1

《BBC》欺騙戴安娜王妃受訪釀成悲劇,中國外交部讉責「完全不講是非,不講原則」

Gavinchiu趙氏讀書生活 | 時政類 | May 29, 2021

​此影片謄本由解悶工廠製作

大家好,今日係2021年5月26日。今日要透過一單新聞去講下中西嘅政治倫理嘅分別係邊度。

話說,英國王室威廉王子同埋哈利王子罕有地發表聲明,譴責《BBC》同埋佢地嘅記者,點名同埋不點名咁譴責佢嘅記者巴希爾係20幾年前用虛假嘅方法、欺詐嘅方法,去誘騙戴安娜接受訪問。話說,當年嘅記者30幾歲左右,依家58歲,剛剛患完新冠肺炎,又有心臟病,我睇佢嘅身體都非常之差,但係當年佢30幾歲嘅時期,能夠約到王妃上左《BBC》最受歡迎嘅節目《廣角鏡》裡面爆料;包括講自己暴飲暴食,係皇室入面好唔開心,係皇室裡面嘅婚姻好不愉快,話佢地嘅婚姻係有點擠擁,因為有三個人,而承認自己嘅婚姻出現左問題。

最後因為依個報導出左街,英女王寫信俾戴安娜同佢個仔,查理斯王子,就話佢地要離婚喇,後來因為咁而離婚。所以今次嘅聲明裡面,哈利同埋威廉王子就話由於依個報道而令佢地嘅家庭破裂左,但問題依個報道嘅背景係用欺詐嘅手法,誘騙左戴安娜接受訪問、改圖,令戴安娜以為佢身邊好多人會出賣佢。

所以,今次英國就由退休法官Dyson去執掌左依個報告,咁就揭露左《BBC》可能有隱瞞巴希爾不法嘅手段係罪證確鑿。而偽造文書係罪大惡極嘅,而且亦都唔道德,而《BBC》嘅高層係咪知悉呢?知悉有冇幫佢隱瞞呢?如果有,咁《BBC》應該受到好大打擊。所以,《BBC》自己就話依個Dyson報告出尼之後係《BBC》最黑暗嘅一日。

佢地嘅公信力本來係歐洲,係歐美,係西方媒體,算係數一數二。就依個報告出左尼之後,佢地會認為好可能有不可磨滅嘅打擊,而事實上,英國人就係透過俾錢係公營電台要訂購大氣電波嘅費用去供養《BBC》。所以如果《BBC》公信力愈下跌,啲人就會轉睇有線電視,睇《Sky TV》。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

係20幾年前,好多人都慢慢轉睇《Sky TV》,依家上網更加係大把野睇啦,點解要訂大氣電波嘅平台?咁所以《BBC》好可能走上左一個窮途末路。係依度就要講講政治倫理嘅概念,係整個西方嘅政治學、經濟學都係假設人係自私嘅,人係要將佢地自己嘅利益最大化,咁所以機構亦都如是,機構係由人去管理嘅,所以機構有權力尋租Power rent-seeking,每一個機構想辦法去搵著數,搵好處。每一個機構都想辦法搵更多嘅資源,更多嘅利益擴張自己嘅機構,所以《BBC》如果愈多人睇,咁就愈請得多人,佢地嘅上級就愈大權力。

所以係咁嘅情況下,佢地嘅上級知道下屬記者用不法嘅手段,佢都未必會主動公開承認道歉錯誤,依個係天性。依個就係權力機構嘅天性,就係必然作惡,而人亦都係,人有Opportunism (機會主義)。就係當如果你做左一件作奸犯科嘅事,你就會計算俾人拉到嘅機會大唔大呢?如果冇咩機會俾人拉嘅,好多人都會願意做。第二就係,就算俾人拉嘅機會大,佢獲得嘅好處嘅槓桿比率夠唔夠吸引呢?夠吸引都有好多人去做架喎,依個就係人性。

人性就係想辦法獲得你嘅利益,咁道德薄弱嘅人特別容易去做,咁但係道德高嘅人都唔會永遠係道德高,所以關鍵就要有其他野制約;包括法治精神、言論自由、傳媒自由去制約嘅。咁所以從依單新聞去睇,《BBC》佢有冇道德嘅問題?佢當然有道德問題。佢有冇公信力嘅問題?咁當然有啦!咁英國人信唔信呀?

1

1

原來根據調查,相信《BBC》新聞嘅英國人只係得40%,即係有60%係唔信,或者唔知道、冇評論。咁從依一點睇到,西方人普遍對所謂最有公信力嘅機構都係有好大嘅懷疑。依個係整個西方嘅政治倫理特色,就係所有人都係基於懷疑嘅。因為我都相信你係會呃我,我相信你會搵我笨,《BBC》會搵我笨,英國政府會搵我笨,Boris Johnson都會搵我笨。所以咁嘅情況下就會出現左言論自由,出現左公民嘅權力。咁但係係中國又唔同喎,之前加拿大嘅調查話中國嘅老百姓有九成幾係支持佢丫嘛!我相信如果佢做埋朝鮮嘅調查會有100%,99.99%係支持金正恩政權添。

因為如果你再問下中國大陸嘅人,佢地信唔信《人民日報》同埋《央視》呀?99%都會信嘅,至少公開講會信啦,依個就係中西嘅不同。西方嘅政治倫理就係基於懷疑、不信任;中國嘅政治倫理就叫做賢人政治,假設在上位者都係明君聖德、功蓋三皇、德兼五帝。所以無論係毛主席去做,佢地支持架。去到劉少奇做,佢地又支持架喎,劉少奇同毛主席所實行嘅路線又唔同架,佢地都支持嘅。到毛主席打倒劉少奇,佢地又支持架喎,後來到四人幫上台佢地又支持,到鄧小平復出佢地又支持,到胡耀邦、趙紫陽嘅改革,佢地又支持。到了八九六四,平定左天安門廣場風波嘅風波,佢地又支持,去到依家佢地都係支持。依個就係中國人嘅性格特徵,就是和諧、支持;就唔係搞對抗,唔係搞不信任,係家和萬事興,唔信任領導咁點搞好經濟呀?依個就係整個中西倫理嘅問題。

依件事本來都係英國內部嘅事,但係天下人都有權去評論嘅,所以中國外交部發言人趙立堅,就作出一個嚴厲嘅評論,譴責《BBC》做假新聞,咁其實《BBC》唔係真係做假新聞,果個新聞是真嘅,只不過係用左非法嘅手法獲得依個新聞。戴安娜講嘅野都係真架嘛~ 依個係一個真新聞,雖然依件事最終引發到皇室嘅悲劇,因為依單野令到狗仔隊追訪戴安娜,後來戴安娜去左法國,係巴黎同佢個男朋友逃避狗仔隊而發生車禍,咁威廉王子同哈利王子認為《BBC》要負上好大責任。

1

1

咁我都同意,雖然戴安娜嘅死仲有好多疑團,我諗有待歷史文獻去解決,或者解決唔到都唔出奇。但係趙立堅就講,《BBC》做假新聞係人都知架啦... 包括新疆事件;所以《BBC》仲欠左中國老百姓、中國人民嘅一個交代。咁依度就要講到關於新疆問題,由於趙立堅佢地,或者好多愛國人士認為,新疆什麼種族問題、人權問題係西方人嘅抹黑。咁坦白講,《BBC》關於新疆教育營嘅報道我係睇過嘅,裡面有幾多可信呢?咁依個就真係... 我自己冇辦法去解決到。

點解呀?因為我都識好多新疆朋友,我都去過新疆好幾次,去過新疆嘅大學開會,佢地都同我私底下傾左好多佢地生活嘅野,好多不滿,好多憤怒,但係問題果啲係幾個人尼架嘛~ 我冇辦法得知大部分嘅維吾爾族或者其他民族嘅人是點架嘛~ 雖然,我在Clubhouse裡面聽過好多新疆人大吐苦水,亦都有好多人讚架喎,話依家新疆生活好好、經濟好好、優待少數民族,有好多人講架喎~

咁但係真相係點呢?真係要新疆人自己去講先知。而果啲講唔係一兩個偷偷地,鬼鬼祟祟講喎,要係毫無代價地,唔係今天口爽,聽日見黨咁樣。可以係公開場合度,可以係社交媒體度,係暢所欲言丫嘛!因為我地都知道傳媒佢地都係要想辦法增加讀者,會做假新聞,或者做嘩眾取寵嘅新聞。蘋果日報陳健康事件、藍潔瑛事件;我們都記得架,依個就係傳媒嘅天性尼架嘛~ 我地都知道架喎... 而政府嘅天性肯定係隱瞞事情架嘛~

1

1

咁所以關鍵就係要有公民空間、公民嘅領域、公民嘅權力去制衡有權力嘅機構,包括傳媒都有權力嘅機構。梅鐸大亨幾犀利,《彭博》幾犀利,佢地都係要制衡架嘛~ 咁所以如果冇制衡嘅、冇公民權力嘅,冇自由接受訪問嘅,好似朝鮮咁樣,我地睇到好多朝鮮嘅紀錄片,Netflix都有架,咁果啲外國記者要訪問朝鮮人,後面一堆人跟住嘅,後來發現原來被訪問嘅果啲人係演員,根本唔係兩公婆添。同樣道理,新疆嘅再教育營都係咁樣架喎... 我地唔知架喎~ 而我之前考證左啦,中國歷史近代史都有勞改營同勞教營架嘛~ 有依一類西方定義嘅集中營,我地就叫做勞教營、勞改營,或者再教育營,或者職業培訓學校,咁依個都係我地嘅歷史傳統尼。

咁今天嘅再教育營,同當年嘅勞改營係唔係同一樣呢?我地唔知,你就俾新疆人自己講囉... 冇言論自由,人地只會愈來愈多懷疑架嘛~ 冇事實嘅真相,冇人去表達自己嘅處境,我地都唔會知,所以依件事我從來冇講過。我覺得我冇發言權,我考證唔到,調查唔到,文獻冇公佈冇披露,係咪呀?

依個走出尼講嘅人,佢地當然講到好痛苦,咁但係好似脫北者,佢都講得好痛苦,但係咪真嘅呢?有幾多成係真呢?咁依啲咪真係要當地啲人大規模地講。東德係柏林圍牆倒左之後,咁東德人咪可以走去同全世界人講囉... 咁我們咪知囉~ 如果唔係我地都唔會知架嘛... 一味淨係說好個故事,講好果個聲音,編好歷史,咁係唔係就堵得住天下悠悠之口呢?

所以一日唔公開俾人講,一日都係楚門嘅世界。楚門嘅世界裡面,可能啲人活得好快樂好開心,但係果啲野唔係真嘅,果啲係假架嘛~ 所以我地係追求真善美嘅人呢... 我地寧願相信依個世界係醜惡,邪惡嘅,我地唔會相信依個世界領導係偉大光明公正嘅,唔會相信官媒係權威消息嘅,我地係基於懷疑,基於不信任,所以我地先有公民社會,基於懷疑,基於懷疑不信任,所以我地先要求有民主自由。民主自由係唔係好呀?梗係唔係好啦... 民主自由梗係壞架啦~ 但係我地知道佢有幾壞丫嘛~

你讓我地知道佢有幾壞丫嘛... 但係威權佢係唔係好呀?我地唔知道佢有幾好,佢日日話自己好好,我地唔知,我地無從得知,依個就係中西嘅政治倫理根本嘅分別喇。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

臉書、谷歌數位監控的未來...中國社會信用體系? 如何終結監控?書來面對 EP18《監控資本主義時代》下集 Shoshana Zuboff / 說書【資訊/社會科學】

超級歪 SuperY | 時政類

https-::www.youtube.com:watch?v=TSJwMZvw

晚吹:又要威又要戴頭盔—驅魔人II

ViuTV | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(下)

米膠波台 | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(上)

米膠波台 | 娛樂類

https-::www.youtube.com:watch?v=TSJwMZvw

【驚爆結局】2021最瘋狂比賽?F1阿塞拜疆站賽後回顧| 阿非講賽車 EP 74

FAYE TV | 娛樂類

0