1

20/3《圍爐取戀》- 我鍾意咗EX嘅兄弟

毛記電視 | 娛樂類 | May 1, 2021

<序幕>

Lilian:點知佢同我話:覺得咁樣好似勾朋友妻咁樣

....

專家Dickson:你點會去完人地屋企樓下之後講完一輪番去再諗架啫?

利君牙:屋企樓下咋喎又冇上去,好君子丫

龍志權:上去就唔君子呀宜家?

-----------------------------------------------------------------------

<正題>

眾:大家好﹗

幕後:上集好多comments呢就話其實個受訪者係Kneta你自己黎架喎

Kneta:唔係囉,點會係我呀,邊度似啫

東方昇:梗係唔係啦,上集果個女仔幾斯文呀

Kneta:咪係囉

東方昇:一個性器官都冇講左黎就知唔係Kneta啦。俾你解釋吓你上集去左邊度呀?落仔?

Kneta:我上...哈哈哈哈哈。我上去修補呢個處女膜,因為我要prepare結婚。係呀

東方昇:你唔舒服果日

Kneta:我唔舒服

東方昇:唔係佢。點呀?今集係咩題目呀?

幕後:咁今日個case呢,就係個女事主鍾意左個ex嘅好朋友喎

東方昇:即係鍾意左個ex嘅兄弟

幕後:好喇,但膽心俾人誤會呀,考慮緊去唔去馬好呀

利君牙:呢D情節應該細個都成日發生

東方昇:成日有啦呢D

利君牙:黎啦黎啦

專家Dickson:我睇到眼濕濕咁

下載檔案

下載檔案

1

1

營運經費相當貧乏,敬請體諒我們投放少量Google Ads!

1

眾:哈哈哈哈哈

利君牙:對唔住,對唔住

Lilian:今日係有邊個架?

東方昇:今日?今日有呀劉德華喺度

眾:哈哈哈哈

Lilian:哦,咁一定係你啦劉德華

東方昇:Lilian,可以講你嘅故事喇

Lilian:咁其實我宜家嘅煩惱就係我鍾意左我ex嘅好朋友,咁我就唔知我應唔應該去馬啦。講明先,其實我就冇出軌嘅。咁我同我個ex呢就係舊年年中分手架喇。果陣我地就成日一齊出去玩、出去見人,咁就好多 common friends 嘅。我同佢個好朋友都係果時識落,大家都係friend黎嘅。後黎呢我同我個ex就散左啦,去到兩個月前,我去我朋友 house warming 度玩,咁我就遇番我ex嘅好朋友,咁大家都好驚訝,就Whatsapp大家:「你又喺度嘅?」「我又喺度喎﹗」

利君牙:展開序幕

Lilian:之後我地就喺度Whatsapp,之後佢又揾我出黎食飯嘅。咁佢又會黎接我收工呀咁樣。大家都單身啦,咁我就諗一諗,其實佢都幾係我果type嘅,無論樣呀定係性格都係啦。咁去到上一個禮拜,佢收工接我番屋企啦,佢就話有D野要喺我屋企樓下同我講,我就以為佢表白

東方昇:嘩...點知佢話冇可能架我地

Lilian:唔係,佢同我話覺得咁樣好對唔住佢個friend,話好似勾朋友妻咁樣

專家Dickson:係咪另一種方式嘅表白黎架?即佢係話俾你聽其實佢係鍾意你嘅,但係有個咁樣嘅情況咁樣

利君牙:想你講「唔緊要架!」

專家Dickson:係喇

東方昇:會唔會呀?

Lilian:咁之後靜左落黎,咁我就諗一諗,其實佢都講得啱

東方昇:咦咁即係你之前冇諗過呢樣野嘅?

Lilian:即係之前一直都好開心冇諗到咁多野

東方昇:咁我想問,你宜家鍾意果個男仔呢同你果個ex有幾friend呢?因為好唔同架我覺得

Lilian:佢地係中學讀同一間學校囉,跟住佢地都好似經常見面

眾:嘩

Lilian:可能一個禮拜都見一兩次

利君牙:一個禮拜見一兩次?!

Kneta:好friend喎

龍志權:咁撠手D喎

專家Dickson:咁咪仲犀利過見女朋友

東方昇:你地宜家幾多歲呢

Lilian:我就廿X歲,咁佢就大我一年咁囉

Kneta:咁都好後生啫,係囉

東方昇:因為喺我地嘅角度呢,我地覺得,叔叔呢我宜家上左年紀呢,我 D friend 一結婚,果D其實以前中學果時根本就係果個鍾意果個,跟住果個同果個一齊,跟住最尾就果個同果個結婚,我地覺得係幾常見嘅係

利君牙:但果時因為中學喎,但果個好細個呀嘛,你地中間拍拖都係拖吓手食吓飯之嘛

Kneta:吓?

東方昇:都唔係架,都有做愛架

眾:哈哈

龍志權:只不過果個年紀令到好似冇乜所謂,咁大家咪玩吓囉 (指住利君牙被發現) Sorry sorry,即...即係咁嘅意思呀

東方昇:喂但係我望番轉頭,其實呢D野係幾常見嘅

Kneta:係囉

東方昇:我都明白你擔憂D乜野嘅,係咪驚果D咩人言可畏呀果D係咪呀

Lilian:係呀係呀,你控制唔到人地把口點講架嘛

東方昇:你最驚人地點講丫?

Lilian:勾朋友妻囉、俾綠帽我個ex戴果D囉

1

1

專家Dickson:隨時有人話揾個關二哥過黎劈你咁呀

東方昇:係呀,即係身邊果D八婆呢,一堆埋一齊就話「唉呀果個同左果個一齊呀,一定果時已經係咩架喇」

龍志權:好細聲講但好大聲笑

利君牙:然後佢一行埋黎你地就全部人一齊咁(掩嘴笑)

Kneta:「呀你黎嗱?」

龍志權:「唔好唔好唔好講~」

專家Dickson:又或者提到一D關鍵字眼,「勾」呀、「二嫂」呀

龍志權:係呀係呀

東方昇:所以其實我地想問你,其實你係最主要係擔心人地嘅目光

Lilian:係呀係呀。咁其實我都覺得自己幾鍾意佢嘅,係擔心人地點講啫

利君牙:咁我想問吓果個男仔有冇諗住做D咩呀

Lilian:個男仔話等佢諗吓先喎,咁大家都靜左落黎,兩日冇Whatsapp過大家喇

Kneta:嗯,都幾理智喎我覺得

利君牙:我覺得果個好男仔呀

Kneta:係呀

專家Dickson:吓?

Lilian:係咪呀?

利君牙:吓你唔認同呀?

專家Dickson:佢應該諗完之後先去人地屋企樓下架嘛,你點會去完人地屋企樓下之後講完一輪再番去再諗架啫?

利君牙:屋企樓下咋喎又冇上去,好君子丫

龍志權:上去就唔君子呀宜家?

利君牙:即係...

專家Dickson:飲杯咖啡又唔得嘅

Kneta:屙個尿又唔得嘅?揸個水!

東方昇:你覺得果個男仔提出呢樣野係真嘅?即唔係話...

Kneta:有第二個企圖?

東方昇:係,唔係有第二個企圖嘅

Lilian:我覺得應該都係真啦,咁我地又冇拖過手、又冇錫過、又冇咩任何親密接觸

東方昇:都係一個好男仔嘅,都係嘅 (同利君牙high five)

專家Dickson:唔係架,天底下冇好男仔架

眾:哈哈

專家Dickson:我嘅說法就係咩呢,即係如果佢夠愛你嘅話呢,其實佢應該係再衝動D同埋再唔理性D先啱嘅。況且你地係清者自清丫嘛

東方昇:或者你聽左佢有呢個concern之後你會唔會覺得「唉佢都唔夠愛我?」

Lilian:咁我又冇喎,覺得即係佢同我個ex咁friend,有呢個問題都係正常嘅。同埋男仔通常都係比較理智架嘛

專家Dickson:喺我個世界入面就係,如果你去理人地點樣講呢,咁係冇一單愛情係可以成功架喇。因為我可以好肯定話俾你聽就係,譬如如果我假設我將每一單嘅愛情,我擺上去網上面,下面都一定有一大堆留言話你架,即係譬如可能點解個咁靚女呀同個咁樣衰嘅咁樣呀

東方昇:即係大家鍾意討論呢D花弗野

專家Dickson:一定有呀

東方昇:最尾你就係覆佢「關你叉事咩?」咁就完左架喇

龍志權:係架

專家Dickson:又或者嗱你假設一個狀況啦,譬如你同左一個男仔一齊,然後你後尾發現原來呢個男仔係你邊一個ex個朋友黎嘅,咁你會唔會同佢分手丫?

Lilian:咁唔會嘅,如果都一齊左嘅話

專家Dickson:咁但係個問題係宜家你地都相愛左啦

Kneta:係囉,即係大家都有feel

專家Dickson:咁你會唔會選擇一齊呢?

1

1

利君牙:唔係,其實我覺得果個男仔宜家諗緊點講啫

龍志權:嗯

利君牙:同埋你係咪都可以同個男仔討論吓

Kneta:係囉

利君牙:講有好多個方法架嘛,點樣講係最舒服

東方昇:係!你話佢冇揾你兩日,其實你地可以一齊討論去解決問題

眾:係

龍志權:因為我驚佢宜家咁樣冇揾兩日啦,咁樣拖吓拖吓呢,唔傾唔傾就冇埋

東方昇:所以話俾我呢,我係個男仔我會點樣做呢?咁我就會同你講:「嗱我愛定你架喇。」不過我諗方法,可能有一個方法係唔好俾人知一齊住,一陣間先。當你make sure左係對方喇

Kneta:secure左

東方昇:咁咪公開囉。最驚係你地一齊左一個禮拜,發覺又唔啱,咁就好尷尬喇,兩頭唔到岸

眾:係

專家Dickson:不過會唔會呢樣野你都決定唔到呀

Lilian:其實宜家個選擇權都唔喺我度囉。試吓同佢傾吓囉,睇吓...即係大家揾個解決方法...

東方昇:你都好被動喎你呢個諗法

專家Dickson:佢呢個諗法本身被動啦,但其實佢個狀況都真係咁被動

利君牙:咁所以呢個時候,如果呀女仔去揾佢嘅話就好似好chur咁

Kneta:又唔係咁喎,我覺得呢應該要同佢講,講左自己嘅諗法,如果佢都係咁諗樣樣嘅話,咁X,食屎啦,唔好一齊喇。咁X煩,你又要鍾意我!

利君牙:人地未一齊你就叫人地分手...

Kneta:唔係呀,好煩丫嘛!咁你要一齊咪一齊囉!唔一齊咪算囉!

龍志權:咩好chur啫宜家,人地兩日冇揾喇,揾吓傾吓係咪好chur呀宜家

利君牙:唔係呀,咁我驚個男仔咁樣覺得呀,我宜家幫緊佢呀

龍志權:宜家打一次電話係咪咁chur呀

東方昇:或者喺你角度你有冇得揀先?如果呢個男仔真係再過多幾日都唔覆你,你有冇咁嘅選擇先,有冇架你?

Lilian:咁都有其他選擇嘅

眾:哦!!!!

龍志權:咁咪解決辦法囉

東方昇:唉,掂喇,啱喇,女人都要自強呀真係!

Kneta:咪就係囉!

東方昇:最緊要有得揀!

龍志權:唔係,但又唔好即刻話,都諗埋宜家呢個先!

Kneta:你傾左先

專家Dickson:你已經抹殺左佢...

Kneta:我覺得你傾左先

專家Dickson:唔係嗱,我覺得你首先send d 無聊野過去試探吓佢睇吓佢覆唔覆你先。嗱如果咁都唔覆呢,就可以叫仆街喇

東方昇:啱呀啱呀

Lilian:好啦,多謝晒你地嘅意見

東方昇:好啦!去馬啦快D

眾:Bye bye!

1

1

---------------------------------------------------------------------------------------

<後記>

東方昇:哇頭先個case引伸左個問題,如果佢地真係一齊左啦,但其實點樣將呢件事公開都真係一個大嘅難題

利君牙:我覺得好簡單,個女仔出個post話,即係講D野,即係唔使特登話俾大家聽「我地一齊左,我沒有出軌」

東方昇:多數果D咪拖住隻手果D,「來生請你多多指教」

Kneta:唔係呀你食飯咁樣樣就加個心心咪得囉

龍志權:即係好純粹食飯po張相果D

Kneta:係呀係呀

利君牙:即係有少少你自己講左先等人地冇得再講呀

東方昇:但其實有時我又覺得唔使向人交代

專家Dickson:我係覺得冇需要嘅

東方昇:因為你果個好明顯咁去post啦,都好似宣洩俾前度睇「我活得比你好呀」

龍志權:所以應該要喺佢出呢個IG相之前個男仔要同個ex傾一傾先

東方昇:嘩,點傾呀!唔好意思~溝左你條女呀!

Kneta:我食左你條菜呀

東方昇:著左你舊鞋都幾舒服喎

專家Dickson:唔係,我個人覺得其實都係要嘅,係需要嘅,係友情嘅尊重黎嘅

東方昇:你又俾咩反應呢

專家Dickson:我成日都俾人知會架啦,我梗係知啦

東方昇:即係你個friend搶左你鍾意嘅人

專家Dickson:即係簡單D黎講譬如你鍾意果個人,咁你個friend係知嘅,但係你個friend自己又鍾意喎,咁佢就想...

東方昇:嗱唔同唔同。你係鍾意之嘛!你唔係拍過拖丫嘛!你鍾意梗係可以搶啦大佬!你唔同嘅

龍志權:比喻啫,比喻啫

利君牙:等等先

龍志權:唔好咁激動

專家Dickson:點解你地兩個突然之間好似教會D人咁樣嘅

東方昇:嗱我地就係果D指指點點果D。係所以其實都係要講嘅,如果唔係就多左班好似我地咁嘅人

利君牙:死八婆喺度講

東方昇:所以其實話愛情其實係兩個人嘅事,呢個係一個好理想嘅講法。當你真係做你要面對好多野

龍志權:我諗唯一一個方法就係,佢地一齊左之後叫個男仔又打番番黎,再問多我地一次點樣處理

東方昇:係!我個好朋友就同左我個ex一齊咁樣

利君牙:咁我地就可以做多集lu~Yeah!

東方昇:你地咪就係呢D八婆囉!千祈唔好咁做呀!去,真係關我地叉事咩!

眾:好啦! Bye bye!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

黑道律師文森佐-第1季第1集

Netflix | 電影類

https-::www.youtube.com:watch?v=TSJwMZvw

磯釣 | 初夏試釣科學園,遇上一群黃立倉

步兵釣魚佬 RCL Fishing | 娛樂類

https-::www.youtube.com:watch?v=TSJwMZvw

帶新手朋友釣魚|您勾南極蝦我勾龍蝦 ~十三斤青班出沒 #香港釣魚

Ar To 啊濤 釣魚頻道 | 娛樂類

https-::www.youtube.com:watch?v=TSJwMZvw

【我一起身發現...#3 🛌】我做咗人哋阿媽|Pomato 小薯茄

Pomato 小薯茄 | 劇場類

https-::www.youtube.com:watch?v=TSJwMZvw

【疑難雜症 🔎】消失的女朋友 🕵🏻|Pomato 小薯茄

Pomato 小薯茄 | 劇場類

0