1

28/5《圍爐取戀》- 逆求婚大作戰(召喚林奕匡、黃妍!!)

毛記電視 | 娛樂類 | May 29, 2021

此影片謄本由rachel製作

<序幕>
東方昇:大家好呀!嘩〜今集我地有嘉賓呀!有歌手林奕匡同黃研喺度呀!你哋好!
林奕匡、黃研:Hello〜
利君牙:平時你哋最sweet嗰個moment係咩?咁你咪做返嗰啲嘢咪得囉!即係可能你喺廁所,一齊痾屎係最sweet既。
林奕匡:喂呀!!!
東方昇:一抆跟住就抆到隻戒指出嚟下話?
眾:哈哈哈哈哈!

<正題>
東方昇:大家好呀! 嘩〜今集我地有嘉賓呀!有歌手林奕匡同黃研喺度呀!你哋好!
林奕匡、黃研:Hello〜
東方昇:我哋呢個節目就係解決一啲愛情既難題,咁你地呢個moment有咩愛情既難題先?嗱,你結咗婚啦,係咪結咗婚就一勞永逸?定仲多難題呢?
黃研:好危險喎。
林奕匡:愛情就冇咩難題既,生活有難題其實就正常,愛情上就好好既。
東方昇:嘩!!!有咩甜密野先?
林奕匡:都多既。咁佢真係好有心思既,會煮吓飯,頭先我嚟之前佢話會煲定啲粥同埋整餸。
東方昇:嘩〜〜

下載檔案

下載檔案

1

1

營運經費相當貧乏,敬請體諒我們投放少量Google Ads!

1

[日劇《逃避雖可恥但有用》(逃げるは恥だが役に立つ) 片段]

利君牙:太甜密喇我覺得佢嗰啲,我想聽你嗰啲(望向黃研)。
東方昇:你有冇啲愛情難題?
黃研:我......個難題咪就係冇愛情囉。
利君牙:咦!嗰度都有個冇愛情架喎!(指向專家Dickson)
專家Dickson:唔好唔好唔好咁樣。
東方昇:同佢一齊仲難呀!點解呢?其實係咪做咗歌手之後仲難咗呢?
黃研:都係喎。冇時間,時間再少啲。
東方昇:同你夾音樂嗰啲一齊唔得咩?
黃研:同我夾音樂嗰啲,唔係結咗婚就有女朋友。
東方昇:哎呀!!
利君牙:但唔緊要,呢度都有個玩音樂既,未結婚既。
黃研:喺邊呀?
東方昇:嗰度! 係喇!(指向專家Dickson)
專家Dickson:人哋係有得選擇,但佢唔去選擇,我係冇。
林奕匡:但係歌手係冇時間既,有時間放係工作上面都係好事嚟既。
利君牙:佢而家自己結咗婚,就話「唉......冇時間架喇。」。
東方昇:努力工作啦! 作多啲歌畀佢!導演我哋今日個愛情問題係乜野呢?
導演:啱啱傾到結婚呀嘛,男仔同女仔求婚大家就聽得多喇,今日既事主係女仔呀,而佢打算同男朋友求婚呀,但女仔同男仔求婚,佢就唔知道點做喎。
東方昇:好!嚟!

1

1

(圍爐Buddy:Sarah〔化名〕)
東方昇:喂,Sarah!
Sarah:係!你好。
東方昇:聽講你想求婚喎係咪呀?
Sarah:係呀!冇錯呀!
東方昇:欣賞既!點樣架點樣架?
Sarah:咁我同男朋友就係中學教會識架啦,一齊咗8年,我哋都認定對方係終身伴侣。
利君牙:點解會有由你求婚呢個想法既?
Sarah:一黎我係想早啲組織家庭既人,二黎我個人不嬲都好主動,拍拖表白嗰啲,我都覺得女仔做係冇咩問題既。
黃研:呢個男朋友當時係咪你自己表白?定係佢表白?
Sarah:係我表白架。
東方昇:有個甜笑喺度。講完表白之後就,嘻呵呵呵呵呵呵。

Sarah:我覺得如果我同佢求婚都冇乜問題,同埋我向佢求婚,唔代表佢唔愛我,或者我愛佢多啲。
黃研:有冇同佢傾過結婚呢個話題?
Sarah:我哋有傾過既,咁佢就想結婚既都,嗯,但係就...
東方昇:但係?
利君牙:我聽到有個「但係」喺度喎。
東方昇:But?
Sarah:好多原因啦,疫情啦,乜鬼嘢呀,乜都係架啦而家。
林奕匡: For 我一個男仔,求過婚,結過婚既過來人覺得,個 Financial barrier(經濟負擔),係會令到佢遲咗去做呢個舉動既。一來要係好多費用,二來要畀到安心既感覺另一半。
東方昇:咁你覺得係財政定其他問題呢?
Sarah:應該都係啩......
Kneta:因為男仔會諗經濟多啲,但女仔反而其實比較「我唔使諗喎其實」。因為你唔使買隻超大鑽戒畀男朋友呀嘛!同埋我都有諗過會唔會個男仔會mind,表白已經係你喇,連婚都係你求呢?會唔會差咁啲.....as 一個男人。

1

1

專家Dickson:唔係架,佢可能會覺得,「正呀!I am ready!」!
Kneta:咩都唔使做係咪?
Sarah: 我都有考慮過,呢個都係我另一個困惑,佢會唔會好介意我去做呢一樣野。
林奕匡:你向佢表白架嘛,即係咁話,其實佢鍾意你嗰種比較率直,情感爆發既性格。「我要主動爭取我既幸福」呢件事,佢係欣賞呢樣野既話,你去求婚呢,我覺得佢唔會覺得好驚訝既。不過呢,係在乎佢鍾唔鍾意一啲好隆重呀,定佢覺得比較close啲,同family members only嗰啲感覺會好啲呢?
東方昇:你想大搞定細搞呀?細搞啦下話?
Sarah:求婚呢啲就細搞啦。
東方昇:嗯~ 細搞啦。
林奕匡:咁即係結婚嗰陣先大搞。
眾:哈哈哈哈哈哈
東方昇:慳慳埋埋結婚大搞啦。你好似話你都係想求婚架嘛,即係利君牙呢,其實好似佢係想主動同男仔求婚架。
利君牙:但係我而家有少少轉變。
林奕匡:吓?點解呢?
利君牙:因為呢幾年既相處呢,有時就會討論邊個媾邊個先,「嗰陣你媾我架麻!」。
東方昇:咁小學雞既。

利君牙:我就喺度疑惑,如果我真係同佢求婚,咁佢咪講一世!咁唔得喎!所以就仲諗緊囉仲。有冇人好似我哋咁無聊呀?
Sarah: 都係另一種浪漫黎既我覺得。
東方昇:嘩,咁幾好喎。
Kneta:佢幾positive喎諗得。
利君牙:我仲有一個問題喎,Sarah。如果萬一你男朋友唔應承你咁點呀?
Sarah: 佢拒絶得我,即係佢想自己求囉我覺得。
專家Dickson:好正面呀!好樂觀呀!
Kneta:由頭到尾都好正面呀!
專家Dickson:喺我既世界入面,拒絶我,就即係叫我收工架喇。
利君牙:你搞錯咗!咁多次都搞錯曬!
專家Dickson:原來係咁下話。(終於知道自己點解單身咗3X年)我應該畀機會佢先啱既!
東方昇:佢真係好正面喎。
Sarah: 如果佢拒絶咗我,即係要我等多陣囉,咁我咪唯有焗住等囉。
東方昇:佢都肯定對方係要佢架喇。
林奕匡:肯定愛架喇。
Kneta:即係佢覺得一定係愛既,只不過唔係而家啫。
Sarah: 一路都好穩定既。
利君牙:我想問吓你而家唔求婚個疑慮係咩呀?

1

1

Sarah: 就係我唔知點樣求囉。因為男人求婚都係嗰啲架啦,跪地、送花 、戒指呢啲,但係女仔求婚,係冇概念囉,身邊冇朋友咁做。
東方昇:其實簡簡單單。
利君牙:你鍾意咩咪咩囉。
東方昇:係囉。
利君牙:平時你哋最sweet嗰個moment係咩?做返嗰啲野咪得囉。可能你喺廁所一齊屙屎係最sweet既。
林奕匡:喂呀!!!
Kneta:就喺啲紙巾度捲出嚟。
林奕匡:你(指利君牙)鍾意呢啲嘢架原來。
東方昇:一抆跟住就抆到隻戒指出嚟喇!
林奕匡:簡單得嚟,其實都係得嗰幾樣嘢,For example 簡單既花,唔需要啲好大紮既,戒指又唔使貴既,其實主要係個 mood wise,喺個情況覺得舒服,去bring up 呢樣嘢既時候,咁就OK啦。

黃研:你哋喺中學識架嘛,如果揾日無端端話「喂喂,番去。」然後喺學校度求婚。
Kneta:最近好多人鍾意扮返學生,體驗返自己中學時代咁樣,出一日街,咁你就可能扮曬嘢。
東方昇:呢個OK喎我覺得。
Kneta:扮曬嘢就話,「喂,不如我地今日體驗返做中學生,重拾返以前嗰啲感覺。」
黃研:去返追佢既時候。
東方昇:OK喎,呢個好好喎我覺得。
林奕匡:你係要扮啲嘢既,借啲意有人幫你去影相,記住呢一下,咁嗰一刻當佢唔為意既時候,佢另轉面呢,你就 ready 咗。
東方昇:夠曬中二病,我覺得OK喎。
Sarah: 好呀。
東方昇:好勉強呀!不過嗱,意見架啫,你唔使跟既。
Kneta:試探都得架。晏晝係咁樣笠落去,「喂,嫁畀我啦。」睇吓佢咩反應。如果佢話「啊,好呀。」,之後晏啲就真係攞隻戒指出嚟
Double suprise咁樣。
Sarah:嘩!!
Kneta:會唔會好啲呀?
Sarah:我都FF緊。
眾:哈哈哈哈哈哈

東方昇:你乜都試吓啦。呢個係一個開心既問題嚟既,happy problem。你見佢喺到度緊,都唔知係咪囇命既,喺度甜笑咁樣,都唔係真係討論既,完全唔苦惱喎我覺得你。好啦,慢慢諗吓啦。
黃研:祝你成功。
Kneta:加油。
東方昇:喂,喺呢度求婚都得架喎,可能佢男朋友睇緊。
利君牙:都好浪漫架。
東方昇:好浪漫喎真係。(一片沉寂) 算啦,收埋做啦自己。
眾:哈哈哈哈哈哈
東方昇:好啦,拜拜〜〜
眾:拜拜〜〜

東方昇:頭先聽林奕匡講呢,多次強調戒指係唔重要架喎。
林奕匡:Errr 係, 要有!男仔會覺得大啲既鑽戒係,威啲既,女仔會覺得好似幸福啲咁。但係問心嗰句,佢使既錢,嗰啲錢都係你哋將來共用既錢嚟架嘛,你做乜使20萬去買隻戒指返嚟,我都好少戴,都唔敢戴出街呀!
黃研:同埋戴咗出去驚畀人標參呀。
林奕匡:係喇,其實唔係咁重要既。
東方昇:係咪因為你係男仔咋?女仔覺得重唔重要呀?
黃研:我OK既。
東方昇:OK重要既?
黃研:有冇都冇所謂。
東方昇:你呢?
利君牙:我覺得冇所謂,因為我一定會唔見既。
黃研:好危險呀戴戒指。
Kneta:我唔介意佢送咩既,但係我有時係會在意,佢送幾多嘢畀我,或者送呢個戒指畀我,係咪等於代表咗佢既心意有幾重呢?
東方昇:好彩我吔唔係賣嗰啲鑽石廣告架啫,我哋係咁喺度倒米,我哋刺穿咗嗰個資本社會主義嗰個......
Kneta:嗰啲陰謀論下話?
東方昇:係呀,所以好彩我哋唔係賣鑽石廣告啫,咁我哋今日好多謝你哋嚟啦,同我哋分享咗一啲咁...脫俗既價值觀。不過其實啱既!嗰份愛係最重要既。好!多謝你哋!
眾:拜拜!!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

臉書、谷歌數位監控的未來...中國社會信用體系? 如何終結監控?書來面對 EP18《監控資本主義時代》下集 Shoshana Zuboff / 說書【資訊/社會科學】

超級歪 SuperY | 時政類

https-::www.youtube.com:watch?v=TSJwMZvw

晚吹:又要威又要戴頭盔—驅魔人II

ViuTV | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(下)

米膠波台 | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(上)

米膠波台 | 娛樂類

https-::www.youtube.com:watch?v=TSJwMZvw

【驚爆結局】2021最瘋狂比賽?F1阿塞拜疆站賽後回顧| 阿非講賽車 EP 74

FAYE TV | 娛樂類

0