1

香港人花48億買水助養大陸省市 水源有動物遺體及雌激素:「呢個係政治水!」品水師月花$500就唔使飲東江水

果籽 | 時政類 | Mar 13, 2021

此影片謄本由燕子生命製作

「對任何一個地方而言,water is sovereignty,水是主權。當一個地方連水也控制不了的話,根本上你就是被人牽制着。」為甚麼香港買水是特別貴的呢,還要被反過來說「沒有東江水,香港不行了。應斷香港的水讓香港人聽話。」老實說我們也真的要說清楚,水不是免費給我們的,是以天價賣給我們的。因此統包總額是欺騙香港人的食水大騙局。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

#脫北第一步 再見東江水
「我成日都覺得自來水係有一陣自來水嘅味,哈哈」

Andy於2017年在德國考得品水師資格,現時是全香港最年輕的品水師。

「呢個應該係蒸餾水,跟住我覺得呢個比較似自來水。」

「有啲品水師會去人地屋企試水先知道原來佢地嘅水當中嘅金屬含量比較高,從而先發現到佢地屋企人有啲健康問題原來係因為佢地嘅水。我媽媽同我家姐本身有水腫嘅問題,夜晚飲完水第二日發現會好水腫。轉飲礦泉水之後個問題改善咗好多。我唔知係咪真係同礦泉水有直接嘅關係啦,但飲完之後明顯好咗。而家我屋企已經無煲水嘅習慣,好多時都係買玻璃樽嘅水或者礦泉水返屋企。返工我都會自己帶水。大概$500-$600一個月啦。」

1

1

「呢兩款係我平日會係香港買嚟飲嘅水,超市同便利店都有得賣。兩隻都係外國嘅礦泉水,控制得比較好。係香港買到嘅水差唔多都係最高鈣含量。多鈣質嘅水口感會乾一啲,而鎂會有澀澀地甜甜地嘅感覺,鈉就會有種咸咸地嘅感覺」
「其實係外國佢地每日飲緊嘅已經係水源最好嘅自來水,都會另外買礦泉水。佢地係唔會飲自來水只會用嚟洗碗。通常佢地會擺4-5箱水係屋企,但可惜呢個概念係香港並唔流行。

可能對很多人來說,每天只喝礦泉水又貴又不環保。可是,現時我們每天飲用的水又是怎樣的水呢?
「有啲橡皮嘅充氣水壩擋住石馬河嘅污染物,都聽到有時有河流氾濫嘅情況出現,將啲污水流返去東江令到有大腸桿菌超標。」

黃碧雲於2017年向立法會提出去東江流域做考察。

1

1

「第一站呢我地係會去東江水最接近源頭嘅地方,嗰個河源叫萬綠湖,一個好大嘅集水區。目測呢就好乾淨嘅。但放水出嚟見到去到惠州嘅時候岸邊就見到有啲污水從渠口流入東江,落到嚟就差唔多到東莞架啦。東江水嘅取水口然後嚟到香港再處理。東莞都係世界工廠,你無論做玩具又好做傢俬又好皮革都好啦,其實都有好多污染成份。

「由河源一直流到落嚟香港呢成段應該有6-7成無上蓋,其實都幾多污染物甚至係動物死屍﹑垃圾等等。亦都有啲環保團體研究過係香港水塘收集嘅水越近東江嘅木湖抽水站其實係會越多污染同雌激素。」

東江水經輸水管道分別送往大欖涌水塘﹑大埔頭抽水站﹑船灣淡水湖及萬宜水庫,然後輸往濾水廠過濾消毒。抽水機會將水輸送到不同的地點和高度的配水庫,利用水向低流的原理透過水管輸送到不同大廈。

「大家都會問住喺邊一區會飲東江水飲得比較多或者少呢? 個貼士其實就係距離北邊越遠飲東江水嘅比例就會越少。但係北區嚟講,粉嶺上水嘅地區就基本上係直接將東江水抽到北區濾水廠,所以北區嘅居民基本上係純飲東江水嘅。係香港南區,由於被各個水糖稀釋就會比較溝稀咗。如果大家只係想飲水塘嘅水呢得幾個地方:大澳﹑梅窩﹑赤柱呢啲地方。」

1

1

香港的天然水資源要靠降雨,但受季節影響並不穩定。於六十年代時則發生過旱災以致連續九個月沒有下過一滴雨,全港的水塘存水僅夠43天食用令到政府要實施制水。此後港英政府與廣東省達成協議,以輔助性質購買東江水。惟後來中國的供水量逐年增加,到今天已佔香港人每日食水量近八成。

「每年廣東供應8.2億立方米嘅東江水嚟香港,我地用一個統包總額嘅方式,無論我地用幾多水,即係我地可能只用8億﹑7億或者6.5億都好,我地比嘅錢都要比足8.2億立方米嘅錢。係2008年我地只係用咗6.53億立方米嘅水,嗰一年我地足足比多咗5億。咁即係話每年都比多幾億,10年我地就比多咗幾十億。」

「因為而家我地每年用緊48億去買東江水,係貴過所有內地省市嘅價格。所以其實而家東江水基本上係一個騙局,就唔好講到係一個恩賜。嗰間供水嘅公司三分一嘅收入其實係嚟自供香港嘅東江水,咁換然之賣水量或者售水價少咗嗰間公司嘅股價就會下跌。如果斷水嘅話,佢地自己都會受害。」

「其實你都知好多大陸上市公司都係政府有份擁有,係香港買水養緊部份大陸嘅省市。」

2006年香港人使用了25億購買東江水,直至2019年的今天已是48億。於十多年間漲價近一倍,每立方米連同運輸及濾水成本約$9.5,價錢其實已逼近海水化淡技術每立方米$12的價錢。按現時的場趨勢,有學者預計到2023年東江水將會貴過海水化淡造水。其實早在港英政府時期於屯門就設有樂安排海水化淡廠,但在37年前因成本太高而關閉。

「平均海水化淡廠200億一間,其實1000億的高鐵已經可以起到5間。政府話得就得架啦。5間海水化淡廠大約已經可以提高10-15%香港人食水嘅自給自足率,所以其實係好抵嘅。以政府起高鐵嘅決心: 死都要起,拆穿都要起,千億都要起,其實係事在人為架姐。」

其實於2013年政府已經計劃於將軍澳興建海水化淡廠,亦已向立法會通過撥款,本來預計2022年之前可以建成,惟工程至今仍然未動工。

「新加坡從馬來西亞獨立出嚟,係呢個過程入面佢地係長期依賴馬來西亞嘅供水。但到佢地走向獨立嘅過程其實係好有意識咁定咗一個計劃:係20年內唔再買馬來西亞嘅水,我地要本地自給自足。佢地都成日講東江供水從中國嘅角度而言呢個係一個政治水,經濟水,民生水。政治水就係香港係中國嘅一部份,咁供應食水落嚟比香港對佢地嚟講係一個政治正確嘅做法。其實我地係咪應該有啲危機意識,即係萬一中央政府因為任何原因例如經濟原因,民生原因或者係政治原因從而突然間改變佢嘅政策,減少供應或者係將個價格拉到好高,咁我地到時會有啲咩應變措施呢?」

「香港嘅用水量其實係高過好多亞洲其他區嘅城市,10%-20%不等。而家因為東江水佔七成嘅食水量,如果香港人係夠節省用水其實已經可以降低到六成,再加埋海水化淡同埋擴建部份水塘,就已經可以各居其半。如果以5-10年為目標呢,其實香港人已經達到咗半港人港水。

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

《花姐ERROR遊》EP6-Julia的挑戰

ViuTV | 娛樂類

https-::www.youtube.com:watch?v=TSJwMZvw

《花姐ERROR遊》EP5-黐線邊爐

ViuTV | 娛樂類

https-::www.youtube.com:watch?v=TSJwMZvw

《喱騷-尋找他媽的故事》第1季第4集

喱騷 | 娛樂類

https-::www.youtube.com:watch?v=TSJwMZvw

【挑戰】在旺角玩不准做挑戰!情侶互相陷害!對不起害到你!

arhoTV | 娛樂類

https-::www.youtube.com:watch?v=TSJwMZvw

【挑戰】女友摸過的全都買!一摸即買挑戰!最後會破產嗎?!

arhoTV | 娛樂類

0