViuTV | 娛樂類

https-::www.youtube.com:watch?v=TSJwMZvw

大叔的愛 EP1-驚喜表白

ViuTV | 娛樂類

https-::www.youtube.com:watch?v=TSJwMZvw

調教你MIRROR EP1-調教2.0

ViuTV | 娛樂類

https-::www.youtube.com:watch?v=TSJwMZvw

試映劇場《拖延正是好東西》|試當真

試當真Trial & Error | 劇場類

https-::www.youtube.com:watch?v=TSJwMZvw

試映劇場《爆格爆出橋》|試當真

試當真Trial & Error | 劇場類

0