1

Delta變種虎視眈眈,但歐洲盃球迷管不了那麼多|國際大風吹 Ep.170

The News Lens 關鍵評論網 | 時政類 | Jul 4, 2021

此影片謄本由初四製作

因版權或其他原因,只供手足親友參考,請聯絡我們。
非作商業用途,本檔案版權歸版權持有人獨有

下載檔案

下載檔案

1

1

營運經費相當貧乏,敬請體諒我們投放少量Google Ads!

1

<延後一年嘅史上最大歐洲盃,如何防疫?>

四年一度嘅歐洲盃本來預左喺2020年風光舉辦史上最大規模賽事,由13個會員國13座城市共同舉行黎慶祝60年嘅大賽歷史。冇諗到因為武漢肺炎疫情爆發被迫延期到2021年。而且因為疫情等原因稍微縮水成為喺11國11座城市比賽,不過就好似東京奧運咁,「2020歐洲盃」個名冇改到。事隔一年,呢場盛會唔單止承載左足球迷嘅滿心期待,背後更有快D走出疲情嘅象徵意義。球迷法比恩都話:「好興奮,非常興奮,我地已經等左兩年喇,等唔切喇。」

問題係賽事分散喺11國,唔只現場觀眾有群聚風險,更代表跨國移動嘅球迷都可能加速病毒傳播。主辦單位歐洲足總一面堅持喺疫情中搞比賽,一面都強調安全第一,首先要求各國評估當地疫情,限制場館進場人數。針對現場觀戰嘅球迷都有一系列嘅防疫規定,包括必須出示完整接種或快速測試陰性證明,同埋分流入場。而進場同室內空間一律戴口罩,剩係喺座位上可以除低。個別球場仲會頒布更多防疫措施。睇黎好似好努力喺舉辦賽事同維護健康之間攞到平衡,不過實際執行起黎又點樣呢?就拎英格蘭對蘇格蘭嘅英國內戰做例子啦。

1

1

<英國內戰:蘇格蘭球迷軍團大鬧倫敦>

喺6月18號英國內戰當日,英國打完兩劑疫苗嘅人口比例逼近5成。政府計劃一個月後嘅7月19號就要完全解除封城。但係感染力超強嘅delta變種病毒令英國6月份以黎再度出現新一波疫情,每日新增確診人數又衝破萬人大關,都令倫敦市長拜託蘇格蘭球迷唔好山長水遠走黎睇波。

但好幾千人好明顯一D都聽唔入耳。有球技話佢地手上面冇飛,但希望買到(黃牛)。我地有火車飛、可以去酒吧,咁就夠喇。又有人話,點可以唔黎(倫敦)?呢世人最重要嘅比賽點可以唔黎?好多人根本就買唔到球賽嘅飛,但點都要趁熱鬧去倫敦high番次。至於實際入場嘅觀眾好明顯都冇理過溫布利球場嘅防疫措施,例如不得擊掌(high five)、擁抱或者近距離肢體接觸,同埋每個人之間盡量維持1米嘅社交距離等等。雖然呢場比賽只係開放一半容量 - 四萬五千人入場,但看台上面個個搭曬膊頭、大聲歡呼,邊個仲理乜鬼野病毒或者疫情丫。

1

1

<賽後疫情浮現,世衛憂心Delta加速傳播>

激情四射嘅球賽過後,蘇格蘭當局喺6月30號公布追蹤數據,差唔到二千名去倫敦睇波嘅蘇格蘭球迷宣告確診。其中有近四百人到現場睇波,另外千六人就係去過市區其他地方。蘇格蘭喺最近呢波Delta疫情入面災情本黎就比英國其他地方嚴重,宜家更加係雪上加霜。類似情況唔只局限喺英國。芬蘭同俄羅斯喺聖彼得堡嘅賽事結束後,芬蘭都傳出多左二百幾個新病例,同出國看波嘅球迷有關。

喺歐洲整體疫情又重新拉警報嘅呢個時候特別令世界衛生組織擔心。世衛歐洲區高級專員史摩伍德話:「我地唔反對舉辦賽事、賽事應該點搞,但都要記得疫情而家大流行。呢種人群聚集嘅活動可能會出現超級傳播嘅狀況,除左值得關注嘅變種之外,整體疫情都可能加速散播。」

雖然世衛專家好心急,但為左重振經濟同民心,好多國家都爭住舉行歐洲盃嘅最後一輪賽事。而就喺22號歐洲足總終於拍板,今屆歐洲盃嘅準決賽同決賽七月初全部喺倫敦溫布利球場舉行。同時,呢三場比賽開放進場嘅人數將會提升到球場總容量嘅75%,即係成六萬幾人。世衛組織擔心隨住2020歐洲盃邁入最高潮,Delta病毒都會隨住人潮散播到接種率相對未有咁高嘅地區,令醫療系統再次面臨癱瘓危機。呢個風險唔只係歐洲盃,從溫布頓網球賽到東京奧運,到其他各種大型活動,恐怕都要小心評估。

1

1

國際大風吹,我地下集見。

歐洲執委會副主席席納斯:「以Delta病毒更強嘅傳染力同埋現有模型黎推測,ECDC(歐盟疾管中心)估計到左八月初,全歐洲新增病例有七成都會係Delta。到左八月底,將會有九成係Delta變種。呢個趨勢顯然令人擔心,我地必須繼續提高警戒。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0