1

Samsung推SmartTag+與AirTag對撼!Apple M2 MacBook最快7月登場?《GT Sport》成奧運項目 | 廣東話【Price Weekly #60 2021年5月】

Price.com.hk 香港格價網 | 科技類 | May 2, 2021

​此影片謄本由解悶工廠製作

非作商業用途,本檔案版權歸版權持有人獨有

歡迎收看Price Weekly,我們一起看看今個星期最熱門的科技新聞!如果不想錯過我們的新片,就快點Subscribe Price Youtube channel,再按旁邊的鐘。

Samsung在最新的Galaxy Unpacked發佈會中,推出左最強的 Galaxy Notebook 系列。首先出場係可以360度翻轉的Galaxy Book Pro 360,除咗係一部手提電腦,亦都可以變身成為平板電腦,跟機仲有枝S Pen比你畫圖。除此之外,仲有Quick Share功能,可以在不同的Galaxy device之間傳送files,亦可以無線連接的方式,將Galaxy Tab 變成 second screen去用。而機身亦做得相當輕薄,只係得11.5mm厚,重量都只係1.04kg。屏幕就有13.3吋及15.6吋兩個選擇,同樣是Super AMOLED、FHD解像度,以及有VESA Display HDR 500 認證。

規格方面,最高採用第 11 代 Intel Core i7 處理器,搭載Intel Iris X 圖像處理晶片,支援 Wi-Fi 6E 格式。而13.3 吋型號更加支援5G,兩部都搭載最高16GB Ram和1TB儲存空間。售價分別由$11,980和$12,880起跳,13.5吋有霧光藍和霧光銀可以揀,而15.6吋就多咗一隻霧光銅。即日起可以預訂,5 月 14 日正式發售。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

同場仲有兩款無得反芒的 Galaxy 系列Notebook,分別係Galaxy Book Pro 同 Galaxy Book。前者規格同Pro 360 大致一樣,最大分別係機身再輕一啲,同埋多咗霧光粉紅色可以揀。而屏幕就只係用上AMOLED,佢地內置一樣的處理器,而15.6”版本就有埋NVIDIA GeForce MX450 的圖像處理晶片。價錢同 Pro 360 唔算差好遠,13.3” 和 15.6” 型號,分別由$10,280和$12,880起跳。至於規格最低的Galaxy Book,就只係得15.6"一個size,配備FHD PLS屏幕,最高得16GB Ram+512GB Storage,售價由$7,780起跳。

Apple AirTag 剛剛有賣,早過 Apple 出物件追縱器的 Samsung,亦都出左升級版 SmartTag+。佢同 SmartTag 功能大致一樣,都係比你扣喺銀包鎖匙等等的個人物件上,唔見咗嘅時候就可以用個APP搵番。主要分別就係比普通版多左UWB超寬頻技術,配合埋原有的BLE低功耗藍牙,可以有更精準定位。同時加入AR技術,配合 S21、Note20 等指定手機,透過鏡頭就可以睇到失物的大概位置。除此之外,佢更加係一個智能家居搖控器,可以遙距操控不同的IoT裝置,譬如係關電視或者熄燈等等。SmartTag+ 有黑色和牛仔藍色可以揀(單個賣$328),5月14日正式發售。咁究竟佢同Apple的 AirTag有咩分別呢?如果大家有興趣的話,我們遲啲都可以拍一集介紹。

1

1

配備Apple M1處理器的新iMac,剛剛開始接受預訂,5月中下旬先有得攞機。但轉個頭就傳出Apple M2的消息,「日經亞洲」早前引述消息人士話,Apple M2已經喺4月開始投產,預計生產期要大約3個月,即係最快 7 月就有機會見到配備 M2 處理器的 MacBook 登場。出了呢個網上傳聞之後,唔少人都估緊Apple 會唔會喺 6 月舉行的 WWDC 上發表 M2 同新Mac機。不過 Apple 呢幾年都好少喺開發者大會上發表新硬件產品,主力都係講返iOS、iPadOS、MacOS等會有咩升級,相信重點都會集中返去Apple轉用自家晶片後,Mac 機同MacOS 的效能表現會係點樣。所以就算今年 Apple 真係會出第2代處理器,估計都要去到第四季先登場。另外,《iOS14.5》更新已經推出咗,加入 Apple Watch 解鎖 iPhone、5G 雙卡雙待、私隱控制等。想知道新功能啱唔啱用,就記得留意我們的新片。

喺上個禮拜舉行的Apple Event上,就突然推出了紫色的iPhone 12和12 mini。有外國分析師話,呢隻色可能係為咗向Apple 創辦人 Steve Jobs致敬。今年是佢離世第十年,佢曾經就在訪問時透露自己鍾意紫色,而初代的 iPhone都係以Project Purple作為代號。不過亦都有網民覺得Apple 純粹將推動 iPhone 12 的銷情,唔知大家又點睇喇~

1

1

之前報導過《Disney+》將會喺今年登陸香港,不過第2套Marvel 影集都已經播完,都暫時唔覺迪士尼有任何舉動。原來佢哋已經密鑼緊鼓部署緊啦,第一樣要做就係收返散落喺唔同平台播放緊嘅頻道,包括:FOX、衛視、Disney Channel等等。而迪士尼已經宣佈,將會2021 年 10 月 1 日起關閉在亞洲區播放的 18 條頻道,但衛視中文台、衛視電影台、國家地理頻道、國家地理野生頻道就不受影響。呢個舉動相信都係為《Disney+》鋪路,唔知大家又有冇興趣Subscribe 呢?

講開賽車Game,Gran Turismo系列未玩過都應該會聽過,如果你自問係GT高手就要留意啦!因為佢將會係正式奧運項目,距離東京奧運仲有大約70日左右,日前國際奧委會正式宣布舉辦奧運虛擬系列賽 (Olympic Virtual Series)。日期定咗喺5月13日至6月23日,為期大約一個月多啲,亦即係東京奧運會舉行之前認可嘅項目總共有5個。當中就包括香港玩家好熟悉嘅《GT》系列,
成為咗虛擬賽車項目嘅指定電競遊戲,其他4個項目就分別係單車、帆船、賽艇同棒球。除咗賽艇仲未決定用邊隻game之外,其他遊戲就已經確定左。相信大家都好想知點樣先可以參賽,睇返國際奧委會嘅網上公布,又冇提過任何參賽又或者遴選方法。以《GT》為例,唔通要用返Game 內的排名去做選擇?相信國際奧委會都係畀將呢個波,交返畀各地運動組職自行決定。不過如果大家都想做奧運選手或者係世界冠軍,就要練定先喇!

1

1

係4月29日上午,Sony特別為中國地區搞咗一次網上發布會,確定咗 PS5 將會喺內地正式推出,一樣都係有數碼版同光碟版。售價分別係港幣$3,719及$4,678,比起香港版貴至少$500。而中國版的規格、介面都同港版一樣,最大分別應該就係PS Store唔同。而受到內地發行遊戲的限制,中國PS Store 玩到的Game,一係就遲出,一係就唔出。所以唔少中國玩家寧願買返水貨,唔知會唔會令港版PS5更加難搶?

相信大家煮飯之前都一定會洗米,好多人都會將米倒入飯煲內膽洗。不過呢個習慣竟然引起日本網上熱烈討論,日本一個電視台就拍了一個節目,搵咗日本多個電飯煲牌子,包括大家熟悉嘅Panasonic、日立、Tiger、象印、聲寶同三菱電機。佢哋意見都係電飯煲入面嘅塗層已經有足夠保護,一致裁定用嚟洗米都唔會有問題。不過都提醒用家洗米時,最好先檢查唔好有尖銳物件。另外一個大米專家亦都提到,現時磨米技術進步了很多,米入面基本上不會有尖殼,所以都可以放心。不過都補充多句,仲唔放心嘅話可以先用筲箕洗米。估唔到因為洗米引起咁大討論,唔知大家之後會點洗米呢?提一提我哋Price都有唔同嘅電飯煲報價,大家有興趣都可以到下面既link 查詢一下。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

大叔的愛 EP2-浴室之初吻

ViuTV | 娛樂類

https-::www.youtube.com:watch?v=TSJwMZvw

大叔的愛 EP1-驚喜表白

ViuTV | 娛樂類

https-::www.youtube.com:watch?v=TSJwMZvw

調教你MIRROR EP1-調教2.0

ViuTV | 娛樂類

https-::www.youtube.com:watch?v=TSJwMZvw

試映劇場《拖延正是好東西》|試當真

試當真Trial & Error | 劇場類

https-::www.youtube.com:watch?v=TSJwMZvw

試映劇場《爆格爆出橋》|試當真

試當真Trial & Error | 劇場類

0