1

美國是怎麼崛起的 為何美國如此強大?

cheap | 歷史類 | Jul 18, 2021

此影片謄本由港女製作

美國係當今世上最強大嘅國家,無論係軍事、經濟定係科技實力都遙遙領先各國。不過美國獨立至今唔夠250年卻獨霸全球接近一個世紀,美國係點樣從一個邊緣人變成世界霸主嘅呢?

首先美國崛起嘅過程可以粗略分為四個階段,第一階段天命擴張。從美國獨立1776年到20世紀1900年,呢個階段美國從北美十三殖民地,透過戰爭、購買等手段奠定左現今美國嘅領土。同時因為開放嘅移民政策吸引左大量嘅愛爾蘭同德國移民,呢段期間美國獲得左日後崛起所需要嘅優質土地以及廣大既人口。

第二階段為1900年到1945年,係1914年一戰之前美國既實力遠在歐洲各國之下,並且欠歐洲好多錢。不過歐洲既一場內戰為美國提供左崛起嘅機會,打得不可開交既歐洲各國都紛紛向美國訂購大量嘅戰備物資同商品,令美國由欠債國變成債權人,狠狠咁發咗一筆戰爭財。係戰爭既最後階段,美國搵左個理由參戰並係戰後獲得左世界政治嘅說話權。

戰後美國經濟蓬勃發展,企業努力製造商品,消費者不斷購買商品,美國股市就不斷創新高。不過商品總有賣唔完既一日, 1929年到1933年期間全球既經濟危機嚴重打擊左美國,不過轉機好快就出現。美國總統羅斯福大興土木挽救左美國嘅經濟。接着二戰爆發又讓美國浴火重生,優越嘅地理位置使美國本土完全唔受戰爭影響,保護左美國強大既工業能力,好似開左外掛一樣。美國既潛能完全被開發,係二戰後美國主導左世界同秩序,同時成為世界上經濟最強嘅國家。

第三階段為二戰結束到蘇聯解體,戰後世界分為資本主義同社會主義兩大陣營,美國同蘇聯係各個領域中互相競爭,呢段期間美元不再同黃金掛鉤,美國完成左石油美金既金融戰略部署,並係全世界建立軍事基地。美國強大嘅航空母艦戰鬥群巡邏三大洋,並且透過馬歇爾嘅大撤幣計劃, 扶值左西歐同日韓等等盟友,建立咗北 約對抗蘇聯。最終美國令蘇聯解體,成為世界上唯一強國。

第四階段蘇聯解體至今,到咗而家美國喺全球仍然無對手。軍事預算全球最高,達到7150億美元,係第二名中國嘅2.8倍。美國麾下150萬大軍配上全世界最強嘅裝備同科技,可以係全世界任何角落投射兵力。經濟實力亦都係碾壓各國, GDP約等於第二至第四名中國、日本同德國嘅總和,人均GDP接近七萬美元。除此之外,亦因為美國主導左世界嘅秩序,同時又係全球經濟最強嘅國家,美國使用嘅鈔票就成為左世界既硬通貨,變成左世界嘅交易工具。無論你買石油、外貿等都係以美元計算,美國用全球最強大嘅軍隊保護美元嘅地位,至今屹立不倒。美國可以亂咁印鈔票,可以任性咁派錢比國民,都唔驚財政崩潰。其他國家如果亂咁印鈔票會導致通貨膨脹,美國亂咁印鈔票就係全世界埋單。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

世界歷史上從來都無一個國家可以達到呢個境界,不管係羅馬帝國、大英帝國、蒙古帝國定係中國嘅漢唐、宋元明清盛世都追唔上美國嘅身影。

我哋而家知道美國崛起嘅過程,咁到底美國係點樣煉成嘅呢?美國之所以咁犀利,簡單來講佢就係一個努力嘅天才加上爆棚嘅運氣。要成為一個強國首先土地一定要大,國土廣大代表可以容納更多嘅人,並有更多嘅耕地或大量嘅資源。美國係全世界第三大嘅國家,地形優越緯度適中,國土遼闊三面 臨海,平原佔咗一半而且氣候十分舒適,唔似俄羅斯、加拿大咁凍,又唔會好似巴西咁熱,美國嘅土地適合農耕亦適合居住。而且美國嘅戰略位置非常好,東西兩大洋、南北無強國,太平洋同大西洋成為左天然嘅屏障,北邊嘅加拿大人口稀少氣溫寒冷,南邊嘅墨西哥政治混亂缺乏資源國家實力都好弱,南邊再過嘅南美洲更沒有一個國家係對手。

所以美國很難被其他國家入侵,立於不敗之地,反觀熊貓國有十幾個鄰國,北邊既俄羅斯曖昧不明,南邊既印度水火不容,東邊既日本同韓國係美國既細佬,周圍嘅一啲小國無事又會挑釁下。美國嘅土地不單止大而且好,世界第四大河密西西比河縱貫南北,平原面積佔國土面積近一半,耕地面積佔全世界既10%。而且美國農業高度機械化,農夫只有就業人口嘅1%卻生產左世界上五份一嘅糧食。

季辛吉講過一段說話:誰控制石油,誰就控制所有國家。誰控制糧食,誰就控制所有人。誰控制貨幣,誰就掌握全世界。而好明顯嗰個[誰]就係美國。

接下來就係優越既政治制度,二百幾年前一班堅信人人平等既美國開國先賢吸收左英國、法國等等治理經驗,建立左一套以自由、平等、共和、憲政、民生為核心既政治制度。

國會、總統同法院三權對等,權力分立、共同存在、互相制衡,美國呢套政治制度由1788年來每四年進行一次選舉,從未有過皇室、獨裁者或者政變。除咗內戰以外,美國獨立以來未有過大規模嘅衝突,穩定嘅政治制度為美國提供左良好嘅發展。喺美國有完善嘅12年國民義務教育,如果你讀公立學校嘅話仲係免費嘅添!不過真正引以為傲既係美國嘅私立學校同高等教育,美國有世界一流嘅頂尖大學。呢啲學校帶多數都係私立,喺政治不干擾學術嘅情況下,呢啲研究型大學係世界先進科技嘅搖籃。更重要嘅係呢啲大學吸引咗全世界嘅優秀學生同學者聚集喺度,好多人畢業之後會留喺美國就業,並取得美籍,為美國提供源源不絕嘅人才庫。

1

1


舉個例子,一位台大醫院既主治醫生後來遠赴美國進修,最後佢舉家遷移留喺美國做醫生,就等於台灣送咗一個頂尖人才俾美國。

此外,美國既創業環境非常友善,喺美國嘅文化中失敗並唔代表乜嘢,不但唔會被苛責,更會被視為寶貴嘅經驗。

美國擁有比歐洲更發達嘅融資系統,提供創業家初期所需嘅資金,鼓勵創業嘅文化亦都意味着有好多投資者樂於幫助初創業者。Google、Facebook同埋Microsoft就係咁樣誕生㗎啦。

美國除咗呢啲硬件上嘅優勢,仲有美國人嘅價值觀就係競爭,美國係一個講求自由競爭嘅資本主義社會,競爭亦係物種進步嘅重要動力。美國擁有世界上最優秀嘅人才,一流嘅教育同創業環境,透過不斷嘅失敗,新手前仆後繼咁踩喺前人嘅經驗上,讓社會維持高度嘅競爭力,呢種循環可以話係讓人類文明進步最快嘅歷程。

美國人深信只要經過努力不懈嘅奮鬥就可以獲得更好嘅生活,呢個就係美國夢。同世界上大多數嘅國家唔同,美國既自由經濟、市場機制同埋小政府嘅精神,讓美國社會流動性極大,任何人都可以憑着努力得到應有嘅回報。美國企業唔會同你玩子承父業呢一套,任何人只要努力都可以爬到頂端。反之,係我哋嘅國家,無論你再點樣努力都只係幫老闆打份工。

總結一下美國點解咁強大,佢有絕佳嘅地理位置、豐富嘅自然資源、強大嘅軍事同外掛嘅工業能力,穩定嘅政治制度同市場經濟、一流嘅教育同創業環境,自由平等又有競爭力嘅美國文化同精神,但係呢一切最基本嘅都係美國有全世界最優秀嘅人才,呢個先係美國真正強大嘅原因。

1

1

強大嘅美國亦都係佢哋嘅股市上面表現出來,全球股市市值約91兆美元而美股就佔咗42%,係地表最強嘅股票市場。亦都因為美國股市係全球市值最大,流動性最佳、財報透明度高嘅市場。除咗美國本土嘅優秀企業,好似Facebook、Google同Microsoft等等,都吸引咗全球最有競爭力同創造力嘅企業喺美國掛牌,好似我哋嘅護國山神台積電、中國嘅百度等等。對比台灣股市,大多數屬於中小企業,類似台積電嘅全球性企業並唔多,而美國淨係上市嘅股票就有7600百幾隻,而且大多數係全球化企業好似Tesla、Amazon同Apple。

美股每日嘅交易量非常大,唔似台灣一啲小型股較容易被主力操控股市。而台灣人最愛嘅股息,台股大多數係每年發放一次,美股就多數係每季發放,現金流動性較佳,而且美國最細嘅單位係一股,例如要買台積電ADR,一股約120美元入門門檻唔會太高。台灣人鍾意買概念股,例如蘋果有新產品上市,我哋大概會買台積電、鴻海或穩懋,不過概念股又唔係話只係幫呢間公司代工,好似台積電都有幫英特爾做晶片啊,咁點解唔直接去美股買蘋果呢?又或者睇好輝瑞疫苗同莫德立未來嘅發展,喺台灣你冇得買呢啲概念股,因為佢哋只係喺美國掛牌。

1

1

講咗咁多美股嘅好處,咁請問喺邊度先買到呢?喺台灣買股票必須先開證券戶口,買美股當然要開美國嘅證券戶口,所以我哋要配美國開戶套裝行程,飛去美國開戶口順便打疫苗!緊係唔係啦!

至於點樣揀證券行幫你買賣美股呢?而家嘅證券行已經有美股即時報價嘅功能唔再好似以前咁延遲報價,美股無漲跌幅既限制,即時報價先有投資嘅優勢,一個好嘅睇股app都好關鍵,除咗最基本嘅即時報價仲要有產業分類、概念類股等等仲有可以提供股票嘅基本資料、財務、技術分析等,而家都可以係一個app裏面搵到所有資料,慳返唔少時間。

其實我都係收美金出糧嘅,不過呢幾年台幣瘋狂升值,將美金兑返台幣就蝕晒啦!如果你同我一樣都有多咗嘅美金或者可以利用證券行投資美股,唔好白白將資金擺喺度。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0