1

14/7 《星期三港案》香港改嫁潮

毛記電視 | 娛樂類 | Jul 18, 2021

此影片謄本由Sa製作

大家好我係RC,咁我係「我老婆嫁咗畀Mirror導致婚姻破裂關注組」既版主。我老婆係姜太,本身我姓陳既,咁所以我由老公變咗做前夫。好開心到今日呢我仍然係存在喺呢個世上。

Hello大家好我係姜太,我只係姜濤其中一個太太,我係版主既前妻。 

(記者:睇群內帖文,有冇少少幸災樂禍既感覺啊?)
RC:我絕對唔係用幸災樂禍呢個詞語囉,因為我作為前夫們嘅一份子呢我係深表同情嘅。咁但係係笑咗既好多都。第一個最深刻既post就係,大家都知道193啦,因為佢身高係193所以就叫193啦,跟住就有個老公話「死啦我老婆而家開始叫我做168啊」咁呢個(帖文)我係第一個睇到噗... (噗一聲笑出黎)

呢種令前夫們得啖笑嘅遭遇又點會得咁少呀?呢年幾黎多位人妻改嫁香港男子組合mirror,而呢班前夫們除咗要出心出力仲要出錢去撮合佢哋添,所以令佢哋心理極度不平衡。而呢個Group誕生就成為佢地圍爐取暖兼食人花生嘅地方啦。每次搵到同類嘅一刻,就係佢哋心靈受到安撫嘅時候。呢個Group短短十日內已經有28萬人加入,就連花姐都係ig度share添呀。

創立呢個Group既前夫代表RC見到咁多人一齊食花生係咩感覺呢?

RC:點解既呢?痴線架D人?我諗極都諗唔明

姜太:因為佢冇意識到原來Mirror係咁紅

RC:我意識到Mirror紅但係我冇意識到原來有咁多嘅前夫呢,佢哋都係遭受禍害。

姜太:其實我諗佢一開始既對象呢係我姊姊嘅老公或者係男朋友嘅。我有個姊妹話佢夜晚瞓覺夢見呀Jer啦,跟住第二日佢就直接同佢男朋友講「我琴晚呢同你同床異夢啊」

RC:與其我嘥心機去阻止佢,不如攞啲心機出嚟開個group好過啦。應該容易D,咁所以就開個Group啦。睇下其他啲老婆呀其他啲前妻呀有冇咩仲激進嘅嘢,咁都可以慰藉下我既心靈啦。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

(即係要睇下人地點樣再慘D吓話?)

RC:係啊,睇人xx最開心吖嘛(笑)

令到RC有衝動開呢個group一定係佢日常都受到前妻唔少既侵害。究竟佢屋企嘅地位係點嘅?又處於第幾位呢?

RC:廿一囉,Mirror十二個啦,Error四個啦,跟住仲有花姐啦,

姜太:花姐好緊要架!

RC:跟住就生啤啦(記者:連生啤都輸)

姜太:嘩鍾意生啤我真係好鍾意生啤!勁開心喎!
RC:Mike導啦同埋就係我隻狗丙丙啦,咁呢度(指向太太)20,咁我就係排21啦。

(記者:咁你覺得姜濤係一個點樣既人?)
姜太:嘩!哈哈,嘩哈哈哈有排講喎!講到十點呀可以。(RC:我去食飯先啦)第一,我覺得佢好認真啦。佢唔係一個淨你齋發明星夢既人啦,佢好認真咁對待自己既作品啦… 
*兩倍速播放* 
由《全民造星》開始到現在自己發行歌曲每一個表演他都很認真對待自己的成品,以及我覺得他很關心社會,因為很多明星及歌星的作品都專注在愛情題材。但你會發覺他的作品裡可能會有關於抑鬱症、其他社會議題。又或想自己進步例如《Master Class》這類歌我覺得意念很好。 
*回復正常速度* 
即係人生唔係淨係愛情或者依個樂壇唔應該淨係得愛情既野囉。係啦咁囉。咁當然係仲有就係…呀!死啦仲有!(RC眼神死)
*再次兩倍速*
即使他現在當紅,花姐也說他是一個很謙卑很簡單的人,只想做好自己的表演。希望他能維持,可能在這複雜的娛樂圈內未必這麼容易維持初心。但起碼到現在他始終如一…(RC眼神死 麻木點頭認同)
*回復正常速度*

(記者:姜濤鍾意咩顏色你知唔知呀?)

姜太:黑白囉!佢講既!(甜笑)

(記者:咁陳生鍾意咩顏色啊?

姜太:藍色囉…呀唔係,黃色囉…哈哈唔知呀,哈哈…

1

1

相信大家都感受到姜太對姜濤滿滿嘅愛,唔知姜太覺得自己算唔算一個誇張嘅姜糖呢?

姜太:唔算!絕對!好理智呀我覺得。即係如果你講周邊既話啦,唔係佢地代言既商品啦。咁就譬如可能咕臣啦,毛巾啦但係毛巾就唔用嘅,掛既姐攞黎。啊哈哈哈…

(記者:唔捨得用?)

RC:長期都係晾住喺度,晾喺個廳架。

姜太:當Poster咁樣掛囉,但係好靚架,製作精美…

RC:Okay Okay Okay…

RC:有一排就,成日迫我買洗衣機囉。

姜太:姜濤代言囉因為,基本上我哋冇考慮過其他牌子…

RC:咩我哋姐,得你考慮姐麻…

睇到呢一刻,相信唔係鏡粉嘅你,應該都會想問一句究竟呢一塊「鏡」有咩魔力令咁多人著迷入曬「教」呢?
姜太:姐係我前嗰幾日睇咗篇報導話Mirror紅係天時地利人和,呢個係真嘅。因為真係可能呢幾年大家都冇咩開心嘅嘢。所以既時候你自不然你都會有一個渠道需要去放鬆呀,咁岩呢班人就出現左啦。佢哋出現其實好好喎,因為我諗我對上五六年我都冇真係去迷上一個明星呀,
因為我唔係好鍾意韓團嘅,佢地出現咗畀大家覺得係一個同聲同氣啲。同埋可能真係為
香港樂壇帶黎左D改變。咁同埋某程度上佢哋係一個向傳統權力挑戰既一個象徵囉我覺得,即係可能娛樂圈或者係電視圈未必係一台獨大,咁佢哋就喺一個最好嘅sample.

呢個星期好多人話睇呢個group睇到好開心,但原來要維持呢個花生地一啲都唔容易。RC話雖然人多咗令到精彩嘅花生都多咗,但係就出現埋口角同係咪都檢舉呢D混亂既情況。身為版主既佢,呢幾日處理呢啲事搞到自己都冇覺好瞓。

RC:其實我有一輪喺呢個group呢我係睇到有D negative架,我每日淨係睇嗰D被檢舉既Post呢,講緊係過千個Post. 咁我睇唔返正常嗰啲,就諗「啊?點解我個group會變成咁樣嘅呢?我係咪需要有啲乜嘢去做得好啲呢?」

姜太:一開始大家都真係諗住圍爐取暖呀,或者畀佢哋男人去笑我哋.咁但係而家可能
大家都憑藉住依個Group得到咗啲快樂。有一日佢呢就好depress嘅時候呢就,出咗個Post就話「大家再係咁樣呢我哋就del group㗎喇」咁樣。但係然後下邊好多可能留言就話呀「唔好啦,其實呢幾日都好開心呀」「版主千祈唔好del group呀」類似呢D,咁我都覺得其實呢個group除左係原本個idea之外呢,都會有另外一D既價值。

1

1

RC︰我搞出黎呢壇野呢,我係應該要負返多少責任既。(笑) 其實呢幾日我都不斷Menage個group啦,我想達成嘅效果係我希望香港人上到去睇呢個group純粹真係大家開開心心,咁就ok啦。同埋各位前夫係要珍惜生命。

(記者:有冇D咩係宜家最希望架?)

RC:最希望啊?希望姜濤唔好代言啲太貴架啦…(姜太:啊哈哈哈…)

有睇《大叔的愛》既你一定已經發現,今次訪問嘅場地係呢套劇既拍攝地之一。提起套劇,
前幾日阿牧同田田錫嘅一刻,唔少人都話聽到附近幾棟大廈都有少女嘅尖叫聲。去到琴日,阿牧喊住講分手嘅時候,大家都一齊喊住嗌唔好。呢種久違嘅同聲同氣係香港電視圈新既突破。而呢個group表面上係一個圍爐花生group,但其實暗啞底咪又係一個愛妻閃光彈group。

1

1

好啦,時間嚟到九點半啦,我要睇電視啦,拜拜。

記者/編輯 Karcy Li
攝影 Josh Ching, Koo Fung
剪輯/配音混錄 Alex Yau
美術設計 Victor
片頭音樂 容沛東
原創音樂 寗浩基
動畫設計 Zack Lam

毛記電視新聞及之資訊部 公共事務科製作

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0