1

21/5《圍爐取戀》- 現代MK妹的愛恨情仇

毛記電視 | 娛樂類 | May 23, 2021

此影片謄本由初四製作

<序幕>

Suki:佢地會覺得話:「吓?你咁樣真係好咩?」之後我就心諗關你X事咩?
眾:哈哈哈
Kneta:我撐你!



東方昇:咁D行程你滿唔滿意呀?
Suki:其實都幾爽架...
眾:嘩....

-----------------------------------------------------------------------

<正題>

眾:大家好﹗

東方昇:嗱,咁今集我地圍爐個主題呢就係關於MK嘅

Tom:係喇

東方昇:點解呢?因為我地有舞台劇呀!! 哇,係<大MK日>呀!陣容頂盛呀!有鄭伊健呀!

眾:嘩!!

東方昇:仲有!陳小春!!仲有呢個!!錢家樂!!

利君牙:同埋重金禮聘左個牛郎(腦細)

東方昇:係呀,牛郎呀佢。同埋仲有你地份啦~Dickson,利君牙,同埋Kneta都有份嘅。我都有份嘅~喂咁我地今日呢其實就係圍繞住講呢個MK嘅文化啦。大家講一樣你曾經MK過嘅經歷黎聽吓先

專家Dickson:我有個朋友

Kneta:就係你

專家Dickson:每一次佢失戀都會飲酒嘅,咁佢係飲,以前有種野叫Diamond Black,果汁酒黎嘅

東方昇:一D都唔醉嘅

專家Dickson:佢飲完之後:「嘩,好醉呀」

眾:哈哈哈

專家Dickson:「我好愛你呀」係呀係呀

Kneta:我果D呢就好肉酸嘅,講起想嘔呀。喺果D後樓梯傾譏呢,突然間會壁咚你,然之後錫左落黎,就一齊左果D呢。你見到佢個MK樣控到勁近啦,然之後... (厭惡) 唔得唔得,真係好核突呀,我好後悔呀

Tom:有惡怖片feel

(少林足球六師弟舔二師兄口中蛋電影片段)

Tom:咁之前啦,中學嘅時候已經有D女仔會拍拖,之後分手嘅時候會𠝹手啦,但係呢佢地最7係咩呢,就係好驚俾老師見到,發現做乜𠝹手呀,之後就𠝹大脾,擘開條腿,兩邊呢,有字呀,一條條間 「X_X 禾巧中意梨丫真系*_*」

東方昇:其實果時真係好興𠝹手。Kneta你有冇呀?我覺得你有喎

Kneta:我冇架我冇架,我唔𠝹手

Tom:你𠝹大脾

專家Dickson:唔鼓吹呢D MK文化,真係唔好呀

幕後:係喇,講多無謂呀,今日就請左個現役MK妹黎同大家分享一吓佢嘅兩段感情經歷呀

眾:好好好,黎!

---------------------------------------------------------------------

下載檔案

下載檔案

1

1

營運經費相當貧乏,敬請體諒我們投放少量Google Ads!

1

東方昇:Suki你好~

Suki:係,你好你好~

東方昇:喂,你自稱MK妹喎,有冇D實例證明自己係呀?

Suki:嘩,我覺得呢家野真係冇樣睇架喎

東方昇:你有咩例子呢?失戀有冇飲醉先

Suki:嗱,我自劈就會嘅,但係𠝹手呢壇野真係太MK喇

眾:哈哈哈

東方昇:點會太MK呀,有分level呀?你有冇認人做契妹契哥果D呀?仲興架嘛宜家下話?

Suki:宜家唔係好興呢一種架喇喎,宜家叫famj呀嘛

Kneta:吓?famj?

Suki:佢地係果D覺得自己係Famous JJ呀嘛,覺得自己比較出名,IG多少少followers咁樣

眾:我地?即係講緊我地?

東方昇:喂咁你嘅故事係點樣嘅呢?

Suki:咁我就有過「契約戀人」嘅經驗嘅

東方昇:咩叫契約戀人?

專家Dickson:係咪新嘅term黎?

Suki:即係點講好呢,即係我地一齊嘅時候呢,基本上全部情侶行為都會做嘅,但係呢我地就會同對方定一D terms and conditions咁樣啦,即係例如話有D野可以做,有D野唔可以做

東方昇:即係獨家試愛!葉念琛!

Suki:係,類似類似

東方昇:係咪呀,OKOK。好咁點樣架你係,講黎聽吓先

Suki:咁我今年就20歲啦,咁我契約戀人嘅經驗呢就係我中學嘅師兄黎嘅。機緣巧合呢,咁我地突然間就傾番譏,咁覺得好好傾喎,有一次佢就約我出街睇戲,就好似情侶咁好自然咁拖呀咁樣

東方昇:果個年代嘅男仔女仔都摷架喇

Kneta:即係睇戲果陣

東方昇:眼呢,就望住個mon,手呢就,首先借D意hi吓佢手臂先,hi吓hi吓就搭落去咁樣,跟住套戲係完全唔知嗡乜架

Kneta:跟住隻手好攰啦

東方昇:已經好high,流口水架喇

眾:哈哈

東方昇:係咪呢D經歷先

Suki:類似~但係果陣時我有少少開心嘅,因為我本身都幾鐘意佢,我心諗:無X敵呀掂呀!咁但係去到後尾我真係開始嘗試吓話「咁其實我地宜家係點樣架?係咪即係正式一齊架喇?」佢就同我講話佢自己未ready

東方昇:即係隻手摸落黎但係未ready?

Kneta:插左入黎都未啦

Suki:係呀,之後佢就話想試吓先。咁試試吓之後我就知道「試吓先」到底係咩意思喇。

東方昇:係咩呢

Suki:咁「試吓先」就即係拍拖會做嘅野基本上咩都做嘅,咁但係就叫做唔officially咁公開,即係某D人可能會講,某D人可能唔會講

東方昇:你OK嘅?

Suki:雖然第一下佢同我講話有呢個咁嘅交往模式,我果吓心諗:咩鬼野呀?WTF...但係其實果吓我真係鍾意佢嘅。咁...我就應承左喇

東方昇:咁佢對你做D咩呢?

Suki:即係會plan行程呀

1

1

3東方昇:嘩,都好喎

Suki:出街plan行程算好好喎

專家Dickson:咁你個行程去到最尾係咪有甜品食架先

Suki:果個係行程嘅其中一部份

眾:哦~~~~一部分!

Kneta:包埋嘅

東方昇:咁你滿唔滿意呀個行程

Suki:其實都幾爽架喎

眾:嘩!!!

Kneta:我覺得佢呢件事唔MK,係個term好MK啫。即係我覺得有呢D mindset 係話試左先囉,睇吓啱唔啱,我覺得係OK嘅

專家Dickson:嗱,呢個係不代表本人立場嘅

Kneta:吓點解呀

專家Dickson:因為佢同佢係同一個思路嘅! (因為你都係MK妹囉)

東方昇:我真係未經歷過。咁好開心啦,但係之後你都想繼續長久落去架?

Suki:係呀,就係去到都有一個位,大概開始左三四個月之後嘅,咁我開始真係叫做問佢有冇正式開始啦,但佢冇答覆啦。再過多一陣之後呢,佢就同我講話佢「想去旅行」,咁我果陣時又唔得閒呀嘛,咁佢就自己去囉。我地當其時落左一D規矩嘅,「同雙方交往嘅過程中係有權揾其他人傾譏食飯交往」

利君牙:交配呢?得唔得呀

Suki:交配唔得,呢個係我落嘅規矩,我話唔可以

東方昇:但最終都係揾人交配啦應該係咪?

Suki:最終佢嘅說詞係點樣嘅呢,佢喺當地識(食?)左一個女仔

東方昇:邊個呀?台灣定咩?定非洲呀?

Kneta:日本?

眾:哈哈

東方昇:韓國?泰國?邊度呀? 韓國呀?

Suki:越南

眾:越南?

Kneta:啊呀!

東方昇:玩到咁僻?即係當地越南人?

Suki:係呀

東方昇:唔係話...

Kneta:喂,唔好扮野喎,我知越南唔係咁簡單架喎

專家Dickson:呢個世界有樣野叫越南玫瑰,係性病黎~ (越南玫瑰=抗藥性淋病)

東方昇:越南雞絲河

Kneta:係呀!!炒到興興撼撼果D呀

東方昇:咁就同你講分開左喇?

Suki:唔係,佢係番到黎嘅時候話「我喺當地識左個越南嘅女仔,我同佢瞓同一間房,瞓同一張床,但係我地咩事都冇發生喎,我係咪好叻呀?」

(內衣少女電影片段:我又係男仔你又係女仔...你介唔介意婚前性行為?)

眾:仲要你讚佢呀???

Suki:我梗係爆佢啦,我果吓嬲到痴線。咁果吓我又feel到自己沉船,佢又咁樣喎,其實我都冇咩好講啦,咁我就逼自己斷攬算

東方昇:咦,咁你都幾勁喎,你真係斷到攬

1

1

4Suki:好傷心呀...劈酒呀,自隊呀,但係我都真係幾鍾意佢架

眾:嗯...

東方昇:咁你經歷左呢一次,你有冇對呢種「獨家試愛」有冇後悔呢?

Suki:咁我又冇後悔嘅,因為同佢一齊嘅時間又真係幾開心嘅

[MK精神:我係柒過,但唔後悔]

東方昇:咁你係做壞規矩喎,即係你縱容左D男仔咁樣喎

Suki:咁我都有爽過~同埋我自己覺得呢段回憶都叫做幾美好

眾:嘩...

東方昇:用美好黎形容呀

Suki:如果你話會唔會後悔嘅話呢,可能....都有少少嘅,因為如果你有機會同未來嘅伴侶提起有呢D事情嘅話...

東方昇:咁梗係唔提啦,你唔係提下話?

利君牙:我提架

Kneta:我提架,我全部都提架,我覺得唔後悔嘅,呢D冇得後悔嘅,但係你只不過會覺得柒啫

Suki:係呀,冇得後悔架

專家Dickson:但係你地呢種思想嘅人咪會成日吸引埋D試車唔買車嘅人囉

東方昇:啱呀,係呀

Suki:咁所以其實我處於我呢個立場嘅話我會揀囉,其實我都可以揀俾唔俾佢地試我車架嘛

東方昇:你地兩個係咪都係咁樣諗?(指利君牙、Kneta)

Kneta:我覺得如果我兩個都有鍾意嘅感覺,咁唔好晒時間,咪去試囉,唔得嘅,咁咪散囉,有乜好後悔唔後悔啫?

東方昇:啱嘅,呢個都係嘅

Kneta:最直接架喇

Suki:係呀,呢個講法就好make sense,我都覺得好make sense

Kneta:即係好過我浪費一兩年時間

專家Dickson:你地兩個好啱傾喎,使唔使拎個電話出黎?

Kneta:唔係,你講真,好過浪費幾年時間同你了解,X! 原來係表裡不一嘅,咁一定係一齊左先知架嘛,原來果兩年時間我晒X晒嘅

東方昇:咁你可以咪試對方囉,唔使試埋飛機同試埋車架嘛

Kneta:呢一part呢,都係一對情侶需要試嘅一部份黎嘅

專家Dickson:Jer細點算呀

Kneta:啱喇!!冇錯喇

東方昇:OK, OK

Kneta:即係我當你好鍾意一個女仔,所有野都好perfect

東方昇:我明我明~

Kneta:但原來佢唔掂得架喎,陰道痙攣好正常架喎

東方昇:咩黎架

利君牙:陰道痙攣正野黎架咩?

Kneta:唔掂得架,一掂會痛架,即係抽筋呀入面

利君牙:哦...

Tom:未聽過

專家Dickson:係你繼續講吓~

利君牙:我覺得宜家呢個年代,因為有Instagram,所以我幾同意有呢個試架。因為如果係真嘅話呢,你要up相上去呢,好煩呀如果散嘅話

1

1

東方昇:但係要試埋車嘅?

利君牙:冇所謂呀

專家Dickson:飛機定大炮,唔試過又點知得唔得呀

Kneta:我點知副計靚唔靚呀

東方昇:我後悔我果時冇試囉

Kneta:咪係囉

Tom:佢想後生多幾年試一試呀

東方昇:係囉。喂但係我想問最後一個問題喇,你身邊多唔多人都係呢一種咁嘅愛情嘅態度呢?

Suki:我身邊D friend守身如玉架喎,好誇張架佢地係

東方昇:係架咩?

Suki:佢地會覺得話吓你咁樣真係好咩,之後我就心諗,關你X事咩

眾:嘩

[MK精神:關你X事呀?]

Kneta:我撐你! 我撐你呀Suki!

東方昇:我知你呢句說話想同我地講好耐架喇,關你地五個X事咩。好啦,多謝你分享呢D咁嘅 MK嘅戀愛經歷啦,叔叔又開心又興奮嘅。今晚都會發番個美夢架我覺得

專家Dickson:我直情係受教呀

東方昇:好,多謝你

Suki:係係,好嘅好嘅

眾:Bye bye!

-----------------------------------------------------

東方昇:聽完Suki咁講呢,其實每個時期都有唔同嘅MK戀愛文化,以前就可能會發生喺同學之間

利君牙:Friend前性行為呀以前係

東方昇:呀係呀係呀,有呢個呀,好MK呀係呀。即係依家只不過係IG呀, Tinder呀果D,其實一樣嘅,總之鍾意咪即刻去馬囉,愛咪就係要做囉,即係其實果種感覺啫。咁今集其實都有個大意義喺度啦,就悟出一個道理,就係記住要買飛支持我地呢個舞台劇喇!!! <大MK日>。好,拜拜!

利君牙:MK未死!!!

眾:拜拜!!!

---------------------------------

100毛、W創作社聯合主辦 <大MK日> 預售火速爆滿,現加開至30傷,一個壊過凱婷,但乖過香港嘅史詩式MK故事,6月19日起,香港演藝學院歌劇院。主演:林日曦、白只、楊偉倫。特別露出:東方昇。柒到喊、喊到笑、笑到MK消失了。門票5月24日早上19點起,www.BigMkDay.com 正式開賣!本劇含粗口及吸煙場面,不適合18歲以下MK仔女觀看。

<圍爐Buddy呼喚計劃>

有感情心事?

即刻Follow圍爐取暖IG:sharelove_tgt
Inbox我地話我地知你嘅感情煩惱以及你嘅聯絡方法!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

臉書、谷歌數位監控的未來...中國社會信用體系? 如何終結監控?書來面對 EP18《監控資本主義時代》下集 Shoshana Zuboff / 說書【資訊/社會科學】

超級歪 SuperY | 時政類

https-::www.youtube.com:watch?v=TSJwMZvw

晚吹:又要威又要戴頭盔—驅魔人II

ViuTV | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(下)

米膠波台 | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(上)

米膠波台 | 娛樂類

https-::www.youtube.com:watch?v=TSJwMZvw

【驚爆結局】2021最瘋狂比賽?F1阿塞拜疆站賽後回顧| 阿非講賽車 EP 74

FAYE TV | 娛樂類

0