1

傳3月舉行 Apple Event新品預測.Spotify將提供HiFi無損音質.眾籌概念相機 Canon PowerShot ZOOM【Price Weekly #51 2021年2月 】

Price.com.hk 香港格價網 | 科技類 | Mar 14, 2021

此影片謄本由燕子生命製作

★非作商業用途,本檔案版權歸版權持有人獨有★

歡迎收看Price Weekly,我們一起看看今個星期最熱門的科技新聞。財爺發表最新一份財政預算案,今次唔派現金改為派$5,000的電子消費券,唔知大家又收唔收貨?究竟呢$5,000點用?政府會向18歲或以上香港永久性居民和新移民分五個月發放$1,000,初步計劃會同八達通、Alipay或PayMe呢啲儲值支付工具的營辦商合作,信用卡就冇份。

而且為了要刺激本地消費,搭車同海外網購都係不適用。至於點派法?派完先用定係用完再實報實銷呢?政府就仲未有詳細解說,如果係好似後者的做法,用電子支付就似乎有啲多餘喇,仲要分5個月洗,要月月清、冇得累積,搵人跟進的行政費分分鐘仲多過全港每人派 $10,000。

不過講起電子儲值支付,唔知大家多數用開咩工具?在疫情之下,全球電競產品業績都大增,HP最近就宣布將以4.25億美元收購Kingston的遊戲週邊品牌HyperX期望提升公司在遊戲周邊市場的市佔,令到產品的組合更加完整。收購範圍以電競滑鼠、鍵盤及頭戴式耳機為主,不包括記憶體和存儲業務,而收購之後都會繼續用HyperX的應用程式 (Ngenuity),預計會在 2021 年第二季度完成交易。其實 HP 早在2006都曾經收購電競品牌 OMEN,但多年以來都冇好好發展,外界就相信今次收購HyperX將會為HP 帶來不錯的前景。

下載檔案

下載檔案

1

1

所有資料非作商業用途,若有內容侵權,請即通知我們移除。

1

近年大家都追求高品質音質,繼 KKBOX 上年年底發表了 Hi-Fi 無損音樂,Spotify 亦都宣布將會在今年年底推出 CD 質素的 HiFi 無損音質訂閱計劃,Premium 的用戶就可以升級去到「Spotify HiFi」,預計定價將會高過 Spotify Premium,而詳細的收費方式和內容就仲未公佈,Spotify 話有機會同著名喇叭品牌合作,使 Spotify HiFi 可以透過 Spotify Connect在電視或其他裝置上播放,從而吸引更多人訂閱,大家又會唔會因為Spotify提供 Hi-Fi 音質而「轉會」呢?

最近有傳Apple將會在3月16日舉行Apple Event推出包括採用全新外型的 iPad Mini 6、AirPods 3 跟 AirTags 等多款新品,不過著名爆料人Mark Gurman就在Twitter暗示話Apple當日唔會有活動,但就冇透露會延後舉行抑或三月根本冇發佈會。講番產品的傳聞,一個音樂網站就流出了疑似 AirPods 3 的實機照片,驟眼睇同AirPods Pro冇分別,亦都係採用短收音咪道管和入耳式設計。另外亦都流出了一張X-ray圖片,見到兩代耳機拍埋一齊,AirPods 3的充電盒明顯細一截。綜合之前的傳聞,AirPods 3有機會係AirPods Pro的平價版,音質大致相同,有機會加入 Spatial Audio 空間音效,但就未必會有ANC主動降噪。

至於第 6 代的 iPad Mini傳聞就話將同 iPad Air 4 一樣,採用全新外觀設計,包括屏佔比更大的螢幕,可視面積增加至 8.4 吋,機身就收窄至 195 x 126.6mm,有機會採用側鍵指紋解鎖或者螢幕指紋解鎖,而處理器亦都都會升級至 A14 Bionic,我哋會繼續同大家緊貼住Apple的動向。

1

1

華碩宣佈旗下的電競手機ROG Phone 5將會在 3月10日晚上7點正式發布,新機會採用雙電芯電池及Snapdragon 888 處理器,外型大致沿用 ROG Phone 3 設計,配備 6.78 吋的 OLED 螢幕。最大的改變就是機背部份,中間位置加入一個小螢幕,顯示遊戲、來電以及訊息通知等。而燈效就由RGB改為Anime Matrix,至於容量方面就有「滿血版」的LPDDR5 RAM和UFS 3.1 儲存空間,內置 6,000mAh 電池並支援 65W 快充。

近年手提電話的攝力越來越強,各大品牌都務求追近專業數碼相機的級數,Samsung最近又再發表超大感光元件 ISOCELL GN2,面積由1/1.31吋增加去到 1/1.12 吋,單一像素大小就提升至1.4微米,而原生輸出像素就維持在 5,000 萬,GN2 採用Dual Pixel Pro 強化版雙像素對焦,由垂直改為以斜角線隔離兩組像素,除了可以更快對焦動態物體亦都可以提升水平的前後景對焦效果。另外亦加入支援處理器運算等級的staggered HDR提供一億像素的輸出以及有4K 120fps 和8K錄影功能。GN2已經進入量產階段,預計將會用於vivo或者小米旗下的手機。

1

1

WhatsApp的新私隱政策將會延期去到5月15日才會實施,究竟當日剔選「不同意」會發生咩事呢?根據WhatsApp最新公佈的安排,假設用戶到時唔揀取同意政策的話,就唔會再Send到同收到WhatsApp,只可以聽電話和睇到通知,但只要之後揀「同意」就可以繼續用。不過如果帳號在120日內都冇用連接過互聯網,即係完全冇用過,就會直接被系統刪除。而WhatsApp就強調新的隱私政策會繼續加密個人對話,不會保留用戶的通話記錄和共享位置等等。亦都不會同 Facebook 分享用戶的聯絡人,唔知大家又會唔會繼續用呢?

知唔知呢部係咩機呢?係咪以為佢係Google Pixel 4a呢?其實它是最近在網上流出的Pixel 5a電腦設計圖,兩代機望落都真係冇乜分別。有外國爆料人就估計Pixel 5a 將會在今年第二季發表,機身沿用上代的簡約設計風格,傳聞會採用 6.2 吋Full HD+ 的開孔螢幕,跟 Pixel 4a 完全一樣。機頂亦都保留 3.5mm ear jack,而機背就有指紋辨識和方形的雙鏡頭模組,不過新機就可能會寬啲和厚啲。至於處理器與記憶體方面就暫時未有詳細的資料。

1

1

之前我地都報導過Canon 會將一啲外形同功能特別的概念產品放在日本眾籌平台,攪下 gimmick 之餘又可以試下市場反應,有啲產品又真係幾受用家歡迎。好似今次介紹的 PowerShot ZOOM就在眾籌平台超額完成 3000% 目標,所以廠方就決定正式推出市場,預計今年4月在香港開賣,售價大約係$2,480。功能方面,呢部機外形好似望遠鏡的相機仔,除了輕之外,仲提供100至400mm光學變焦以及800mm 數碼變焦,亦內置Powered I.S.防震可以拍到1,210萬像素相片及Full HD 影片。官方話最啱鍾意行山影雀、睇演唱會或者睇小朋友表演用,唔知大家又有冇興趣入手?

收音咪品牌 RODE最近宣佈推出第2代Wireless Go是一款專為電話同相機拍片而設的無線收音咪,機身沿用上代輕巧迷你的造形十分之方便攜帶。除此之外仲支援兩個 Channel 的接收,即係1個接收器可以同時連接2個收音咪,錄到立體聲之餘2 個人一齊上鏡都可以做到 1 人1 枝咪。而規格方面就用上 Type C 介面,採用 2.4GHz 無線傳輸,有效接收範圍達到 200 米,並且提供 128bit 加密,1 次充電可以大約用到7個鐘,官方售價為 US 299 ,約HK$2,318。

1

IMG_1410.PNG

牆內能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。

其他最新謄本

https-::www.youtube.com:watch?v=TSJwMZvw

試映劇場《Maybe Someday 搵日啦》張蔓莎作品|試當真

試當真Trial & Error | 劇場類

https-::www.youtube.com:watch?v=TSJwMZvw

試映劇場《親愛的》 |試當真

試當真Trial & Error | 劇場類

https-::www.youtube.com:watch?v=TSJwMZvw

【#冰戲富​ 🕹S3E6】試咗先講の大挑戰 💪🏽 尷尬極限!講咗就要做 😈|Pomato 小薯茄

Pomato 小薯茄 | 娛樂類

https-::www.youtube.com:watch?v=TSJwMZvw

【得個講字!】辭職就快啦!唔好得個講字!#Shorts |Pomato 小薯茄

Pomato 小薯茄 | 劇場類

https-::www.youtube.com:watch?v=TSJwMZvw

《神棍雙妹嘜》

FHProductionHK | 娛樂類

0