1

古典經濟學家們從未設想「負利率」會在自然經濟中存在,它是毒藥還是良藥?

窮奢極欲 | 財經類 | Jul 11, 2021

此影片謄本由港女製作

大家好,呢度係窮奢極慾,一個離唔開錢嘅頻道。

愛因斯坦曾經講過一句名言,世界上最強大嘅力量唔係原子彈,而係複利加時間。

而價值投資者就係最鍾意通過複利嘅力量喺長期間來產生高回報。其中最具代表性嘅人就係投資大使巴菲特啦!由1957年嘅30萬美元開始,到2016年資產超過700億美元,平均年化收益率大概係20%。當然,巴菲特已經係屬於神一樣嘅人物啦!保持20%嘅收益率並唔係每個人都做到,但亦都足以說明複利嘅可怕。咁到底乜嘢係複利呢?係開始之前先聽一個典型嘅複利息故事啦!

下載檔案

下載檔案

1

1

營運經費相當貧乏,敬請體諒我們投放少量Google Ads!

1

話說喺古印度有一位叫西薩嘅宰相發明咗國際象棋,當時嘅國王極為喜歡,於是龍顏大悅下就要好好賞賜一番。國王問西薩有啲咩要求,西薩就話:陛下,臣別無所求,只想請你喺呢個棋盤嘅第一小格裏面放一粒麥子,喺第二個小格放兩粒,第三個小格裏面放四粒如此類推,每一個小格嘅小麥數量都係前一格嘅兩倍。然後請你將棋盤上面嘅64個小格既所有小麥都賞給你嘅僕人啦!

毫不知情嘅國王認為呢個要求一啲都唔過分,好爽快就答應咗佢嘅要求,但係當屬下搬來一袋袋嘅小麥開始計數之後,國王先鬱悶地發現自己比呢個宰相計算了一把。因為就算將全印度甚至全世界嘅小麥攞嚟,都滿足唔到宰相嘅要求。自己雖然貴為國王富甲天下,同樣係無可奈何。有人計算過按照呢個方法填滿成個棋盤大約需要820億噸大麥,按照當時全球大麥產量來計大概要超過一千年先可以滿足到呢個聰明嘅國際象棋發明家。這是一個何等巨大的數字啊!大到令人瞠目結舌!

上面嘅故事說明左複利係從直覺感覺唔到㗎,我哋一般會表現得同國王一樣,一粒麥子不停以倍數增長,係一個小小嘅棋盤可以有幾多呢?

確實,一開始係唔容易睇出嚟,可怕嘅效應係我哋睇唔到嘅遠方,直覺感覺唔到嘅事情,短期內睇唔出差別嘅事情容易被大多數人忽視。如果你利用左人哋睇唔到嘅自然界力量,咁就擁有左巨大嘅優勢啦!

如果我每一日比一百萬你持續一個月,或者第一日比一蚊第二日俾兩蚊第三日比四蚊如此類推持續一個月,邊一個會得到多啲呢?你會揀邊一個呢?

1

1

好多人都會傻傻咁揀咗第一個因為覺得一日攞一百萬好多,但係其實結果同上面嘅故事一樣,選擇第一個只可以攞到三千萬 ,而第二個選擇就可以攞到多過十億,呢個就係複利嘅力量啦!

複利嘅公式好簡單 Y=x(1+r)^n
最終嘅結果=最初嘅價值(1+收益率)^複利嘅年份

收益率對複利嘅結果影響巨大,微小嘅收益率差異經過足夠長嘅時間,都可以令結果產生巨大嘅差異。
15%嘅收益率20年後就可以將資金變成原來嘅16.37倍,20%嘅收益率就可以變成原來嘅38.34倍,而家兩者之間只係相差一倍。但係喺50年之後,15%嘅收益率就會變成1083.66倍,20%嘅收益率就會變成9100.44倍,兩者相差八倍。所以係滾雪球嘅時候量入為出,不必要洗嘅錢堅決唔洗,因為你慳咗嘅一萬蚊用喺投資嘅話將來都係好大嘅一筆錢。

巴菲特啱啱創業嘅時候,佢明明有能力買屋但係就租屋住,佢話我手上嘅錢買咗屋就好似工匠無咗工具一樣,然而,複利最怕嘅係大額嘅虧損,同時要盡量拒絕摩擦力嘅干擾。複利公式裏面嘅+係非常之重要,可以想像無論前面50年累積到幾多嘅金錢,第51年如果虧損100%基本上一齊將前功盡廢。

同時,複利嘅年數極為關鍵, 20%嘅年化收益10年變六倍, 20年變30倍, 50年變9100倍,最後五年嘅收益差唔多係前面45年嘅兩倍,15%既年化收益進行50年,最後五年嘅收益超過前面45年嘅努力,呢個效應非常震驚。

1

1

另外複利仲有一個特徵,規模越大就越難保持以前嘅收益率。即係話雪球滾得越大,進行嘅速度就會越慢,因為規模太大所以一定要分散投資,然而合適的投資機會就會變得越來越少,大規模嘅投資亦都會對股價產生影響。對絕大部份嘅人來講呢個係巴菲特、查理等等呢啲明星投資者擔憂嘅問題,同我哋無關。

不過我哋都可以學習巴菲特變成有錢人第一個行動就係唔好愚蠢地儲蓄。儲蓄固然係一種美德,但係單靠儲蓄係無辦法成為有錢人嘅,尤其係2008年金融海嘯之後全球利率一直處於低點,將錢存喺銀行做定期只會越嚟越少。如果再加上通貨膨脹,等於侵蝕左利息既收益,變成負利率。有錢人之所以有錢,係因為佢地對金錢有機會成本嘅概念,更善於將金錢嘅價值發揮到最大。

所謂嘅機會成本係指喺面臨抉擇時被捨棄而價值最高的選項。即係話,同一筆錢你可以選擇用嚟讀書學習知識提升自己嘅能力,亦都可以用嚟買樓之後收租,或者放喺銀行做定期收取固定利息等等。每一種選擇都有佢嘅機會成本,對有錢人來講佢哋會分析每一種機會成本可能產生嘅利與弊,喺金錢應用上做出最好嘅選擇,好好利用時間掌握效率,絕對係有錢人成功嘅秘訣。

窮人識得慳錢,富人卻識得賺錢。大部份窮人的精力都放喺柴米油鹽嘅精打細算上,成日辛苦慳錢,但富人更鍾意冒一點風險,透過投資去賺取更多嘅錢。富人懂得投資較高報酬率的產品,再加上趁早投資,充分利用時間複利的效果,往往能夠發揮更大嘅威力。

舉個例,假設年投資報酬率達6%,同樣係每個月投資五千蚊 。如果由20歲開始投資, 60歲嘅時候就可以儲到一千萬。但如果拖到30歲先開始,到60歲嘅時候只可以累積到五百萬。遲咗十年先起步財富就足足爭咗一半,可見時間同複利嘅效果有幾驚人。

1

1

唔單止咁樣,時間複利嘅效果亦都為年輕人喺理財上提供左犯錯既空間。假如年輕人20歲就開始投資理財,即使因為經驗不足每年投資報酬率只有2%,但同50歲先開始投資每年投資報酬率達6%嘅人相比,年輕就開始財富積累嘅效果依然比較強,因為年輕就係本錢,越早投資越能夠建立適合自己嘅投資邏輯。

至於點樣嘅投資組合先能夠達到長期穩定嘅增長,大家可以參考一下諾貝爾獎金派唔完嘅故事。諾貝爾基金會成立於1896年,由諾貝爾捐獻980萬美元建立,基金會成立初期章程中明確規定,呢筆資金被限制只能投資喺銀行存款同公債上,不允許用於有風險嘅投資。

隨着每年獎金嘅發放同基金會運作開銷,經過五十幾年後,諾貝爾基金嘅資產流失咗差唔多三分之二。到咗1953年,基金會嘅資產只係剩返三百幾萬美元,而且因為通貨膨脹三百萬美元只係相等於1896年嘅三十萬美元。原定嘅獎金金額少得越嚟越可憐,眼看着諾貝爾基金走向破產,諾貝爾基金會嘅理事們於是向麥肯錫求救,將僅有嘅三百萬美元銀行存款轉成資本,聘請專業人員投資股票同房地產,新嘅理財策略一舉扭轉左成個諾貝爾基金嘅命運。基金不但無再減少過,到咗2005年基金總資產總增長到5.41億美元。由1911年至今,係呢111年裡諾貝爾派既獎金總額一早已經遠遠超過諾貝爾嘅遺產。

呢啲全部都係諾貝爾基金團隊優秀嘅投資營運既功勞,諾貝爾基金會長線投資同追求複利收益嘅歷史,伴隨着人類嘅各種天災人禍同戰爭,一路走來仍然有可觀嘅複利收益。

由1901年至到1953年期間,諾貝爾基金投資對象主要係國債同存款呢類風險非常低嘅項目。直到1953年,瑞典政府允許諾貝爾基金進行獨立投資,基金開始係股票不動產等方面投資,期間基金增長左一百倍。2014年諾貝爾獎金所派嘅錢只係佔左總獎金嘅1.2%,而其投資所得嘅收益遠超過於其最低目標值3.5%,當中嘅秘密就係呢份投資菜單,股票類佔55% (44%嘅MSCI國家指數同11%嘅SIX Return index),固收類佔20% (Handelsbanken ALL Bond index 債券指數) 其他類佔25% (HFRI Funds Composite index對沖基金指數)

好啦呢一集嘅窮奢極侈就到呢度啦!我哋下一集再見!拜拜!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0