1

蘋果新macOS命名 同香港樓盤撞名?.Tesla新車用 AMD RDNA 2 GPU.IKEA、Sonos聯手 Symfonisk畫框喇叭|廣東話【Price Weekly #65 2021年6月】

Price.com.hk 香港格價網 | 科技類 | Jun 6, 2021

此影片謄本由正体不明製作

★非作商業用途,本檔案版權歸版權持有人獨有★

歡迎收看Price Weekly,我們一起看看今個星期最熱門的科技新聞。如果不想錯過我們的新片,就記得Subscribe Price YouTube Channel再按旁邊的鐘。

下星期就係蘋果WWDC大日子,喺發布會之前循例都有唔少傳聞,呢次都唔例外。喺WWDC上蘋果都會發表新嘅作業系統,2013年之後嘅macOS都會用美國加洲嘅名勝風景去命名,不過今年就有機會改變。

有科技網站翻查改名歷史,發現自2013年開始蘋果用空殼公司喺美國專利商標局 USPTO 註冊咗20個加洲地名做商標。之前4個版本Yosemite、Sierra、El Cap同Big Sur都有用,剩返16個陸續到期。但搵到兩個名蘋果近半年都有續期,分別係以下兩個: 第一個是 MAMMOTH 即是長毛象,喺今年4月29日先續約。好多人估係佢,但以下呢個機會就會大啲,就係MONTEREY。仲有人出咗張圖,話2015年WWDC上都有出現Big Sur,而左上角同時出現有呢個字,似足香港樓盤名。佢其實都係加洲一個地方,半年前嘅註冊得佢留低,所以估計好大機會係佢。

下載檔案

下載檔案

1

1

所有資料非作商業用途,若有內容侵權,請即通知我們移除。

1

另外有人就估Apple會推出新一代Magic Mouse,配合開發緊嘅Mac Pro使用。設計師Vincent Lin就分享咗 Apple Pro Mouse 嘅概念圖,結合咗Magic Mouse外型同極似Logitech MX Master人體工學設計,做到同時兼顧慣用左手同右手需要

Pro Mouse仲用返Magic Trackpad同iPhone嘅Taptic Engine,再加入Taptic Sidebar可以靠震動俾返按健感覺,同實體鍵會好容易上手。仲俾你自定控制鍵,加埋改良咗嘅中間捲軸滾輪,同可以邊叉電邊用。

1

1

又有摺疊手機的消息。Samsung上年出過兩部摺芒機,就係Galaxy Z Fold 同 Z Flip。而傳聞會有第三款摺疊手機推出,大家估下今次會係打橫定係打直開機呢?荷蘭科技網站LetsGO Digital 搵咗設計公司造咗輯概念圖,呢個設計係根據Samsung 申請新機 Galaxy Z Fold Tab註冊專利。

呢部Samsung Galaxy Z Fold Tab 同普通手機冇咩分別,仲會見到有S-Pen。睇埋機背就見埋左右對開螢幕,S-Pen同3鏡頭一齊收埋喺中間,打開之後就係一部Tablet,有啲似S7 Plus平板。呢部機仲可以向前或向後摺,呢種摺疊方式暫時無喺其他品牌的摺機出現過。不過除咗概念圖之外,就冇再交代其他資料,睇黎要等8月嘅Galaxy Unpacked 會唔會真係出,但網站就估最快要2022年先有機會見到。

1

1

講起手機快速充電技術,常見有USB Power Delivery (PD) 同 Quick Charge (QC) ,將來就多左一個名字叫 HyperCharge。小米日前喺Youtube展示咗HyperCharge技術,由而家最大100W升級一倍變200W充電,支援有線同無線充電,不過無線充電最高只會去到120W。

影片顯示用有線充一部內置4,000mAh 電池的 Mi 11 Pro,短短3分鐘就已經由0去到50%,100%叉滿只係用咗 8 分鐘。如果用120W無線 HyperCharge充電,用7分鐘就充到一半,最快可以15分鐘滿電,速度真係相當驚人。

話就話 HyperCharge技術係目前為止最快,但其實宜家都未有測試數據可供參考。例如充電過程會有幾熱,又或者會唔會導致電池加速老化等問題。而新技術未有咁快普及,相信 HyperCharge 都要一段時間才正式推出。

1

1

IKEA 曾經同 Sonos 合作過推出智能喇叭,最近網上媒體The Verge就發現 IKEA 官網上見到一名命「畫框 Wi-Fi 喇叭」的商品頁面。雖然 IKEA 已經馬上刪走該產品介紹頁面,但內容已經曝左光。

呢個叫 Symfonisk 的產品,裡面包左一幅畫像可以掛牆或靠牆擺,相信喇叭就會融入喺畫框入面。,顏色方面有黑、白兩色 而操作就會經由 Sonos app 負責,將會支援 AirPlay 2 同 Spotify Connect。售價就係 US$199 即大約 HK$1,513。

喺電腦硬件市場上 AMD 越來越受到用家支持,佢地的 GPU 技術亦都已經用喺 PS5、XBOX 呢d次世代遊戲機上,宜家就連 Tesla 都同 AMD 合作。在最近 Computex 活動入面,AMD 行政總裁 Lisa Su 就確認Tesla Model S 同 Model X會採用 RDNA 2 GPU 架構晶片。憑著 AMD GPU 技術配合 Triple A 的遊戲能力,有望成為配備最先進信息娛樂系統的車型。

其實早於去年已經傳出 Tesla 新車將會配備 AMD 晶片,宜家終於得到其中一方證實。看來 AMD 無論係 CPU 或 GPU 發展上都有大好前途。

唔知大家Download App前會唔會先睇下佢評分呢?最近有個程式開發員發現有啲app會逼你俾高評分先用到。佢喺Twitter上展示咗段片,下載UPNP Xtreme嘅app,功能類似AirPlay咁將手機畫面投射去電視,但個app就用唔到,因為畀一個評分介面擋住。好似平時用App叫完外賣之後,會叫你評分個box 咁。平時唔想俾分的話,可以揀取消或稍後跳過。不過呢個app就一定要用家俾分,但就唔畀用家揀一星或二星,要揀三星或以上先可以跳過,即係要你俾高分佢先可以用到。

雖然個App已經下咗架,不過有網站估計透過呢個方法逼大家俾高分,喺下架前就成功「呃」咗1500萬次下載,UPNP Xtreme仲透過app內購買賺咗幾百萬。

App同網頁一樣,要有高評價先可以多啲曝光賺點擊。不過有人利用程式盲點嚟呃like,以後單睇評分似乎未必可靠喇。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

其他最新謄本

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第三部 《流金歲月》

universalmusichk | 娛樂類

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第二部 《秋色》

universalmusichk | 娛樂類

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第一部 《初戀》

universalmusichk | 娛樂類

https-::www.youtube.com:watch?v=TSJwMZvw

他將宗教融合金字塔騙局,詐騙信徒高達五億美元!|啾啾鞋

啾啾鞋 | 娛樂類

https-::www.youtube.com:watch?v=TSJwMZvw

晚吹:又要威又要戴頭盔—武館中學學生(I)

ViuTV | 娛樂類

0