iPhone 12 壞機無得1換1？．入門電影機 Sony FX3 傳下周發佈．《鬼滅之刃》第二季今年有得睇｜廣東話【Price Weekly #50 2021年2月】

Price.com.hk 香港格價網 | 科技類 | Mar 13, 2021

此影片謄本由燕子生命製作

★非作商業用途，本檔案版權歸版權持有人獨有★

歡迎收看Price Weekly，我們一起看看今個星期最熱門的科技新聞。距離新IPhone的發佈應該都仲有一段時間，但已經有不少的傳聞流出。根據網站 Patently Apple的消息，Apple早前獲得一項可變更新率的螢幕專利，新一代的iPhone 有機會採用現時 iPad Pro 的 120Hz ProMotion 屏幕，刷新率會因應用戶的需要而自動調節，最高可以去到120Hz。

而根據研究機構 Omdia 的報告，新iPhone亦都有機會改用更為慳電的 LTPO 面板，即係Apple Watch而家用緊嘅螢幕，並且會以屏下指紋解鎖取代Face ID，原因係在疫情之下大家戴住口罩，好多時都不會用面部解鎖，所以Apple就索性移除成個「M 字額」。

下載檔案

所有資料非作商業用途，若有內容侵權，請即通知我們移除。

除此之外，新iPhone亦都有機會移除lightning接口，將來就只可以用無線充電，如果以上的改動係真嘅話唔知大家又點睇喇？以往iPhone壞機的話，只要在保養期內顧客都有機會可以免費成部換過，但嚟緊就可能會冇呢個福利。根據外媒 MacRumors 取得的 Apple 內部文件，為了減少碳排放，由今個月23日起iPhone 12 mini 和 iPhone 12 的部份損毀將會以維修代替一換一的服務，包括底板、電池、無線充電圈、Face ID 和機背破損等等。而新方案只是適用於螢幕和後置鏡頭都完好的時候，至於 iPhone 12 Pro 和 12 Pro Max 就冇受到影響，但 Apple 至今仍然都未正式公怖。

近年流行復古，除了菲林相機之外，不少人都會買番部復刻版的手機留念，最有紀念價值的一定係非Nokia莫屬，但Nokia以往推出的復刻版手機多數都係行KaiOS系統，可能大家都會用唔慣。而最近就流出了一部運行 Android 系統復刻新機，外型保留了 Nokia 7610 獨特的設計，機面亦換上開孔全屏幕，經典之餘亦都夠哂時尚，不過暫時都未知係咪真係會推出。

跟住講下Samsung今年的皇牌機型Galaxy Z Fold3 和 Galaxy Z Flip2，兩部機預計今年六月推出，最近有人就係 Twitter 爆料話 Z Fold3 很大機會採用屏下鏡頭設計，其實Samsung一早已經申請了呢項專利，所以機會都幾大。另外亦都有傳新機將會引入S Pen傳聞越黎越多不知最終的設計會係點？

繼 Alpha 1 之後，有傳 Sony 會發表另一部全片幅成員FX3，就係主攻拍片FX 屬於 Sony 電影機系列，不過睇返網上傳聞圖，呢部機反而似一部無反相機，驟眼睇同 α7C 差唔多。而作為廠方最細的電影機，FX3 提供 4K 120p 攝錄規格，雖然拍唔到 8K但就內置主動冷卻系統，長時間拍片都唔怕會出現機身過熱問題。有傳呢部機將會配備 12MP 感光元件，內置雙 CFexpress 卡槽，有五軸機身防震和動態模式等等，但就唔會內置 ND filter，規格同 α7S III 都幾接近，預計將會喺下星期嘅網上 CP+活動發佈。傳聞售價為 $3,795 歐元，大約 HK$35,440。

漢科最近就引入一部配備AMD Ryzen 4000系列處理器的迷你電腦，MINISFORUM DeskMini X400機身的體積只有 153 x 154 x 62mm，比 mac mini 更加慳位，而重量亦只係得 976g，規格方面除左AMD處理器之外，呢部機內置了 Radeon Vega Graphics、跟機最高有16GB RAM同256GB SSD用家亦可自行升級記憶體至於連接介面就有齊 HDMI、DisPlay Port，4個 USB 3.0同兩個 Lan 頭並且內置藍牙5.1同Wi-Fi 6，亦都支援4K 畫面輸出，用嚟駁電視睇片同打機就好唔錯喇，一般文書上網當然都無問題。而處理器方面就有Ryzen 3、5同7 三個版本可以選擇，除入門的Ryzen 3 係用 8+256GB 的內置記憶組合，另外兩部都係用 16+256GB，售價由$4,999起。

最後同大家講一單遊戲新聞，之前鬼滅之刃手機遊戲宣佈押後推出令到唔少鬼滅粉絲失望。好在日本方面陸續有好消息，先有動畫宣布會著手製作第二季「遊郭篇」連預告片都有埋，至於劇情會係緊接《無限列車篇》後的故事，見到官方海報以「音柱」做封面人物，相信都係同「音柱」有關。

另一個讓鬼滅迷興奮的消息相信就係《鬼滅之刃：火之神血風譚》的遊戲已經有最新的實機畫面，早前遊戲商邀請《鬼滅之刃》的配音員去試玩呢隻雙人對戰game，角色方面暫時有炭治郎、禰豆子、善逸、伊之助同富岡義勇，玩家可以做出動畫裡面各樣招式，除左有對戰mode 仲會有故事mode，加埋熟悉的配音都真係幾原汁原味，預計今年內會喺PS5、PS4、Xbox Series、Xbox One 同 PC 等平台推出，大家千其唔好錯過！