1

拆解3張經典網圖Memes 的出處和起源! 黑人問號、父子吵架、女人指罵貓

皮毛小知識 | 娛樂類 | Apr 4, 2021

此影片謄本由猥瑣製作

★非作商業用途,本檔案版權歸版權持有人獨有★

非作商業用途,本檔案版權歸版權持有人獨有

我諗只要有上網習慣就必定會曾經見過呢D網絡惡搞圖片memes。但大家有冇諗過圖中呢個人究竟係邊個、呢D圖本身又點樣黎架呢?

Hello, 大家好,我係Brian。今次皮毛小知識會同大家一本正經咁樣做無聊野,考究三張我地常用嘅memes嘅出處。如果你係第一次接觸我地嘅Channel, 皮毛小知識主要係介紹由實用甚至係冇用嘅冷知識或流行文化。如果有興趣,不妨訂閱我地。Let’s get started!

下載檔案

下載檔案

1

1

所有資料非作商業用途,若有內容侵權,請即通知我們移除。

1

首先就黎一張比較簡單直接又常用嘅meme 「黑人問號」 “Confused Nick Young”。顧名思義圖入面呢一位仁兄就叫做Nick Young。因為呢張圖本身可以唔洗加文字咁樣直接用,所以「黑人問號」嘅應用層面相當之廣泛,慢慢更加發展成好似emoji咁樣嘅網絡反應圖片。如果你近十年係NBA球迷,相信對呢位仁兄唔會太陌生。佢係前NBA球員Nick Young,曾經效力費城76人、洛杉磯湖人、丹佛金塊、金州勇士等等,更加喺2018年效力勇士嘅時候奪得過一次NBA總冠軍,所以相入面呢一位並唔係一個隨便嘅路人甲乙丙。

至於呢個畫面其實出自Youtube頻道Cassy Athena嘅NBA球星紀錄片,<Thru The Lens>喺2014年7月22號播出嘅其中一集,內容大概係走訪Nick Young平常嘅一日。而呢個畫面就係Nick嘅媽媽[圖2]取笑佢細個時只係個搞笑嘅死𡃁仔嘅時候,Nick所作出嘅即時反應。值得一提呢一張相全無加工,D問號都係條片原來就有。而呢一個畫面第一次被截圖成為meme,係喺2015年7月13日由Twitter用戶@WorldStarFunny所創作。而呢張meme就被衛報評為2015年12大memes之一,更俾外國網民票選為2015年最流行嘅meme。

1

1

跟住呢一張meme相信大家亦都唔會陌生。無論響外國定係香港嘅社交媒體到宜家都仲係非常之常見。張圖大概係兩個男人喺度爭論一D野之後有一個發爛。呢個構圖的確好適合配上唔同對白黎探討各種各樣嘅議題,由政府政策、社會現象、電影情節、八卦野,到一D無厘頭嘅爭論都適合配喺呢張圖上面,而且相當有戲劇張力。

呢張圖正式嘅名就叫做American Chopper Argument。呢5格畫面源自於美國Discovery Channel嘅真人show電視節目American Chopper ,2009年4月9號播出嘅第六季第一集,內容大概係老闆指出員工態度散漫,員工繼而發老脾擲凳。但事實上呢兩個人其實係父子關係,呢一集之後個仔就被炒魷,而呢兩父子之後就更加因為其他爭端告上法庭。

1

1

至於利用呢個畫面截圖成為五格漫畫式嘅meme,最早可以追溯到2011年中後,例如當時仲係相當之流行嘅Tumblr或者討論區Reddit上面嘅貼文。呢個meme往後一直都有流傳,但真正嘅爆紅就要去到2018年,Twitter用戶@_ericcurtain就利用呢一張圖結合左另一張meme “All Women Are Queens”去創作,並得到左47,000個likes同14,000個retweets。至於呢個meme到目前為止仲衍生左好多唔同嘅變種,例如從唔同嘅影視作品cap出差唔多構圖嘅畫面,再拼湊成同呢個American Chopper相似嘅脈絡。例如就有呢一張新世紀福音戰士真治同明日香嘅版本。

最後呢一張 “Woman yelling at a cat” ,我姑且翻譯成「女人指罵貓」。呢個係近年另一張極速爆紅嘅meme。首先呢一張圖係由兩張完全冇關係嘅相片組合而黎,而呢兩張圖原本都係兩張獨立嘅meme。先講左邊嘅呢一個woman。相入面呢一位情緒激動嘅女士叫做Taylor Armstrong,而後面拉住佢果位就叫做Kyle Richards。呢個畫面係出自美國真人show “The Real Housewives of Beverly Hills” [圖6],大概可以譯成為<真。比華利山闊太>,喺2011年12月5日播出嘅第二季第14集。一如大部分美式真人show,節目務求挑動所有參與者嘅情緒。當時Taylor情緒失控指罵緊另一位參與者Camille Grammer。至於Taylor指罵最早嘅cap圖,相信係出自於英國每日郵報喺節目播出第二日嘅報道。喺memes呢個網絡文化仲未流行嘅時後,呢個畫面曾經以gif圖嘅形式流行過一段時間。

1

1

而右邊嘅貓,坐喺餐枱上面一臉疑惑咁望住前面嘅一碟菜,原圖係由Tumblr用戶 deadbeforedeath 喺2018年6月19號上載嘅貓相。原post嘅題目為 “he no like vegetals” 「佢唔鍾意菜」。呢個post得到相當之好嘅反應,喺頭一年已經得到50,300個likes同reblogs,之後直到2019年5月1號Twitter用戶 @MISSINGEGIRL將兩張圖二合為一,tweet上面嘅文字就寫住 “These photos together is making me lose it” 。「女人指罵貓」嘅原圖正式誕生。雖然呢個account只係得九百幾個followers,但呢條tweet就得到左258,400個likes同73,100個retweets。而第一個正式配上文字嘅meme,就喺第二日5月2號被正式創做出黎[圖7],往後仲衍生出大量嘅二次創作作品,例如有呢D[圖8,9,10]。

另外呢一隻白貓因為「女人指罵貓」而再度爆紅之後,白貓就喺2019年5月27號開設左獨立嘅Instagram帳號,目前有140萬個followers。如果你都鍾意上網睇吓D貓相,不妨去一去睇吓,但我個人就認為呢一隻白貓並唔係特別得意。

好喇今日條片就黎到呢度,喺沉鬱嘅社會氣氛之下有時想正經咁做一D無聊野。如果大家唔介意,我下次再同各位拆解其他經典網圖。如果大家仲想知道邊一張memes嘅出處,請喺下面留言話俾我知。或者知道某一D經典網圖嘅故事都請喺下面留言同大家分享。希望你鍾意呢條片,如果你覺得條片都OK,就請你撳一吓like, share出去,訂閱呢個頻道同時撳埋個鐘仔。多謝你嘅收睇,下次再為你帶黎另外嘅皮毛小知識。拜拜!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

其他最新謄本

https-::www.youtube.com:watch?v=TSJwMZvw

晚吹:又要威又要戴頭盔—武館中學學生(II)

ViuTV | 娛樂類

https-::www.youtube.com:watch?v=TSJwMZvw

【ISIS視角】比塔利班更極端,阿爾蓋達的孖生兄弟|10分鐘認識ISIS

mingjai14 | 時政類

https-::www.youtube.com:watch?v=TSJwMZvw

心靈雞湯還是毒雞湯? 史上第一本成功學都說了些什麼? 《思考致富聖經》

啾啾鞋 | 哲學類

https-::www.youtube.com:watch?v=TSJwMZvw

《破曉傳奇》買之前 10件你需要知道的事情【皮卡10件事】

遊戲皮卡嚕 PikaLu | 娛樂類

https-::www.youtube.com:watch?v=TSJwMZvw

超越史太林的毛澤東!|紅太陽毛主席上位之路!|簡述中蘇之前的愛恨情仇,誰更技高一籌?|

Stormtrooper白兵 | 歷史類

0