1

「開站師」堅守香港:行動戰勝恐懼 為再聚「加速」

Stand News 立場新聞 | 時政類 | May 16, 2021

此影片謄本由kam製作

★非作商業用途,本檔案版權歸版權持有人獨有★

記者:呢份《文匯報》,你覺得特別深刻?

發覺佢哋都跟得幾貼我哋嘅消息,因為我哋一做完(街站)呢,佢哋就幾個鐘之後就出頭版,就即刻擺咗...左下角呢個位又報道埋我哋講咗啲咩呀,所以真係跟得幾貼嘅,專業嘅,係咪呀?哈哈...

「老是常出現」,很搞笑呢啲用字,本身佔一格子已經俾多咗我,但依加上埋A1頭版。前線真係冇晒人,我呢啲爛頭卒都俾人擺上去報道,當係重點招呼。係時代推我哋上來囉真係,冇計。

下載檔案

下載檔案

1

1

所有資料非作商業用途,若有內容侵權,請即通知我們移除。

1

<開站師」行動戰勝恐懼,為再聚「加速」>
Hello大家好,我係「開站師」嘅創辦人袁德智,Jerry.咁然後我啱啱喺中大政政畢業,然後依加喺大學做緊研究助理。我會希望證明一樣野,就係其實我哋喺香港呢一個地方,只要香港人仲存在着嘅話,其實香港公民社會可以沉,但絕對不會一沉百踩。依加因為被國安法控告的人最相熟嘅係梁晃雄,2月26號囉,國安就打電話過去叫佢哋提早報道嗰一日嚟嘅,跟住好似我同佢約咗食飯係好似打電話俾佢嘅一個鐘頭之前嘅事情。

去到去食嘅時候,我開頭都其實冇話係覺得係最後一次見面嘅,但係原來嗰次就最後一次嚟嘅。真係冇諗過原來個打壓嚟得咁快囉。咁我嗰個圈子,好多依啲咁樣嘅人呢已經係受緊政治壓逼,咁如果我唔去做、為佢去哋做啲野嘅話呢,其實我一定呢一世會好後悔。我而家每一刻每做一件事呢,只要我做得越多呢,其實我就加快到我可以見到佢哋嘅時間。

1

1

我哋關注嘅係「重聚」呢個議題。如果我哋走咗,咁10年之後,嗰啲坐完監出返嚟嘅人點算呢?佢哋見到嘩呢個世界呢個香港所有人都走晒啦喎。真正嘅手足應該係齊上齊落㗎嘛,咁點解我哋唔喺呢個香港𥚃面做好自己、裝備好自己,繼續做好公民運動,等待重聚嗰一刻呢?

追求民主呢樣嘢,其實係已經係我嗰個人生或者係生命嘅一部分囉,係生命嘅烙印。後國安法時代必須要具備嘅第一個心態就係我哋一定要以集體行動去戰勝恐懼。好多人都覺得好憤怒或者好不甘,如果我哋可以用街站呢一個咁實在嘅形式去展示俾大家嘅時候呢,其實我哋會俾香港感受到原來仲係有人堅持。喺嗰個街站或者集體行動大家會互相感受到彼此嘅存在。

1

1

其實街站同大家互動係一個互相empower充權嘅一個過程啦,去叫做「開站師」有一個咁樣嘅意識喺入面。其實我哋(開街站)個門檻係好低㗎咋,只要你有張枱、有枝咪咁樣,甚至乎你乜都冇,你願意企喺個社區入邊去講你嘅政治理念,或者唔好講政治理念,你去講真相。即係只要你去繼續企喺社區到不斷去依啲做一啲小型嘅街站呢,每一個人都可以去做到㗎,唔好淨係得我哋囉,我哋都係好少人㗎咋,如果唔係做咩來來去去都係嗰班人啫,係,「老是常出現」。

1

1

.

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

其他最新謄本

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第三部 《流金歲月》

universalmusichk | 娛樂類

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第二部 《秋色》

universalmusichk | 娛樂類

https-::www.youtube.com:watch?v=TSJwMZvw

Gigi 梁詠琪 Capítulo 音樂電影 第一部 《初戀》

universalmusichk | 娛樂類

https-::www.youtube.com:watch?v=TSJwMZvw

他將宗教融合金字塔騙局,詐騙信徒高達五億美元!|啾啾鞋

啾啾鞋 | 娛樂類

https-::www.youtube.com:watch?v=TSJwMZvw

晚吹:又要威又要戴頭盔—武館中學學生(I)

ViuTV | 娛樂類

0