1

18/6《圍爐取戀》- 我想幫我老母搵SP

毛記電視 | 娛樂類 | Jun 20, 2021

此影片謄本由Janice製作

眾人:「hello!」
導演:「今日首先有條尷尬D嘅問題問吓大家啦,大家細個有無撞破過老竇老母扑嘢呀?」
利君牙:「我有喎我有喎,我試過因為星期六日Daddy Mammy呢,唔知點解朝早會鎖門嘅,咁小朋友起身第一件事呢就唔知點解一定要搵Daddy Mammy咁嘛。咁佢地鎖咗度門呢,就會系出面上演一個慘劇咁樣 『Mammy Daddy做乜嘢呀?』『我都要入黎啊Mammy Daddy』」
專家Dickson:「點知原來系入面聽緊大戲啫。」
Tom:「可能系入面做緊晨操啫。」
東方昇:「有無怪聲傳出黎先?」
利:「無怪聲。」
Kneta:「無架!丫!會聽到D床 Ee…Ee…Ee…咁囉!我都試過,但係我唔知佢地係咪系入面扑嘢,之後我老竇出黎冚咗我一巴。之後就閂咗度門。」
東:「應該係。」
利:「一定係啦!」
東:「你阻人扑嘢!」
Kneta:「『你嘈乜嘢!』之後冚咗我一巴。(Kneta扮出想喊樣)」
東:「呢一巴抵嘅。」
Kneta:「跟住之後就跑走咗啦。」
東:「咁點啊,今日有咩問題呀?」

導:「拿大家都見到,一傾到關於老竇老母性愛呢一方面都會有D尷尬丫,但今日嘅事主佢就諗住勸佢老母出去搵SP呀!」
東:「咁即係搵人X佢老母?!」

下載檔案

下載檔案

1

1

營運經費相當貧乏,敬請體諒我們投放少量Google Ads!

1

----- 今集主題:阿仔想幫老母搵SP?-----
利:「好打電話!」
東:「Tommy你好啊~」
Tommy:「Hello hello!」
東:「喂!聽講你想搵人…你老母喎。」
Tommy:「係呀,我想佢可以……即係出去搵個SP囉。」
東:「嘩!咁開放嘅?」
Tommy:「即係我講少少背景先啦,咁我老竇同我老母呢佢地關係一直都唔係咁好嘅」
(想老母比人X原因 1 :父母關係惡劣)
Tommy:「佢地都分居咗幾年架啦,咁分居原因就係我老竇出去玩女人,之前試過玩到上屋企添。」
眾人:「嘩!!」
Kneta:「即係老母系度佢帶咗上屋企?」
Tommy:「可以咁講。」
Dickson:「即係阿媽系度都帶個女人上黎,就系度跳舞。」
東:「即係目中無人架啦喎完全。」
Tommy:「咁我阿媽都只可以忍氣吞聲囉,佢一直都唔開心嘅 。」
Kneta:「咁想知點解…」
Dickson:「點解反而要懲罰翻你阿媽呢?」
Kneta:「即係搵個SP呢?」
利:「又唔係懲罰,即係點解要搵個SP啫。」
Tommy:「個事情就係我之前咁啱佢我阿媽間房,咁我摷到盒Sex Toy囉。」

1

1

(想老母比人X原因 2 :Tommy系老母間房搵到性玩具)
Tommy:「跟住同埋一D女性向嘅AV。係…有一碌係假9,跟住有一碌係…嗰D…震波嗰D囉…我唔知叫咩呀。」
東:「嘩!其實都幾難接受喎真係。」
Tommy:「我見到嗰下好shock囉!即係我無諗到我阿媽會玩呢D囉。」
東:「如果你有女朋友,你接唔接受到佢玩性玩具丫?」
Tommy:「我覺得一起玩ok囉,但如果佢自己玩我唔係咁接受到囉。」
東:「有問題咩?因為我要分清楚你究竟係接受唔到你阿媽玩性玩具定接受唔到你阿媽打飛機。」
Kneta:「(指正東)自己,自己玩性玩具。」
Tom:「係阿媽玩性玩具。」
Kneta:「咁玩具同飛機一樣啫」
(東方昇理解中…)
Dickson:「即係玩手指!接受到佢玩手指!但係接受唔到玩玩具!」
東:「即係捽碟!(眾人大笑)係咪要講到咁樣啊?!!」
Tom:「男女分到錯曬!」
東:「你係接受唔到你阿媽玩性玩具定接受唔到你阿媽有性需要先?」
Tommy:「我係接受唔到佢要玩性玩具囉,即係要變到自己玩」
Dickson:「佢係唔鍾意佢阿媽自己玩,佢鍾意佢阿媽同人玩!」
利:「要玩就堂堂正正!」

東:「幾多歲啊佢?」
Tommy:「40幾就黎50囉」
東:「就黎50有性嘅需要都好合理丫。」
Tommy:「但係我覺得佢係因為怕我同我細佬知道佢出去搵佬呢,驚影響我地或者驚我地唔開心所以無出去囉。」
Dickson:「即係其實佢係唔想佢阿媽因為佢地嘅關係而咁孤單。」
(Dickson認為Tommy唔想因為自己而限制老母嘅自由)

Tommy:「係呀係呀。」
東:「我想問一個問題-- 你覺得你媽媽其實,佢想唔想搵個新嘅終身伴侶呢?」
Tommy:「我之前有chok過佢嘅,但係我間佢唔似話太想有住囉。」
東:「你媽媽係咪一個保守嘅人呀?」
Tommy:「係呀佢係比較傳統嘅女人黎嘅,即係系屋企都唔會點樣講性呢樣嘢。」
東:「係啦~」
利:「咁阿媽又好難同個仔講。」
Tom:「因為始終男女有別。」
東:「仲要老母同個仔講…反而我想問你一個問題,點解你覺得一個人嘅開心一定係同性有關呢?」
Tommy:「因為我自己係咁樣囉!即係我覺得可能一對情侶就要扑嘢咁樣。」

1

1

(Tommy認為性係一段關係入面非常重要)
Tommy:「咁一個人無嘢做就係打飛機。」
東:「佢太後生啦!你覺得『我血氣方剛十八歲』我覺得你都應該幾靚仔丫,喂『我扑嘢實有人黎架啦』。但係你擺系一個五十歲嘅女人嗰度,佢有好多顧慮架嘛 。」
Dickson:「有道德包袱。」
東:「係,有道德包袱有顧慮,唔想煩呢可能?」
Kneta:「現實嘅層面係,你阿媽呢個年紀未必咁易搵到一個佬去同佢玩囉。」
利:「又或者好難搵到一個佢再願意去相信嘅人,因為始終佢上一個婚姻就係失敗。」
眾人:「係呀。」
利:「咦!咁如果係咁你會唔會唔好直接同佢講『媽咪你去搵個SP』--」
Kneta:「『我幫你!』」
利:「即係你同佢講『你可以搵吓…男朋友?』」
東:「係啦!所以其實唔係搵…你阿媽唔係嗰個性嘅問題囉可能,其實可能你阿媽真心係要有個人愛佢,其實你阿媽真係唔需要SP架!」

(東方昇認為Tommy老母唔一定只需要性伴侶)
Dickson:「因為佢將佢自己嗰個價值觀套咗落佢阿媽度(眾人同意),『如果我無嘅話,我就真係好痕嘅,但係我阿媽會唔會都好痕呢?佢咁痕咪好慘!』」
東:「孝心黎嘅,將心比己~」
Tommy:「即係我想佢搵返嗰份開心囉,如果佢需要。」
Kneta:「女仔係注重情感上架嘛,如果你想佢開心,你搵人錫佢,出面搵唔到人其實你可以做嗰位架啫。」
Dickson:「佢做嗰個位??!」
Kneta:「唔係!即係你係佢仔仔黎架嘛,係呀~你可以帶佢去多D地方玩。 」

(Kneta建議Tommy都可以試吓比 「愛」老母)
Dickson:「嘩~嚇得我丫!」
Kneta:「即係同佢去旅行,唔係!即係多D返屋企一齊煮飯仔比佢食,咁佢feel到warm feel到開心。」
東:「即係個愛嘅感覺唔一定係…」
Kneta:「愛情,係啦!同埋你係永遠唔會背叛佢嗰個丫嘛,咁佢個安全感一定夠架嘛。即係你夾硬,就緒佢系出面搵到一個男人有第二春啦,你唔擔保會唔會又呃佢架喎。」
東:「你阿媽可能真正要嘅SP唔係sex partner係 Son partner。」
Kneta:「New partner。心靈上 --」
東:「son呀!S-O-N 呀!個仔呀!真係呀!如果你想你阿媽開心你多D陪下佢啦!」
(眾人笑及起哄)
Tommy:「okok!」
利:「所以我覺得啊Tommy你唔洗擔心阿媽咪個性生活嗰方面喎,因為即係其實性好緊要啦,但都仲有其他嘢架嘛。」
Dickson:「仲有科技越黎越發達…」
東:「咁點啊?可以點啊?」
Dickson:「即係D玩具越來越好玩」
利:「越黎越新穎,各方面都唔洗太擔心~反而係你自己同佢嘅時間。」
東:「係囉,比D空間佢啦,同埋唔好摷佢D嘢啦吓!」
(眾人大笑)
Dickson:「唔好亂咁摷啊!」
東:「你咪就係摷囉,你就係越摷越恐怖呀可能!」
Dickson:「摷到成間屋都濕曬!潮濕啊!😏」
東:「但係佢係出於好心嘅~」
Dickson:「孝心黎嘅~」
東:「除非你覺得打飛機嘅情況好嚴重。」
Dickson:「一日幾廿次咁樣…」
東:「即係你餐餐…餐餐晚餐都係食矮瓜啊,青瓜啊,節瓜啊,全瓜宴啊咁你就要小心D!如果唔係我覺得其實OK架。」
Tommy:「okok明白,好,ok,唔該曬!」
東:「孝順仔!」
眾:「拜拜!」

1

1

(Tommy收線)

東:「喂其實頭先個case幾有趣,即係我地成日以為我地阿爸阿媽會好尷尬咁了解我地嘅有關性嘅嘢啦,其實頭先Tommy都係啦,當佢老母有性嘅嘢,其實佢都好尷尬。所以其實係…本身真係始終係香港嗰個性都係一個禁忌。所以都…兩方面都好尷尬。」
Kneta:「即係可能我屋企情況比較open D,即係會講『性』經,比如會講『啊我點樣識咗個男仔呀』佢點點點呀。咁我阿媽又『啊,我又點點點,err識咗個』咁之後呢,err就會『嘩,咁L勁嘅』咁樣嗰D呢!」
Dickson:「唔係~我係想知道你地講左D乜嘢佢會話咩咁L勁嘅?」
Kneta:「umm咪就係話err落club玩,之後唔知識咗D朋友仔,即係唔係嗰D…嗰D啦…咁之後就可能唔知佢哋有咩嘅下場啦~係啦…咁就講起囉!!」
東:「你要講咗你阿媽唔係出軌,你阿媽同你阿爸係分開咗嘅。」
Kneta:「分開咗嘅。」
東:「所以佢係有自由去擁有呢個…戀愛自由嘅!」
Dickson:「總之佢地做嗰D嘢就好L勁啦!!」
東:「咁對你有咩影響呢?」
Kneta:「我無影響架,我會覺得哦,你鍾意咪得囉~即係我覺得唔需要shame on呢樣嘢。點解你會覺得,哦,因為佢係我老竇老母或者因為佢係我仔女就特登唔佢掂呢個話題囉。即係可能你當下會幻想嘩我老母比人咁樣呀,我老竇咁樣。但係其實你諗多一層,你自己將來都係咁樣比你個女幻想,你會唔會想你個女或者你個仔覺得哎呀我媽咪好核突呀,核乜L嘢突啫?你都要X你都要比人插架啦~」
Tom:「你都要出世架!」
Kneta:「咁咪係囉,咁關乜L嘢事啫!」
東:「所以我覺得隨住個社會越來越進步,可能我地變左60歲我地都會好坦承咁樣同D仔女分享D性玩具呀。」
Kneta:「呢個好喎!」
東:「我地慢慢等啦,我地個社會會進步嘅!」
眾人:「飲杯cheers!進步!」

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0