1

Apple發佈會延至4月舉行?Netflix不能再共享帳號?FaceApp製超強「照騙」 呀叔變美女?【Price Weekly #54 2021年3月】

Price.com.hk 香港格價網 | 科技類 | Mar 23, 2021

此影片謄本由S製作

歡迎收看Price Weekly,我們一起看看今個星期最熱門的科技新聞。Samsung今個星期一口氣發表3部A系列中價機,分別係 A52 4G 同 5G 版及 A72 5G版,當中只有 A52 5G 會喺香港上市。呢部機主打年輕用家的市場,賣相走簡約的路線,有黑、白、紫同粉藍色,具備IP67 防水防塵規格。硬件方面就配備Qualcomm 750G 八核心處理器,有8+256GB 內置容量,支援最高1TB 外置microSD卡,主相機就用上標準、超廣角、景深、微距的4鏡頭組合。而屏幕就採用 6.5吋Infinity-O FHD+ Super AMOLED,提供高達120Hz的熒幕更新率以及 4,500mAh 大電池,無論外形定硬件規格上都唔算好差。

新機在3月24日正式開賣,官方定價係$3,998,睇落價錢又唔算係好中價,睇返 Price 的報價A52 比起旗艦級的 S21平$1000 多點,價位跟定位係「輕旗艦」的 S20 FE 一樣,都唔算太貴。不過對比起市面其他中價 5G 手機,例如同廠的 A32、 A42 5G又或者其他手機Realme 7、Mi 10T、Oppo Reno5 5G,A52 就貴咗成千幾蚊,不過睇返同廠兩部 A32 同 A42 的價格走勢,相信 A52 仍有跌價的空間,有興趣的朋友不妨忍一忍手。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

下一單要講就係Intel 正式公佈第 11 代 Core 桌面處理器,呢款代號叫Rocket Lake-S的新一代處理器,雖然繼續用返 14nm 製程,但內部核心經過大幅改良並升級至 Cypress Cove 架構,亦支援第四代 PCI同 DDR4-3200 記憶體,顯示核心亦換上 Intel Xe 架構。售價方面,旗艦 8 核心 i9 定價為 US539 (約HK$4,185),中階 i7 最平版本售價由 US298 起跳 (約HK$2,314),至於最平的 i5 售價由 US182 起 (約HK$1,413)。

Intel 近年被 AMD 窮追不捨,加上 Apple 去年推出自家 M1 晶片,唔少人都替 Intel 擔心。不過 Intel 似乎驚都未驚過,最近仲搵咗喺 Apple 經典廣告《Get a Mac》裡面飾演Mac 的 Justin Long拍咗5條叫「Justin Gets Real 」的廣告,其中一條片就講Justin 喺檯上面見到好多部 PC,跟住佢就講咗句「Oh yeah, Intel」( 噢,耶 ! Intel ! ),然後佢行過少少見到新的 Mac 機就講咗一句「So these are the newer Macs?」(這就是新的Mac? ),「(yeah)」 (是的),「OK, so... gray and grayer」 (好的,就是灰和更...灰),表示 Mac 真係愈來愈灰。

而喺另一條片裡面Justin 同一位用 PC 打緊機的人聊天「And do we have a Mac gamer?」( 有人用Mac打機的嗎? ),「No one really games on a Mac」 ( 無人會用Mac來打機 ),都幾有「挑機」的味道。

1

1

之前有傳Apple會喺3月23日舉行新機發佈會,不過科技分析師 Jon Prosser最近就話收到消息Apple 決定將春季發佈會 延至4月舉行。而網上亦有唔少討論區轉述咗DigiTimes的消息,話配備 mini-LED 的 12.9 吋 iPad Pro要等到今年第二季先正式開賣,時間上同另一單由網友發現新iPad Pro 11吋 2021 保護殼要等到 4月6日先有得買的日子都幾吻合。另外亦有人喺Twitter 上載咗一張聲稱係新一代 Apple Pencil 的相片,見到新筆外形同上代差唔多,但就用上更大的筆尖,除左外形稍微改變之外唔知道功能上會唔會新的突破呢?

Sony 喺PS4 時已經推出 VR 控制器、遊戲來到機能更勁的 PS5,當然要出一個操控更全面的配件。在毫無預告之下,Sony 發表了佢地新一代 VR 控制器。呢個好似一對拳套的人體工學設計手掣,戴上手之後操控更加自然、平衡,再加埋類似 DualSense 的震動效果,可以提升觸覺同回饋的感覺。另外亦加入指觸偵測功能,可以感應到手指放喺控制器上。睇落外形、功能都幾吸引,不過推出日期、價錢同埋有咩新Game相信都要等到下年先知道。

1

1

另一單同 Sony 有關的就係佢地發表左新一支G Master 鏡頭FE 50mm F1.2 GM,係首支配備 F1.2 超大光圈同 Sony 第 60 支 E Mount 鏡頭,重量只是有 778g。中央至邊緣都保持極高的銳利度,另外具備抗鬼影眩光同色散控制能力。外國有試完呢支鏡的影友都話,比起另一支 50mm F1.4ZA 蔡司鏡頭有更好的畫質。呢支鏡售價為HK$16,990,由即日起公開預售,4月中正式上市。唔知各位 Sony相機用家又會唔會課金呢?

Netflix同一時間最多可以比4個裝置共用,所以不少人都會share同一個帳號。不過在新規定之下只有同住的的人先可以共享一個account。最近唔少用戶都被要求透過電話或電郵驗證身份,才可以繼續使用平台服務,但暫時仍然是測試階段,未知日後會唔會廣泛實施。Netflix發言人回應的時候話有關測試的目的是確保觀看人士真的獲授權使用帳戶,而事實上我哋睇番資料,Netflix 的確係有明文規定:「不得分享予家庭成員以外的人士」,但對於點樣判斷使用者係咪一齊住就未有確實的方案。

1

1

最後同大家分享一單科技趣聞,唔知大家有冇曾經比照騙呃過?日本一個網絡紅人就靠Face App 改頭換面,呃哂全世界。呢個靚女鐵騎士因為甜美的面孔而爆紅,佢經常都會在Twitter分享自拍,但卻從不透露年齡,亦沒有人看過她真身。直到最近一次「P圖」穿崩,比人見到鏡入面嘅佢成個男人咁,於是大家都開始對佢嘅樣貌起疑心。佢就決定在一個綜藝節目上公開自己的真面目,點知原來真相仲恐怖過P圖。一除低頭盔,先發現佢係一個 50 歲的大叔,連主持人都比佢嚇親。佢話自從P圖之後就開始人氣急升,搞到不能自拔。有網民知道真相之後就話不再相信世界,亦都有人即刻down個app落黎玩。而家Face App就已經登上了香港App Store免費熱門App排行榜。即係之後都會有更多「照騙」流出,大家記得小心啲喇!

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

周冠威(3):(中英) 若恐懼可傳染,希望勇氣也可以傳染開去;秘拍《時代革命》於康城首映,紀錄反送中憂歷史被扭曲;恐懼未到不自我審查 ;信念是冒險、毋懼、自由|2021年7月16日 | 珍言真語 梁珍

珍言真語 | 時政類

https-::www.youtube.com:watch?v=TSJwMZvw

立場調查報道長片|7.21 尋源

Stand News 立場新聞 | 時政類

https-::www.youtube.com:watch?v=TSJwMZvw

邊一個發明了返工?邊一份工最陰公?(同場加映:老闆語錄應對心得)|格物冷知識|格物致知

格物 Blank in Blank | 歷史類

https-::www.youtube.com:watch?v=TSJwMZvw

伊朗政府推婚友app救生育!年輕人為何不婚、不生 還得靠「臨時婚姻」解套?【TODAY 看世界】

TODAY 看世界 | 時政類

https-::www.youtube.com:watch?v=TSJwMZvw

奔走24年踏遍40萬公里 找回親生兒子 感人的背後 中國拐賣兒童到底多嚴重?【TODAY 看世界】

TODAY 看世界 | 時政類

0