1

8/6《圍爐取戀》- 一日打7次飛機?!

毛記電視 | 娛樂類 | Jun 13, 2021

此影片謄本由Anson製作

眾人:「歡迎呀~~」

東方昇:「醫生醫生,咁難得你嚟到,咁就問你喇喂,香港人面對最常見嘅性問題係乜嘢呢?」

何慕詩Cynthia(性治療師):「我諗男人最多都係…『勃起』功能嘅問題啦。」

東:「真係香港人特別多陽痿嘅?」

何:「又唔可以話香港人嘅~即係overall男人囉。」

專家Dickson:「即係全世界嘅人都特別多陽痿嘅?」

何:「我諗應該係咁講啦,因為呢一樣嘢overall男人叫做係最concern嘅。」

東:「會主動求醫!有冇啲係女朋友打嚟要求……」

何:「喂,有!真係有!真係有!係男士唔肯面對啦,不斷逃避啦,跟住女士可能甚至係出現恐嚇:『如果你再係咁嘅話就分手啦!』、『唔好喺埋一齊喇!』」

D:「『橫掂都冇用㗎喇,不如剪咗佢啦!』」

東:「咁又導演,我哋今日嘅case又係啲咩奇怪嘢呢?」

(既然請到要專家喇吓,咁因為今日事住呢就因為前女友…)

東:「就係Dickson呀嘛?」

(又玩呢啲)

Kneta:「定你呀?」

(個事主係有前女朋友㗎,咁前女朋友呢~就太大食喇,搞到佢依家打飛機上癮呀)

今集主題—「大食前女友搞到我打飛機上癮」

東:「正正正正!好!叫佢打…上嚟先(笑)。」

眾人:「哈哈哈哈哈哈。」

東:「Jacky你好呀~」

Jacky(化名)(圍爐Buddy):「Hello你好呀!」

東:「你今日第幾次呀?」

J:「今日已經第三次喇!」

東:「嗯~好,可以講你嘅故事喇。」

J:「Errr咁其實啦,本身我自慰嘅頻率我諗係正常嘅,一個禮拜三次左右啦。但係自從我同個前女朋友分咗手之後,我就發覺自己都大食咗好多,最高紀錄一日七次啦。我認為係已經影響到我嘅日常生活㗎喇,可能為咗朝早嗰一下要專登遲啲,搭的士返工咁樣囉。」

東:「最瘋狂你有咩經驗呢?」

J:「睇緊Marvel嘅時候囉!」

東:「哇,邊個?Marvel入面有咩女仔?我冇睇Marvel因為。」

D:「定係見到Iron Man就想嚟呀?(笑)」

東:「咁我問一個問題呀,你係生理有反應所以你要去打,定係睇Iron Man嗰時無啦啦望到啲嘢,你想打呢?」

J:「係個生理…即係會突然間想打,但我又唔係望到啲咩有刺激嘅。」

東:「哦,即係你唔係心理,係生理行先嘅!」

J:「Errr係嘅,係嘅。」

下載檔案

下載檔案

1

1

營運經費相當貧乏,敬請體諒我們投放少量Google Ads!

1

K:「咁我又想知你啱啱先話因為你前女友大食所以影響到你咁啦,咁我想知個過程係點影響到咁誇張?」

J:「咁由中學講起啦,我都鍾意咗佢四年㗎喇,我主動表白先嘅,因為我谷住咗好耐。」

D:「谷住咗四年喇!!(笑)」

J:「咁佢…樣靚吖嘛,好自然咁梗係想扑佢啦咁樣。」

何:「嗯~」

J:「開頭嗰一兩次正常嘅,咁都係由我做主動嘅,不論係行為等等呀,或者郁嗰方面都係我主動嘅。跟住後尾就咦,好似瀨咗嘢,有啲唔對路咁喎,因為佢開始要求一啲譬如打呀…要專登去文具舖買藤條咁樣。」

D:「嘩…打邊度先?」

何:「係你打佢定佢打你呀?」

J:「佢打我,因為佢有啲特別嘅性癖咁樣嘅,即係佢鍾意馴服一個男人嗰個感覺,鍾意聽到個男人因為頂唔順而嗌,佢鍾意聽到呢啲嘅。」

東:「而你係唔enjoy㗎嘛?」

J:「最真心嗰句呀,其實係爽嘅。但係呢如果去到最盡,爽過頭嘅時候就真係好辛苦。」

何:「即係喺你同佢有性行為嘅時候,喺被虐嘅過程,其實你都覺得爽嘅。只不過去到一個位,可能嗰種痛實在太緊要喇,而你身體開始頂唔順咁解啫。」

J:「係喇。」

何:「OK~明白。」

東:「後尾你同佢分咗手喇?」

J:「係呀,後尾因為我就畀佢戴返綠帽,佢就同返佢前仔一齊咁樣。」

眾人:「嗯~」
J:「即係個半月之後啦,其實我都有啲念念不忘喎,自此嗰次之後就大食咗啦。問頭都叫頗為正常嘅,可能一日兩次,跟住情況都愈嚟愈嚴重,最高峰試過一日七次咁樣。」

眾人:「嗯~」

K:「我喺度諗緊佢係咪呢,普通嘅打飛機已經滿足唔到佢,因為之前一路夾帶住係有種痛感、刺激感。」

何:「係,呢個我都想問佢喎。咁你自己嚟嘅時候,其實有冇令到自己有受虐嘅感覺呢?」

J:「Errr其實我係好想嚟返嗰一次,即係一晚七次嗰種爽感啦。但係自己一個DIY其實係做唔到嗰種效果,因為你會頂唔順喇,你自己會停手㗎。」

何:「我想問一樣看似無關嘅嘢呀,其實你有冇諗過你沉迷呢樣嘢係因為你掛住佢呢?」

J:「Errr說實話,其實係…仲對佢有感覺嘅,因為畢竟佢係我初戀嚟嘅,可能嗰個印象頗為深刻咁樣。」

何:「因為其實好多時你未必係掛住個action,而係呢一個action其實係代表咗嗰個人。咁而如果你本身係好掛住呢個人,而你又知道,你已經無可能再次同佢一齊,咁其實你可以做到嘅,去懷念佢同埋仿佛去安慰自己仲有呢個人係身邊嘅,其實就係重演返咁樣嘅感覺咋嘛。」

D:「即係簡單來說,就係因為太掛住嗰個人,所以就鞭打自己。」

Tom:「嗰個女仔其實可能馴服咗佢,類似主奴關係出現咗…」

東:「Associate(有關聯)咗嗰個感覺。」

Tom:「係呀係呀。」

何:「唔出奇呀。」

1

1

K:「咁其實你係咪,即係骨子裡係M底佢唔知啫。即係我男朋友話佢之前係比較S底嘅一個人啦,咁但係呢…」

D:「你打佢呀?」

K:「唔係~我又唔係咁樣打佢,即係有時我會整蠱佢,虐待佢,即係唔會話好誇張嘅,即係可能搣吓佢。」

東:「成個雪櫃丟過去啫(笑)。」

K:「唔係唔係,即係可能搣下佢lin頭呢,佢係會…」

東:「興奮?」

K:「興奮。唔好話厭惡啦,佢會開心嘅。咁佢就無諗過原本自己係可以做M嘅嗰個角色囉,即係係咪未覺醒。」

東:「但係其實人夾人㗎咋嘛,我覺得冇話係永恆嘅S或者係M嘅。」

何:「咁又有冇影響你做愛嘅時候嗰個表現呀?有冇影響咗呀?」

J:「Errr…有嘅…有嘅,依家我嘅身體都已經其實如果激得濟嗰晚,第二日會痛㖭㗎已經係。」

東:「嘩…」

K:「即係龜頭痛係咪呀?」

何:「你係邊個位痛呀我想知道?」

J:「即係個陰莖啦,同埋會陰同埋屎忽連埋嗰啲位都會痛嘅。」

何:「小心啲啦,有時嗰個位痛呢,有機會可能係前列腺唔知會唔會有啲發炎呀,諸如此類,都有機會嗰個位痛㗎喎。」

J:「哦咁…吓?」

眾人:「哈哈哈哈哈哈哈!」

東:「驚…驚咗呀。」

D:「我諗住講下打飛機㗎啫!」

何:「嗱,其實咁樣嘅,最basic嘅方法,當你想去做呢個行為嘅時候,我咃唔好放縱自己,我咃搵一樣自己本身係enjoy係鍾意做嘅嘢,除咗打飛機之外。」

J:「係~」

東:「幫人打飛機(笑)。」

眾人:「哈哈哈哈哈哈哈!」

何:「都得!」

T:「搣自己粒lin。」

K:「搣人咃粒lin。」

東:「即係例如我鍾意食甜品,咁你想打飛機嗰陣時就收埋咗佢,就攞個卷蛋出嚟就食喇,咁樣。」

D:「咁樣但係會唔會以後見到個卷蛋,就會諗起自己細佬咁呢。」

眾人:「哈哈哈哈哈哈哈!」

東:「唔好食啲長條形嘅嘢。反而點樣解決佢,我覺得有少少問題就係你食開辣呢,你食唔返啲清淡啲嘅嘢。」

何:「如果辣同清淡呢樣嘢就可能擺返落去,就係話你自己嚟嘅時候會唔會加入SM元素咁解啫。咁但係你而家覺得SM唔係一個問題呀嘛,純粹係打飛機嘅次數係問題咋嘛係咪?」

J:「係。」

何:「OK~咁我覺得喺荷爾蒙方面去著手。」

1

1

東:「食齋!(笑)」

何:「咁其實你真係可以去用食物去調教呀,日常生活去調教。嗱,例如即係咩嘢呢?講運動先啦,其實你如果想荷爾蒙指數高嘅話呢,其實你係應該做一啲Core(核心腹肌群)嘅運動,去鍛鍊muscle嘅運動。反而cardio(心肺功能)嘅嘢呢,就會拉低你嗰個荷爾蒙指數,會令到你嗰個性慾可能會減低咗嘅。」

東:「cardio即係心肺功能?」

何:「係啦。」

J:「我都有做開gym嘅。」

東:「所以咪係勁得濟囉。」

K:「係囉,你跑步喇,唔好做gym喇。」

東:「淨係做跑步機。」

J:「即係而家減少做gym嘅次數都有幫助嘅?」

東:「減少舉鐵,做啲肌肉型嘅嘢(誤)。」

T:「氧氣。」

何:「做返多啲心肺功能嘅嘢,即係游水呀,跳繩呀。」

東:「同埋食齋!啲人話唔好食咁多調味料強嘅嘢。即係唔好食咖哩。(笑)」

何:「係咪㗎,係咪㗎,我唔知喎~」

東:「因為嗰啲香料,即係佛教話嗰啲香料令你七情六慾勁啲呀嘛。」

K:「咁聽你咁講都要戒糖啦,因為糖分會影響…」

D:「嘩,咁咪全部嘢戒晒?」

利君牙:「吓?唔食得卷蛋喇喎。」

K:「咪係囉,卷蛋都唔食得㗎喇。」

D:「咁不如繼續J算啦~」

東:「但係我想問…我想問阿Jacky一個問題,你係咪同屋企人住㗎?」

J:「Errr…係呀。」

東:「好簡單,你整爛道門就得㗎啦。」

眾人:「哈哈哈哈哈哈!」

東:「你整爛道門,等你老豆老母望L住你打飛機,你就會戒晒!」

T:「可能佢有興奮嗰感覺。」

東:「因為我都係咁㗎!(笑)

眾人:「哈哈哈哈哈哈!」

東:「我係趁我阿媽落去買餸嗰時我拿拿林打個快機咋(笑),你阿媽係最最大嘅動力令到你唔打啦。」

K:「咁廁所都得㗎,整爛埋廁所道門。」

東:「沖涼咪開住門沖涼囉。」

T:「啲水會出嚟㗎喎…」

K:「你阿媽會以為你變態。」

東:「但呢個係好方法嚟嘅~」

J:「呢個真係好方法嚟嘅。」

何:「其實as long as你覺得幫到你嘅話,咩方法都OK㗎,講真㗎,因為其實最緊要所有方法都要你自己做到咋嘛,我講啲你做唔到嘅方法其實冇意思㗎嘛。」

1

1

J:「好!」

東:「希望幫到你啦,同埋好多謝你,你好勇敢去唔怕尷尬,又好開心見誠咁講,好犀利。你代咗好多嘅男仔問呀,我自己都獲益良多,好唔好?」

J:「好,Thank You。」

東:「所有香港嘅男仔同你一齊努力,好唔好!」

J:「好!」

東:「好!加油!堅持!」

利:「加加油~打打氣~」

眾人:「拜拜~Thank You~」

利:「Cynthia我想問一個好蠢嘅問題呀!」

何:「冇問題係蠢㗎!」

利:「OK~男仔呢~有冇話打飛機每一日打幾多先係正常㗎?」

何:「喂!呢個問題通常我都拒絕回答嘅,原因係咩呢?嗱,當然啦大家都會明白每個人身體結構唔同啦,承受到幾多都係唔同啦。」

利(問東方昇):「你幾多次呀?」

東:「咩呀?我…一日一次囉,我由小六開始㗎喇已經!」

眾人:「哈哈哈哈哈哈!」

何:「我其中一個唔答嘅原因,係因為好多人都會用咗嗰個數字嚟做一個指標呀。即係譬如我話,10次咁講啦,咁我9次我正唔正常呀?或者我11次咁我正唔正常呀?咁樣。咁好多時啲人就係執著係呢啲咁嘅無謂位呀,咁其實要幾多次先正常唔正常,咁咪睇吓你自己身體承唔承受到啦。」

利:「咁頭先Jacky話會痛呢,係咪叫唔正常喇?」

何:「其實當你做任何嘢做到一個位你係會覺得痛嘅話,其實都應該要停嘅。」

東:「同埋佢好清楚,佢講到影響佢正常生活,呢個就係有問題喇。」

何:「呢個通常都係我哋嘅指標嚟嘅。你要返工,你寧願請假射波,我都要做。」

東:「都要射精!」

眾人:「哈哈哈哈哈哈!」

何:「係喇,咁就有問題喇。」

東:「多謝你都解決咗好多男仔嘅疑惑,咁大家打飛機就適可而止啦。」

K:「女朋友都唔好幫男朋友打咁多喇。」

東:「點解呀!喂呀唔得呀!」

K:「一陣又好似佢前女朋友咁樣,同佢打七次,一陣佢上咗癮之後,好難去cut off。」

何:「佢唔係,佢頭先帶出咗一個好好嘅point,就係因為當你全程咁多年習慣咗自己幫自己嘅時候呢,其實你個手畀自己嗰個力度呀、速度呀各樣嘢,其實係好適合你。」

K;「好精準㗎喇已經。」

D:「即係千祈唔好令到你嘅手(舉起自己隻手),成為你最好嘅女朋友!」

東:「啱喇!好喇!差唔多喇!」

利:「科技會愈嚟愈發達㗎喇,放心。」

東:「今日我哋多謝Cynthia。」

何:「唔好客氣!」

東:「解答咗好多問題,即係之後都好想搵你嚟。」

何:「多謝邀請~」

東:「好喇!拜拜~」

眾人:「拜拜~」

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

#227 超過28類魚種,集郵好去處 | 香港釣魚 | 艇釣 | 布袋澳

Handline Fishing手絲釣魚 | 娛樂類

https-::www.youtube.com:watch?v=TSJwMZvw

#226 3個人陪2個人釣魚 | 根叔 | 香港釣魚 | 艇釣 | 維港

Handline Fishing手絲釣魚 | 娛樂類

https-::www.youtube.com:watch?v=TSJwMZvw

試映劇場《係咁先啦》|試當真

試當真Trial & Error | 娛樂類

https-::www.youtube.com:watch?v=TSJwMZvw

試映劇場《老喵之報恩》|試當真

試當真Trial & Error | 娛樂類

https-::www.youtube.com:watch?v=TSJwMZvw

【東京奧運】🏆奧運的幾種人🏅香港運動員勁呀!🇭🇰|Pomato 小薯茄

Pomato 小薯茄 | 娛樂類

0