LG Mobile、Yahoo知識+宣佈結業！Facebook資料外洩你也中招嗎？Sony Xperia 1 III料月中發表｜廣東話【Price Weekly #57 2021年4月】

Price.com.hk 香港格價網 | 科技類 | Apr 11, 2021

此影片謄本由rachel製作

★非作商業用途，本檔案版權歸版權持有人獨有★

非作商業用途，本檔案版權歸版權持有人獨有

歡迎收看Price Weekly。我們一起看看今個星期最熱門的科技新聞。如果不想錯過我們的新片，就記得 Subscribe Price Youtube channel，再按旁邊的鐘。

宜家好多人都會有部 Second Phone 喺手，方便平時處理工作又或者買嚟「粗用」，帶去行山唔小心跌咗，又或者帶去做 GYM 撞壞咗，都無咁「肉赤」。不過，後備機有時都幾難揀。想平平地又有返咁上下功能，但又唔想買二、三線牌子，選擇就真係唔多。其實大家可以考慮試下買「翻新機」，所有翻新機出售前都經過專業處理，確保手機質素。而呢個將舊機回收翻新再賣的方式，既可減少製造電子廢物，亦適合一啲預算有限的用家。喺外國都幾普遍，但暫時在香港就不常見到。而今次同大家介紹 Ola Tech 呢個網站，就正正畀到用家一個安全、可靠的平台去買到「翻新機」。

下載檔案

所有資料非作商業用途，若有內容侵權，請即通知我們移除。

睇返網站所出售的手機，大多來自日本的二手翻新機。好似我手上呢部 Sharp AQUOS R2，係只限日本發售的機款，配備6吋IGZO屏幕，支援HDR顯示同有 120Hz 刷新率，裝到絕對大部分 Android Apps 同 Games，機價唔駛一千，可以話係高性價比手機之選。

至於另一部日本版 Sony Xperia XZ2 Premium，機身仲Keep得好好，亦有全面的多媒體規格，包括4K 屏幕、1900萬像素雙鏡頭、支援High-Res音樂等等，規格功能都未算過時，啱晒對影相、聽歌、睇片有要求的用家，仲要一千蚊左右就可以買到。

上述介紹同埋其他的「翻新機」，都會喺網站產品介紹中，清楚寫明機身狀況，等大家可以買得安心，加上Ola Tech提供一年保養，買嚟做 Second Phone 係一個唔錯的選擇。今次 Ola Tech 仲為 Price 的 Fans，提供專屬優惠碼，可以8折買到網站內的所有 Sharp，Sony 和 Samsung 型號手機，詳情可以睇返下面 description box 的連結，有興趣的朋友就唔好錯過喇。

近日有報導指，Facebook有 5.33 億用戶的個人資料外洩，涉及全球 106 個國家，當中包括近300萬個香港用戶，流出內容包括電話、姓名、生日、個人簡介與 Email 等。如果想知道自己的資料有否外洩，就可以去到以下呢個由 Microsoft 地區總監所開發的網站「Have I been Pwned」檢查一下。如果唔好彩中招的話，你就會見到「Oh no — pwned!」的字樣。網站會提供一啲補救建議，例如係叫你改密碼、用「1Password」這類密碼管理工具，或是啟用雙重驗證。你亦都會睇到自己仲有冇其他資料外洩。

Facebook早前就已經回應事件，指今次的外洩事件其實是2019的舊數據，強調當時已經修復了相關漏洞，只係無法阻止已洩漏的資料在網上傳播，而香港個人資料私隱專員公署已經就事件展開循規審查。

下一單係有關LG的消息。LG日前宣佈將會喺今年 7 月底結束業務，但就冇講明原因，亦都唔知係咪同疫情有關。不過LG就講，到時依然可以在市面買到佢地嘅產品，直到賣完為止。而為咗令到現有用戶唔好咁擔心，LG Mobile更加承諾，支援 Android 11 的電話將會獲得升級，而Android 12 系統升級亦在籌備當中，並且可以繼續獲得保安和穩定性的更新，但暫時就無列明哪些型號和推出的時間表，而且不同國家都會有不同的升級安排，用緊 LG 電話的朋友就要留意喇！講起 LG 唔再出電話，其實佢地都出過唔少受用家歡迎的電話，唔知大家認唔認得，又或者有冇用過以下型號呢？

除此之外，陪伴了大家16年的「Yahoo! 知識+」，亦都即將在 5 月 4 日終止服務，由 4 月 20 日起就已經冇得再問問題。想當年大家都用黎問功課或傾下無聊野，諗番都幾懷念。

跟住就係 Sony 的消息。在今個月(4月)14日，Sony 將會舉行 Xperia 新品發佈會，預計推出 Xperia 1 III 和 Xperia 10 III。有傳 Xperia 1 lll，將會搭載 Snapdragon 888 處理器，採用 6.5 吋的 OLED 螢幕，但未知會唔會支援 120Hz 刷新率。另外最高內置 16+256GB 的容量，有 5000mAh 的大電池，並支援 65W 快充。根據在網上流出的手機殼圖片，Xperia 1 III 的正面與上代幾乎沒有分別，延續了 21：9 螢幕，亦都保留了 3.5mm 耳機插口。主相機仍然都係採用蔡司光學專業技術，不過閃光燈和 ToF 鏡頭就交換咗位，而機身右側好似多咗一粒快捷實體鍵。至於 Sony Xperia 10 III，亦都採用 21：9 螢幕，同樣配備三個鏡頭。有傳將會搭載 Snapdragon 690 處理器，詳細的規格和價錢就要留待Sony公佈喇。

除了手機之外，在發佈會上亦都有機會見到 Sony 最新一代的真無線耳機 WF-1000XM4。消息指 XM4 已經獲得美國聯邦通訊委員會的認證，換言之都好大機會在發佈會亮相。由網上流出的圖片所見，XM4的機身體積比上代縮細，而規格上就支援藍牙 5.2。另外繼續保留主動降噪功能，有6+18小時續航力，並且支援 Sony 獨家的 LDAC 技術，可以透過藍牙支援 Hi-Res 音效。上代XM3獲得一致好評，相信今次的表現都相當令人期待。

平時揸緊車想轉歌的話，又要按電話，非常之唔安全。Spotify為咗令到駕駛人士更加安全，最近就為 Premium 的用戶推出了語音指令的功能。同平時的"喂Siri" 和 "Hey Google” 用法一樣，只要講 "Hey Spotify"，就可以命令佢轉歌、暫停或跳播。但要留意的是，如果想用呢個功能的話，就要長時間開住Spotify的收音咪，擔心比人監聽的話就要諗清楚喇。

用開iPhone、iPad或者Mac機的用家，相信都有試用過佢地的「Find My」功能。對於成日唔知自己部電話放喺邊度的朋友，呢個功能真係幾方便。而 Apple 最近就宣佈，將會開放呢個尋找失物的功能畀第三方產品去用，透過數以億計的 Apple Devices，所組成的「Find My」網絡，只要產品內置藍牙pair過你部手機，就可以搵到佢地大概位置。而呢個尋找失物過程喺完全以匿名，同有點對點加密保護，任何人包括Apple，都無法查看裝置的位置或資訊，保障返用家的私隱。至於首批支援「Find My」功能就有以下產品: VanMoof S3 & X3 電動單車、Chipolo ONE Spot 物品尋找器、Belkin SOUNDFORM Freedom 真無線耳機。為方便用家買到支援「Find My」功能的第三方產品，Apple 會喺審核後，為產品提供「Works with Apple Find My」認證字句，等大家唔好買錯。

Nokia喺4月8號一口氣發佈了 6 部手機。當中規格最高的兩部是 X10 和 X20，屬於中高階定位，配備了 6.67 吋 1,080p 屏幕，採用 Snapdragon 480 5G 處理器，以及蔡司認證四鏡頭，X10最高支援4800萬像素，而X20最高就有6400萬像素。兩部機最高有6＋128GB的容量，定價分別由$2,859 和 $3,229 起，將會在5、6月上市。另外 G系列就以大電量見稱，內置5050mAh電池，加埋Android自家AI的省電技術，官方指最長可以用到3日，大約$1300-$1500左右。至於淨低的C系列就最平，七到八百蚊就有交易。兩部機都配備 6.5" mon，有500萬像素單鏡頭和3000mAh電量。除此之外，Nokia亦都發佈了一款藍牙耳機 Nokia Earbuds Lite，支援 Google Assistant和touch操作，一次充電可以用到6小時，有黑色和藍色可以揀，售價大約是$360，預計 6 月上市。

繼FPV穿越機之後，有傳DJI又再有新機推出。有人在 Twitter 發佈了一段大約長20秒、疑似 DJI Air 2S 的宣傳片，新機配備了支援10-bit color space的 2000萬像素相機，有 1 吋感光元件，比早前傳聞的 1/1.7 吋大。見到機身左前臂有「Air 2S」的字樣，螺旋槳的翼尖就由灰銀色變成黃橙色。傳聞亦都話，新機將會有智能 HDR、Hyperlapse和全景拍攝功能，內置 8GB 儲存空間，最高飛行速度為每秒 19 米，有 3,500mAh 的電量，而機身就重600g。另外今代亦都加入了ADS-B的功能，讓機師或者民航處知道航拍機的存在，避免發生意外。至於發佈日期就有傳係4月15日或4月27日，即係最快下星期就會面世了。