1

怪叔叔東方昇 👀 盤菜姨姨18禁書推介?!🔞📚15/7《毛記演偽人協會》第13集—閱讀風氣關注組

毛記電視 | 時政類 | Jul 18, 2021

此影片謄本由Kaonashi製作

適逢書展開鑼,我哋節目亦被迫要幫手搞宣傳,但成班偽人個個去哂演舞台劇,冇個得閒!所以,今集搵嚟「天水圍社區關注組」兩位年少有為嘅主席撐場,同六位偽人遙距交流閱讀心得!

佢哋平時就關注開天水圍嘅,唔知又有冇關注到香港青少年閲讀嘅風氣呢?

Q:你鍾唔鍾意睇書?
天水圍社區關注組義務部主席 Jayden (15歲):都ok呀!
天水圍社區的關注組主席 Joel (11歲):如果老師逼我睇我就會睇。

Q:時下年青人都抗拒閱讀?
天水圍社區的關注組主席 Joel:佢哋(大人)都話:「你哋唔好玩咁多手機」「唔好睇咁多電視」「要養好一個讀好書嘅習慣」,我覺得呢啲好似呃人,學校逼老師丶老師逼同學 (特效:世事都被我看透)
天水圍社區關注組義務部主席 Jayden:我平均一個月去一次圖書館,通常去借兩本書,剩係今年都應該睇咗...10本多啲啦 (特效:學霸)

(字幕:為推廣青少年閱讀風氣,每位偽人各凖備一本好書推介,由兩位主席選出「好書no.1」)

盤菜瑩子好書推介
盤菜瑩子:Hello!大家好!我係盤菜瑩子呀!今日我都會為大家介紹一本書,但介紹之前,我要幫自己打個格變個聲先!
(聲音畫面經過處理)
盤菜瑩子:咁點解我要變聲呢?原因係因為我介紹嘅呢本書介紹畀小朋友,有可能係犯法嘅,呢本書就叫做《Deep Web File #網絡奇談》咁點解我要介紹呢本書畀大家?因為我覺得年代唔同,大家網絡上嘅危險意識好低,尤其是小朋友可能會鍾意好似東方昇呢啲YouTuber,睇佢個樣好似好正氣,但唔知佢係咪真係好人,咁如果一唔小心跟咗佢走,就可能好似Deep Web入邊嘅故仔,發生一啲好不幸嘅事件。咁所以我係非常高度推薦呢本書畀大家!你哋今日就要記住盤菜姨姨嘅說話喇!拜拜~

Jayden:ER...又唔好嗌姨姨嘅,應該都唔係同我差好多年 (特效:口甜舌滑!)
Joel: 我聽落好似散文集,如果佢係冇乜文字,我相信應該好吸引
(記者:會唔會有興趣?)
Jayden:會~日常嘢嚟㗎嘛!

下載檔案

下載檔案

1

1

營運經費相當貧乏,敬請體諒我們投放少量Google Ads!

1

Diskson好書推介
Dickson:根據我嘅專業觀察,書呢個偉大發明,之所以喺歷史鴻流屹立不倒,主要係啲人諗住睇完書之後,人生就唔會輸。所以根據「目標為本課程」嘅大原則,我會推介呢本...馬經畀大家!如果你覺得我係教壞細路,咁即係代表你可能嚴重歧視賽馬事業。賽馬,係一門學問,如果你有打開過入面個排位版睇,佢係有嗰隻馬嘅交配記錄。唔係...係佢爸爸嘅交配紀錄。同埋你會睇得出,佢同邊一國騎師夾啲,所以佢係一門生物學---Human Horse Connect Biology! 有好多人問我睇完馬經之後係咪一定會贏呢?答案當然係唔會啦!信嗰個都可能有少少...On9嘅...咁點解仲要睇呢個馬經呢?就係令你輸到仆街,之後翻身、讀書,之後就可以贏喇!推介呢個馬經畀大家!

(記者:點呀?有冇睇過馬經呀?)
Joel:冇,聽過啲阿伯睇過。第一,我哋入唔到去;第二,我哋依家睇波唔睇馬㗎我哋!(拎住馬經)30蚊喎,你賣10蚊畀我返去墊垃圾好過!
Jayden:Er...賭博呢家嘢,依家嚟講我冇乜興趣去試~


利君牙推介書目

利君牙:《最後14堂星期二的課》佢都係一本經典書,已經翻譯咗唔知幾多個語言(2000年:連續26通蟬聯《紐約時報》非小說類 暢銷榜丶於《紐約時報》暢銷書榜蟬聯超過4年丶2006年:被選為「最佳回憶錄」書籍),賣咗唔知幾多千萬本,內容講啲咩我就唔喺度講,但我發誓,呢本書係好睇過你哋平時上堂聽嗰啲書!!呢本書其實我細個時,老師都有逼我哋睇,即係閲讀週要睇。咁佢就係...講人生啦...喂呢啲好似好悶呀!唔緊要!總之呢本書丶呢啲故事,雖然講唔出咩大道理...唔係!其實佢講咗好多人生道理,但我依然都覺得好有親切感,多謝!

Jayden:(拎住本書一頭霧水)字數嚟講,其實都啱我呢個年紀睇,我睇開就係呢種字數嘅書,我唔係好知啦,但佢就有好多人生大道理之類,呢本書我覺得可以睇!
Joel:(揭書)(度本書厚度)接受唔到! (放返低本書)

Kneta好書推介
Kneta: hello!咁多位小朋友大家好~我今日身份就唔係Kneta,而係叻師傅!咁師傅我今日想同小朋友介紹嘅書係咩呢?就係呢本《通勝》喇!你哋可以透過呢本書,透過你哋出生年月日,可以知道你哋人生發展係點樣,咩事係對你哋好丶有咩事係對你哋唔好。只要你慢慢揣摩入面,大至搵錢方法丶識女仔途徑或者對自己有幫助嘅事業,都係可以查到嘅。賺錢可能你依家唔需要,但過多幾年嘅時候,你就會多謝師傅!介紹呢本書畀你!其實師傅就唔係鼓吹迷信,知道自己多d並唔代表迷信,所以要把握幸福嘅門匙,咁你先可以得到更成功嘅人生,師傅愛你哋,下次見!拜拜!

Joel:(拎起本通勝)呢個幾多年㗎呢個?
(記者:今年㗎)
Joel:今年?!
Jayden:其實...Er...聽就聽得明,睇未必明
Joel:我...我...我唔信呢啲,但...ok嘅,好過上一本

1

1

東方昇好書推介
東方昇:依家年青人閱讀風氣好差,主要原因都係驚字,於是我就決定由淺入深,介紹一本比較多圖嘅書,就係一本由日本買返嚟健教科嘅書,咁就係呢本喇~《原寸大おっぱい図鑑》我哋睇個名先~就叫...唔知咩圖鑑,不過其實個名都唔重要吖,其實呢本係一本好健康嘅性教育書,裡面係冇露點嘅,我買返嚟嗰時書都冇包。裡面其實講一啲人類雌性動物,身體上嘅唔同丶一啲變化。裡面都真係冇乜中文字,咁梗係啦,因為日本書嚟㗎嘛! (Joel尷尬笑)但唔好咁講,其實裡面日文都...唔係好多,最重要反而係睇一啲英文,見到佢左上角會寫住,(揭開本書)由A,到...到幾多呢?係喇~到K cup嘅一啲分別,咁我相信呢本書,都絕對可以令到大家挑起閱讀嗰個慾望,咁希望大家鍾意啦!

Joel:(拎起本圖鑑)呢本唔啱我睇(揮手揮手)
(記者:但呢本好多圖喎)
Joel:係好多圖,但唔啱細路仔睇!!!
Jayden:(拎起本圖鑑)色唔色情呢樣嘢...就要睇吓先...我都...我都...我都唔係好知,我唔敢睇...依家,依家嚟講梗係唔適合啦,大個咗先睇啦~但如果講返性教育呢方面,其實就...青少年應該要學嘅---成熟!Er...講緊性知識啫~就唔係講緊呢啲,(拍落本巨乳圖鑑)呢啲~圖呀!

1

1

羅若Off好書推介
羅若Off:各位小朋友你哋好,我係Off姐姐呀,咁我今日要介紹嘅書就叫《人生慘敗組》,咁你哋細個咪聽過《龜兔賽跑》嘅故事?裡面隻兔仔就恃住自己係人生勝利組就好得戚丶懶叻,最尾佢就輸咗呢場比賽啦,而呢本書入面既主角都係一隻兔仔嚟,佢仲參加咗一場叫「人生」嘅跑步賽,佢唔單止跑得一啲都唔快,仲成日仆親。大人成日話:「仆親!要話唔好喊!」「企返起身!」但呢本書就會話畀你哋聽:仆親,係可以喊嘅!因為真係痛㗎嘛!而且跑得快唔快,亦唔係定義一隻兔子叻唔叻嘅標準,而我,亦係呢本書入面嘅兔仔,亦係呢本書嘅作者兼畫家~我就諗住分享一啲仆親嘅經驗畀你哋聽,希望可以幫到你哋人生呢場比賽啦!拜拜~

Joel:聽個名同睇個封面,ok喎~(特效:滿意~)
Jayden:吸引到我,都係一啲唔成功嘅人點慘法~
Joel:(讀本書的內容)「沿途就算跌,只要跌得好睇就夠了!」我覺得佢哋睇完呢本書,其實佢都學到唔少~

1

1

Q:6本書之中,邊本係No.1?
Joel:我覺得呢個係No.1(人生慘敗組)
Jayden:我就應該會推介網絡嗰個(Deep Web File #網絡奇談)
(記者:但嗰本要18歲以上先睇得)
Jayden:如果話要呢個年齡層,我諗呢本都可以睇吓嘅(拎起「人生慘敗組」)

「人生慘敗組」榮獲兩位主席推介好書!!!

Q:如果要在學校內,舉辦「閱讀風氣關注組」,你會推行什麼政策?去鼓勵同學閱讀呢?
Joel:首先,閱讀報告真係唔得囉,我哋小朋友接受唔到!
Jayden:如果講話街站,我哋會搞漂書會,畀佢哋知道閱讀其實係一種樂趣~
Joel:唔好搞到咁假囉...咩「讀好書對你好好」太夾硬囉呢啲
Jayden:因為我發現,學校嗰啲書有時真係太文學化---文言文丶認識中國嗰啲,好似我咁,我自己就唔係好鍾意睇呢啲書,我自己鍾意睇一啲社會上嘅書,社會丶政治嗰啲書。其實學校應該係要帶同學去認識吓唔同類型嘅書,就唔應該話單一推介文學書。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0