1
iPhone 12 Mini即將停產！？巴士都有得用Apple Pay．《FF XIV》PS5 Beta 4月有得玩！ | 廣東話【Price Weekly #49 2021年2月】
Price.com.hk 香港格價網 | 科技類 | Mar 13, 2021
此影片謄本由燕子生命製作
★非作商業用途，本檔案版權歸版權持有人獨有★
今日係大年初一，先祝大家新年快樂、身體健康！今年大家都可能留在家 沒有到處拜年，將呢條Price Weekly send比親朋戚友一齊睇就啱哂喇。我哋每個星期都會總結一下當週最hit同最爆的科技新聞。幫大家緊貼Gadget潮流。
Samsung 趕喺新年前推出旗下第一部 5G Notebook—「Galaxy Book Flex2」。呢部機早喺去年9月已經發佈，一直等到而家先正式喺香港開賣。同上代一樣 採用 2-in-1 設計，既係一部Notebook，又可以將屏幕翻轉180度變成平板。規格上 除咗支援Sub-6GHz 5G外，亦配備第11代Intel Core i7 處理器，有16GB LPDDR4 RAM、512GB PCIe 4.0 SSD和Intel Iris XE 影像晶片等等。有齊 USB C、HDMI、Wi-Fi 6 等最新連接，仲有 AKG 雙喇叭、無線充電功能嘅觸控板、1,300像素相機和720p視像鏡頭，以及指紋感應器等等。而屏幕就採用 13.3 吋 QLED 顯示器。跟機會有一支 S-Pen，功能配置都幾豐富。至於售價方面，5G 版銀色的「Galaxy Book Flex2」 定價 $16,480，即日起有得買。另外 呢部機仲有黑色機身的 WiFi 版，有兩個 Size 分別是13.3吋和15.6吋，售價由 $13,480起，2月中至尾才上市。
下載檔案
下載檔案
1
1
所有資料非作商業用途，若有內容侵權，請即通知我們移除。
1
同場Samsung 亦都推出另一款，主打輕身便攜嘅「Galaxy Book Ion2」。規格同「Flex2」 差唔多，只是沒有S-Pen 同反芒設計。機身最輕只有970g，採用窄邊框QLED屏幕，屏佔比高達87％，有13.3 吋同15,6 吋版本可以揀。即日起上市 售價為$10,880起。
而家電子支付越來越方便，好多人出街連錢都唔帶。繼港鐵之後 ，九巴亦都開始引入了epayment。由即日起，九巴旗下 39 條巴士路線都加入了「e度嘟」系統，乘客就可以用PayWave 感應式信用卡、電話、手錶和掃 QR Code 的方式比車錢。39 條的九巴路線，主要行經尖沙咀和青沙公路轉車站，有部份係假日的路線，暫時有500架巴士試行。九巴會陸續在車頭位置加設「e度嘟」標誌，等乘客見到時可以提早準備。另外同八達通一樣，轉車的時候要用番同一個支付的方法，先會享有轉乘優惠。而電子支付的收費器就會預設為成人票價，12 歲以下小童和 65 歲或以上長者，就要自己按鍵轉價錢先有半價，而且亦都會冇咗政府的補貼，即係冇咗$2優惠，大家在選擇支付方式的時候就要留意番喇。
1
1
下一單就同iPhone 12有關，唔知大家或者身邊的朋友有冇人用iPhone 12 mini？我自己就冇喇。最近有分析師估計呢部機將會在今年第二季暫時停產，可能是 Apple 史上最短命的機型。當初推出呢呢部細機時，大家都抱好大期望，但冇諗到最後反應竟然咁冷淡。根據之前的數據，iPhone 12 mini 是 iPhone 12 全系列中，銷情最差的一款，全球銷量中只是佔6%。而 iPhone SE 和 iPhone 11 則在去年第三季，佔整體 iPhone 銷量的一半以上，好明顯就係因為iPhone 12 Mini 價錢唔夠吸引。
跟住我地講下Gaming，長青遊戲系列《Final Fantasy》由紅白機年代開始，一直去到 PC、PS同Xbox都有FF嘅蹤跡，係陪住唔少人成長嘅經典遊戲。嚟到而家 PS5 年代，當然要畀大家繼續 FF 喇。遊戲商日前宣佈將會推出《Final Fantasy XIV》嘅PS5重製版，遊戲會有4K畫質，並會針對PS5平台作出調校，4月13日就有 Beta 公測版畀大家試玩。至於本身買咗PS4版《FF 14》嘅朋友，遊戲商亦好照顧你地嘅感受，講明唔駛課金就可以免費玩到 PS5 版，但前提係你要買到 PS5 。另外今年秋季亦會推出《FF14》新的 Endwalker 擴充包，加入新的職業同地圖，可以升呢去到最高90級，唔知大家有冇即刻想買番部PS5喇。
1
1
上兩個星期同大家介紹過Sony Alpha 1 全片幅無反相機，我地Price早前亦都受到Sony邀請，去咗試下呢部全能旗艦。先同大家講返香港版售價係 HK$49,990，由即日起去到 2 月 28 日公開預售，預計3月2日可以拎機。想知呢部機的詳細功能同規格，可以睇番第47集的Price Weekly介紹。而我地今次就畀大家集中睇下試相同試片，分別試咗機械快門閃光燈連拍、30fps 高速連拍、鳥類實時眼睛自動對焦、同埋 8K 30p 影片，大家覺得效果係點呢？
下一單講下小米剛發佈的高階旗艦機Mi 11，新機採用Qualcomm Snapdragon 888，並配備一億800萬像素的鏡頭，有8+128GB和8+256GB兩個版本，售價為749 (約HK $6,982) 歐元及 799 歐元 (HK$7,449)。機身採用四曲面設計和玻璃機背，有6.81 吋 3200 x 1440 10 bit 色域屏幕，支援 120 Hz 更新率，有午夜灰和天際藍兩隻顏色。除了1.08億像素的廣角鏡，仲有1,300萬像素超廣角，和500萬像素長焦微距鏡頭，而前置鏡頭就有2,000萬像素。另外支援HDR10+錄影，並配備Harman Kardon 專業調音雙喇叭。而效能方面 ，除了配備5nm製程、八核心設計的SD 888處理器之外，亦用上最新的LiquidCool散熱技術，內置4600mAh電池，支援無線充電。跟機會送一個55W的充電器，但暫時未知香港幾時有得買。
隨住曲屏技術越來越成熟，各大電話品牌都開始研發摺芒電話。近日就有外媒報導指 Google 已經申請了兩項摺機設計專利，估計會是Google Pixel 系列，有齊左右摺同上下摺兩個design，但係有別於Samsung 摺芒機的隱藏式鉸位設計，Google的摺機設計打開之後 轉軸會凸起又或者凹入去。至於屏幕方面，文件入面就冇提及會有額外強化。據聞 Google 去年7月份已經獲得呢兩項專利，相信新機仍在研發階段，不知大家又點睇呢兩個設計呢。
1
1
有傳Oneplus將會同著名相機品牌Hasselblad哈蘇合作，推出一部內置 Tlit-Shift 移軸鏡拍攝功能的電話 OnePlus 9 Pro，可以修正透視變形。根據網上流出的照片，新機會採用 3120 X 1440 的雙曲面屏幕，支援 120Hz 刷新率，並且配備四個鏡頭 有 3.3X 遠攝。多咗移軸鏡拍攝功能之後，拍攝一啲直線的主體 好似係高樓大廈就可以避免變形的情況，估計都花了不少時間研發。至於售價和發佈的日期都仲未有消息。
跟住介紹一款有 RGB 燈效的 dock，講緊嘅就是Razer 的 Thunderbolt 4 Dock Chroma。機身採用全黑色設計，底部會透出燈光，低調得來亦十分搶眼，可以用《Synapse》呢個軟件來調節顏色，但mac機的朋友暫時未有得下載。而接口方面，正面有一個提供最多 90W 供電的USB-C Thunderbolt 4、一個 UHS-II SD 讀卡機和一個 3.5mm 耳機插頭，有 40Gbps 的數據傳輸速度。而背面就有三個 USB-C Thunderbolt 4、一個LAN port同三個 USB-A 3.2 Gen 2 插頭。另外支援單芒 8K@30Hz或雙mon 4K@60Hz 輸出。Razer 的官方已經開放預售，售價為 US$330 約HK$2,550，都真係幾貴下。
今集 Price Weekly 差唔多，最後提提大家，由即日起去到2月28號，大家在Price網購買任何產品滿$700，再以DBS信用卡簽帳，就即時有一扣即享「HK$100」優惠，每位主要持卡人喺推廣期內可享2次$700減$100優惠。想知道優惠詳情，快啲Click去下面description box的連結。
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
滅蟲公司騙走全港市民70億，背後原來有五個高人在背後操作，他們是誰？｜奇案調查
解密工作室 | 懸疑類
每天七千萬人造訪「美版PTT」申請上市 Reddit創辦人回鍋搞收費 引爆關版潮？ 騰訊成大股東將會影響言論自由？【TODAY 看世界｜小發明
TODAY 看世界 | 時政類
輝達市值從1兆到2兆只花8個月！「皮衣刀客」黃仁勳如何走向成功？遊走在美中貿易戰無懼制裁？【TODAY 看世界｜人物放大鏡】
TODAY 看世界 | 時政類
開名怒斥無知低智商親戚！🤬新年流流係人地門口寫個X字？😱一人一個拜年之匪夷所思
機動電視台RTV | 娛樂類
#PSY｜困擾源於盲點？認知行為治療 CBT！心理治療百科（一）｜#五分鐘心理學
樹洞香港 TreeholeHK | 心理類
0