1

3/5《圍爐取戀》- 不小心掰彎了我的室友

毛記電視 | 娛樂類 | May 9, 2021

此影片謄本由s製作

旁白:有史以嚟第一次,來自台灣的朋友!

眾人:wowwwwww!!

東方昇:咁KK我想問你會揀台灣妹定香港妹呢?

Kenta:咩姐!香港女仔唔可以好溫柔架咩?溫柔你就驚啦!哥哥呀~我今日想食呢個呀~吖~幫我攞嗰個嚟吖~啊!!!!

東方昇:大家好,今日我哋有個新嘅朋友仔,就係我哋嘅東女郎嘅其中一位阿Tom喇!

利君牙:報Status!

Tom:Single呀!Single as fuck呀!

東方昇:而家single嘅?咁之前嘅戀愛經驗呢?

Tom:Errrr,都有……3、4個啦

東方昇:3、4個嘅~初戀係幾時呢?

Tom:……17歲

東方昇:17歲~

Kenta:初夜係幾時呢?

Tom:破處呢啲嘢唔可以講架

Kenta:點解嘅?

Tom:有呢個……年齡限制嘅

東方昇:係喎!!gong1

眾人:哈哈哈哈哈哈

東方昇:gong1嘉敏呀,係要21歲架,你提得啱呀

下載檔案

下載檔案

1

1

營運經費相當貧乏,敬請體諒我們投放少量Google Ads!

1

Kenta:哦……

東方昇:啱呀,我哋係守法嘅人嚟架嘛

Tom:係呀,係呀

旁白:咁今日為咗迎接阿Tom嘅到嚟,特登搵咗個LGBT類嘅題目,就講個女事主唔小心拗攣咗佢個roommate呀

眾人:哦……

旁白:係呀,而且係有史以來第一次來自海外嘅朋友,來自台灣的朋友!

眾人:wowwwwww!!

利君牙:大家好!我們是圍爐……

Kenta:取暖

Tom:大家好,大家好

東方昇:接進來,接進來

Kenta:插進來!插進來!

東方昇:KK你好

KK:Hello

東方昇:喂你而家係咪喺台灣到?

KK:係,我而家喺台灣架

東方昇:台灣多唔多人睇我哋嘅《圍爐取戀》,你啲香港朋友有冇睇架?

KK:我身邊識嘅朋友都…基本上有睇《圍爐取戀》或者100毛嘅節目

東方昇:嘩!!!好我哋講返正題先,可唔可以講你個故事畀我哋聽下呢?

KK:今日就係想同大家講下,最近發生咗個經歷,就係我唔小心拗攣咗我一位室友

眾人:嗯……

KK:咁呀……雖然我已經拒絕咗佢,但係佢都依然死纏爛打嘅

東方昇:哦……即係你炫耀你自己嘅吸引力!

KK:唔係,呢個係……我自己少少嘅心理壓力嘅真係,聽完我自己都覺得累

東方昇:好!講嚟聽下先!

KK:Err咁我就喺台灣讀緊書,即係呢個朋友佢本身都係一啲算係man啲嘅男仔嚟嘅,我就真係男仔打扮,咁亦都真係TB,我性傾向都真係鐘意女仔嘅,而呢一個女仔,我一開始見到佢嘅時候,我見佢都係一身男仔打扮,咁應該同我一樣都係TB掛……正常嚟講,台灣呢啲TB都係鐘意一啲女性化嘅女仔,所以我對佢呢,都係當佢係細佬咁架姐

眾人:嗯……

KK:咁都有其他人問佢:「咦,其實你係咪都鐘意女仔架?」點知佢就同個人話:「唔係呀,其實我鐘意男仔架」,即係佢直嘅,咁佢本身唔係我鐘意嗰type嘅女仔,咁我就當佢學妹照顧下啦,因為平時我哋都係讀一啲同飛機相關嘅學科

東方昇:飛…飛機?即係點?

Kenta:佢哋兩個喺度搞飛機「欸,你那個比較好~」咁樣

KK:喂?

眾人:哈哈哈哈

專家Dickson:我都係飛機學會架

東方昇:榮譽會長呀~係跟住呢

KK:咁之後就因為學校宿舍冇位啦,咁就要搬出去啦,就夾埋另外兩位朋友一齊出去住

東方昇:嗯~

KK:咁一路以來佢都係當我係阿哥

東方昇:哥哥!

KK:係呀,咁住埋同一間屋平時得閒都會傾下計呀,喺屋企煮下飯呀,咁平時夜晚彈完結他傾下心事

東方昇:嘩,彈結他

利君牙:好台灣呀

Tom:文青feel,文青feel

KK:咁就一路對我嚟講,佢都係直嘅女仔,即係外表打扮上都係好男仔嘅一個人啦,直到有一日呢,我就覺得有少少唔對路係因為,佢對我嘅成個schedule實在太瞭如指掌喇,佢會非常清楚我可能夜晚幾點會去返工,然後日頭幾點會喺學校邊個地方上堂

東方昇:咁恐怖

1

1

利君牙:但係有啲女仔係咁樣架喎,真係好鐘意你就會幫你記哂啲嘢架嘛,咁咪就係真係鐘意囉

東方昇:但係朋友可能係ok嘅

利君牙:同埋一齊住架嘛,都好friend呀應該

東方昇:你係咪share咗個google calendar俾佢呀

眾人:哈哈哈哈哈

KK:冇呀

東方昇:跟住呢?

KK:跟住去到有一次係我可能個期又咁啱同佢傾開「咦,我最近又鐘意咗邊個女仔喎~」佢有一日無啦啦去起人Instagram,連佢所有由唔知幾多年前嘅story都睇哂,然後當時俾我追嘅女仔就走嚟問我「咦,呢個我唔識架喎,係咪你朋友?」

Kenta:管太多喎

東方昇:關心家人啦可能

KK:咁我就覺得唔係好對路,我就開始有意識要遠離呢個人,亦都同呢位朋友講「其實你靠得有少少太近喇,我覺得有少少過咗火位,不如…我哋疏遠一排先?」

東方昇:我想問一個問題,你介意嘅?當如果有個追求者追我,我未必疏遠佢架嘛

KK:我覺得佢有少少恐怖情人feel

Kenta:哦~追蹤住你呀

利君牙:令到佢唔舒服

東方昇:跟住呢?

KK:直到有一晚嘅凌晨,大家啲室友出面玩完,安靜咗,突然佢嚟敲我房門就話「可唔可以傾下計?」咁我就話,「都可以傾下嘅~」

東方昇:可不可以聊一聊~

Kenta:撩一撩~~~~

KK:講廣東話嘅

東方昇:吓,講廣東話架?

Kenta:可唔可以撩一撩~

利君牙:都一樣

專家Dickson:跟住你下一句就話「你搞什麼飛機呀~」

眾人笑

東方昇:係,跟住呢?

KK:佢就同我講「其實你特登疏遠我,係咪覺得我咩呀…?」咁我就話「你咩來咩去咩呀?」擾攘咗一陣,咁我就好直接咁問佢「你係咪鐘意我呀?」咁佢就點頭話係嘅,但係佢自己就感覺唔係好接受到呢件事,因為佢從來未試過韶鐘意女仔,佢一路鐘意嘅對象都係男仔,而呢一段時間佢就話,我對佢嘅疏遠令佢發現佢好掛住我,然後佢就真係好似鐘意咗我,之後我知道佢喺我疏遠佢嘅呢段時間入面,佢做咗啲我唔係好接受到嘅嘢,咁所以我好堅決咁拒絕佢,block完佢我就即刻搵屋搬喇

東方昇:佢都幾hurt喎,因為可能佢面對住你,覺得你係佢鐘意嘅人,佢踏出第一步,佢第一步唔係示愛咁簡單,甚至對佢嚟講係出櫃

利君牙:佢連鐘意都唔夠膽講,淨係「咩」咋喺度

東方昇:嘩,佢好hurt呀

Kenta:可能佢未拍過拖都未定呢

東方昇:係喎佢拍過拖未先?呢個好緊要

KK:Errr,未

眾人:哦……

東方昇:咁其實佢都好慘喎我覺得

利君牙:同埋佢話當佢呀妹又哥哥咁,即係好照顧佢啦,一齊住

東方昇:你太照顧佢喇

KK:吓?我初頭都係諗緊,點解我無啦啦拗攣咗呢個人架

Tom:想問下你有冇覺得,你個人生有個成就達成咗呀?拗攣咗一個人

1

1

眾人大笑

Kenta:其實都好難架

Tom:其實真係好難

KK:冇呀,因為後續我block完佢之後,佢仲有用假ac繼續去follow我各式各樣嘅日常,我覺得好得人驚

Kenta:可能基於另一樣嘢,如果有另一個女仔鐘意你,你覺得ok嘅?但係就係佢唔得?

專家Dickson:佢本身有啲鐘意嗰個人,嗰個人咁做佢唔係會再冧啲咩?

Kenta:梗係唔會啦,你都唔會啦,你鐘意呢個女仔但係突然發現咗原來嗰個女仔日日偷聞你條底褲嘅,你驚唔驚呀?

利君牙:佢會即刻好開心

Kenta:即刻成就解鎖呀

專家Dickson:我未幻想到呢一步

東方昇:但我想問阿Tom,呢個喺男同性戀界別常唔常見呢?

Tom:比較少嘅,男仔拗攣男仔嘅話,不過我又曾經試過啦,可能同一個男仔熟啲啦,有時就想試下偷摸個人嘅底線去到邊

Kenta:偷摸下…

Tom:即係個…個底線

東方昇:唔係底褲?

Tom:底線,睇下佢接受程度去到啲咩,咁可能平時係度挨挨凭凭,睇下佢會有咩反應呀

KK:嗰個女仔有試過我嘅底線囉反而係

東方昇:係!!!講嚟聽下!

KK:試過係我有一次飲醉咗,因為我真係當佢係人肉扶手咁扶,佢係真係攬住我,而呢一個算係佢嘅契機,因為我飲醉酒嘅時候攬住佢

Kenta:佢覺得嗰種係攬囉,即係搭住都係攬囉,攬唔一定係咁樣樣囉

利君牙:同埋呢個係佢第一次有一個咁…親密嘅接觸

東方昇:但係其實我覺得我同情佢,我同情佢個friend

利君牙:我覺得佢有少少衰呀,呀KK而家有少少衰呀

東方昇:我覺得你要負責任呀

KK:吓?

東方昇:唔係呀,姐係嗱~人哋俾你拗攣咗,你應該諗下點樣教導返佢,你係哥哥~做返哥哥嘅角色,其實呢個你可以諗清楚先,可能你未必鐘意女仔架,你要咁樣同佢講囉我覺得

Kenta:即係我唔好話教佢啲咩啦,我會同佢講返,你鐘意我係咪真係出自於真心個種愛嘅,咁如果係嘅話,你就要搞返清你嘅性取向係乜嘢啦,即係究竟係男係女,咁如果佢知道真係兩邊都得架喎原來,咁你咪同佢講,哦,我真係唔鐘意你

東方昇:但係冇啦,阿KK應該都俾佢嚇到…

KK:我已經即刻搬走咗喇

Kenta:係呀

東方昇:咁都過咗去啦,叉開問吓你另外一啲問題就係,咁台灣嗰個同性戀文化係咪開放過香港呢?

KK:開放好多~基本上我可能隨街都見到好多男男都夠膽拖手嘅couples

Tom:嘩!好好喎咁樣,我有啲羨慕呀~香港個啲奇異眼光實在太奇怪喇

Kenta:吓?你咪照拖囉,我覺得冇問題

Tom:其他人會咁樣望你

Kenta:望囉屌你咩!遞埋隻手咁樣,你望乜撚呀

東方昇:所以香港要急起直追喇~

Kenta:我覺得係一路嗰種洗腦式呢,即係譬如我曾經有試探過我呀媽,我話其實我同邊個邊個係一路拍緊拖呀,佢話「你搞咩呀,你係咪變態架?」咁囉,佢哋覺我係直情扭曲咗思想

1

1

東方昇:咦咁呀KK我想問你,咁你係愛情方面,你寧願揀台灣妹定係香港妹呢?

KK:香港同台灣…我諗我會揀台灣

東方昇:嗯~點解呢?

KK:香港嘅女仔比較獨立啲嘅,但係台灣女仔始終佢哋嗲聲嗲氣又溫柔啲掛…感覺上

東方昇:同男人諗嘅嘢一樣呀!

Kenta:咩姐!香港女仔唔可以好溫柔架咩?.

(幾分鐘前)Kenta:望囉!屌你咩!遞埋隻手咁樣,你望乜撚呀!

Kenta:溫柔你就驚啦!

專家Dickson:我係揀香港女仔架!嗱,香港女仔們…

東方昇:唔揀你咋嘛啲女仔!

利君牙:你撐我,我撐你

Kenta:我有幻想過台灣女仔比較溫柔啲啦,嗲聲嗲氣啲,但係你哋係咪真係接受到呢?即係放落香港到

東方昇:得呀~

Kenta:哥哥呀,我今日想食呢個呀,日日都咁撚樣喎

東方昇:正呀正呀~

Kenta:吖~幫我攞過嚟吖~

旁白:你呢啲唔係台妹,係姣婆…

東方昇:正呀~

Tom:你把聲冇事呀嘛?

東方昇:好啦~咁多謝哂呀KK同我哋分享咁多嘢,最後最後最後!台灣鴨血邊到好味,邊啲係有我運過嚟香港?

KK:我食即食架喎~唔知邊到有得買空運個啲

東方昇:唉~歧視我哋呀真係,唔同你傾喇!

眾人:拜拜

Kenta:咁呀Tom呢我其實有啲問題就想問吓你架,好似男同男嘅性愛慾望係多過女同女?因為我身邊啲女女嘅friend呢係真係少啲架

Tom:其實我睇應該每一個男仔嘅性慾都係幾強烈,因為始終係一個天性嚟架嘛,男人嘅天性,其實有時候我哋男男可能有啲交友app啦,通常一開嘅時候就「啊,你係邊呀,做緊咩呀,fun唔fun呀」即係好多呢啲

東方昇:fun唔fun即係咩呀?

Kenta:fun呀have fun呀~

東方昇:哦哦哦~okok

Tom:好多呢啲好直情嘅,啊!我依家要約fun喇「fun~之後有冇地方咁樣」就係咁問囉

東方昇:女界嘅交友aapp係咪就係談情多呀?

Tom:應該都係談情比較多啲,因為始終女仔都係行交心路線比較多啲

東方昇:男仔就係交「深」啲,女仔就交「心」

利君牙:唔係~我又唔係,我唔覺得係男仔女仔咁分喎,純粹睇人咋喎,即係有啲都係咸濕妹嚟架嘛,我身邊都有啲lesbian couples係好激烈架喎,你知道有時佢哋係屋企呢,佢哋會突然間咁消失咗十分鐘

Kenta:哦~

Tom:哦~~~~~

利君牙:所以我覺得係咩人都有嘅~

東方昇:但係反而我會問,咁同性戀係咪有啲可能係我純粹情感上同性我身體都冇反應嘅,係咪都有一個新嘅界別呢?

Tom:其實可能個人係鐘意情感上嘅交流多過身體上嘅接觸囉

Kenta:咪似柏拉圖囉

Tom:即係靈交囉「我而家搞緊你喇」

Kenta:「我而家諗住要搞9你,我要用念力屌撚死你」

東方昇:即係乜都有啦總之~咁所以Dickson都真係可以乜都試吓

Kenta:你試下咁樣用念力「屌撚死你」

專家Dickson:佢日日都咁樣架「點解唔高潮嘅,唔高潮嘅?」

東方昇:好啦咁我哋有阿Tom喺到,有乜奇難雜症我哋都解答到,咁如果大家有咩問題即管搵我哋啦!

眾人:拜拜

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

臉書、谷歌數位監控的未來...中國社會信用體系? 如何終結監控?書來面對 EP18《監控資本主義時代》下集 Shoshana Zuboff / 說書【資訊/社會科學】

超級歪 SuperY | 時政類

https-::www.youtube.com:watch?v=TSJwMZvw

晚吹:又要威又要戴頭盔—驅魔人II

ViuTV | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(下)

米膠波台 | 娛樂類

https-::www.youtube.com:watch?v=TSJwMZvw

「米膠波台」【歐國盃】各小組分析+出線球隊預測(上)

米膠波台 | 娛樂類

https-::www.youtube.com:watch?v=TSJwMZvw

【驚爆結局】2021最瘋狂比賽?F1阿塞拜疆站賽後回顧| 阿非講賽車 EP 74

FAYE TV | 娛樂類

0