1

[白兵號外]泛民初選被秋後算帳!|解構大搜捕的可能原因|搜捕背後竟遺漏一關鍵人物!?

Stormtrooper白兵 | 時政類 | Mar 13, 2021

此影片謄本由燕子生命製作

今日就係1月6號相信大家都知係咩事㗎喇,警方拘捕咗53名發起/曾經參與去年民主派初選人士指佢哋涉嫌覆國家政權,違反《港區國安法》第22條,包括有份發起初選嘅港大法律學院、前副教授戴耀廷。李家超同李桂華交代案件時都多次強調係因為戴耀廷去年4月發表嘅《真攬炒十步這是香港宿命》呢篇文章,警方出動約一千名警員在多處搜捕持法庭手令搜查72處地方包括律師樓、香港民意研究計劃辦公室等,警方向四間傳媒機構送達物料提交令索取與案件有關資料,據了解包括《壹傳媒》、《蘋果日報》、《立場新聞》及《獨立媒體》,民主動力司庫、美籍律師關尚義亦被捕,關尚義在中環律師樓被帶走時手持柺杖,被記者問到有甚麼對香港人講嘅時候佢就講,要為民主及人權努力。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

其實《國安法》早喺2020年7月1號正式生效,林鄭、港澳辦、中聯辦都有出聲明譴責講到明泛民初選會違反《國安法》,而當時戴妖話政府指初選可能違反《國安法》開始已經幫助推動緊初選,既然初選會違反《國安法》,點解投票當日中共無執法?事隔半年先黎追究?政治打壓就一定架喇,初選係真正原因,定會唔會只係個名目?同埋點解係而家呢?首先我地知道,中共咁樣大抓捕會有咩後果先,對中共嚟講嘅正面影響,就係肅清香港反對勢力,產生寒蟬效應,令到喺香港嘅反對聲音越來越少,但係反面影響係可能加速外國制裁、加快香港人移民,唔健全嘅政治環境,外國投者會卻步,甚至撤資,但係中共而家做合唔合理呢?

1

1

首先高調大抓捕係一定有計劃嘅,中共喺香港開無雙,其中一個原因係佢地確信拜登上台,即使而家被制裁,拜登上台之後都可以解除,況且而家美國咁亂,呢個亦都會係中共趁住美國自顧不瑕而亂黎,所以中共會趁而家呢個時機加強清算嘅程度。第二問題點解係呢53位人士?無論李家超、李桂華定係張崑陽佢地都強調係因為戴耀庭嘅攬炒十步曲,所以用煽動及顛覆國家政權嘅名義將有關泛民初選嘅相關人士逮捕,但係你知我知單眼佬都知,戴耀庭嘅攬炒十步曲比科幻小說更加科幻,佢嘅十步曲,行完第一步就完左,點解呢首先,佢嘅第二步就係贏到35席以上嘅立法會議席,想知有無可能35+就睇返我哋呢條片。第二,政府延遲左立法會選舉直接委任返原有嘅立法會議員,所以佢嘅計劃由頭到尾都係天方夜譚對港共政權毫無殺傷力,然後,中共用《國安法》,搞掂終審法院強行取消黎智英嘅保釋,三權合作嘅最後一塊拼圖都已經確認,然後發覺所謂國際關注或者相對應嘅制裁無預期中咁猛烈,甚至係靜咗落嚟,趁美國內部局勢不穩,就對其佢嘅政治人物進行清算,睇緊呢條片嘅朋友,無論有無喺初選投票,相信都會好擔心喺初選投票嘅嗰61萬選民會唔會被中共清算,呢方面就要睇泛民有無將初選投票嘅選民資料洩漏出去。

1

1

至於近日美國先喺紐約交易所曾公告稱將依據美國總統特朗普喺11月簽署嘅行政令啟動對中國電信、中國移動同中國聯通三家電信業務運營商嘅摘牌程序,因為特朗普總統行政令係禁止美國人投資於「由中國軍方擁有或控制嘅企業」然後紐約證券交易所出人意料地宣佈,停止不到一星期前所做出嘅三家中國電信運營商除牌嘅程序,然後再喺今日重新考慮除牌,再到到今日特朗普在簽署行政命令制裁中共八間公司禁止與八個中國軟體應用程序進行交易,包括螞蟻集團旗下嘅支付平台支付寶以及騰訊嘅微信支付,我哋唔能夠直接推論同今次嘅大搜捕有無關,因為佢哋嘅情報機關收取情報嘅時間會俾我哋平民收得早好多,所以唔會知係制裁先,定係大搜捕先。話雖如此,現時中國和美國都是你來我往,美國制裁中共,中共就會用香港來反制,所以今次泛民被大搜捕無論同美國嘅制裁定係中共內部對權力嘅掌控,都係環環相扣。

1

1

從表面上睇,泛民初選大搜捕嘅呢件事呢去到呢度就已經分析完,但係當中有一個好關鍵核心人物似乎都一直置身事外,而佢呢就係香港離地中產嘅最愛有沈國師之稱嘅國際關係大師,沈旭暉,如果戴耀廷佢哋係違反《港區國安法》中「顛覆國家政權罪」,沈旭暉就係跣晒佢哋一鑊嘅始作俑者,喺2020年嘅2月25號當日嘅民間記者會沈旭暉以學者之名,提出搶攻立法會功能組別35+嘅進攻藍圖,最終目標係喺特首選委過半然後選個黃絲特首,再廢除功能組別,佢有提過,如果成功於議會取得過半議席就可以進佔立法會事務委員會主席之位行使否決權,癱瘓政府,值得一試,又提出「制度內部顛覆」爭取普選,佢認為若北京拒絕接受「泛黃特首」就極大機會面對國際制裁、街頭抗爭升溫、政治危機、集體移民撤資等問題,佢評估北京平衡利害關係,未必會「反枱」所以,戴耀廷嘅攬炒十步曲以及製造財政懸崖去增加政府嘅管治成本從而迫使政府答應五大訴求呢啲後續發展都係建基於沈國師嘅35+藍圖。

事到如今如果我地純粹誅心論咁去分析沈國師唔係對佢完全公平,但係肯定佢當日對35+嘅構想、推論、同埋對中共嘅估計,可以話係同佢頻道個名一樣:堅離地球,其實之前王百羽同沈旭暉子公司前董事涉嫌詐騙被捕一案,沈旭暉已經避過一劫今次泛民初選大搜捕,沈旭暉再次幸免於難,究竟係佢真係同泛民嘅初選一啲關係都無定係有其佢神秘原因可以令到佢獨善其身呢?十七世紀英國詩人多恩曾經講過:今日佢可以秋後算帳將所有泛民初選嘅相關人士一網打盡,會唔會更加任意妄為,以言入罪,將所有同35+又或者吹捧過泛民初選嘅時事評論或者KOL都用《國安法》拘捕呢?

身處亂世,大家要識得好好保護自己,影片嚟到最後,引用無神論者巴別塔嘅文章「雖然我反對初選,亦認為呢班飯民多年黎只識爭取道德光環、喺民主抗爭上面一事無成,但唔代表共慘黨拉佢地就係啱,今日拉得呢班最出名嘅,最終有日都會拉到我呢啲唔出名嘅,喺呢日黎到之前,我都只係會繼續講自己相信嘅嘢,呢個就係我唯一堅守嘅底線」

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

《花姐ERROR遊》EP6-Julia的挑戰

ViuTV | 娛樂類

https-::www.youtube.com:watch?v=TSJwMZvw

《花姐ERROR遊》EP5-黐線邊爐

ViuTV | 娛樂類

https-::www.youtube.com:watch?v=TSJwMZvw

《喱騷-尋找他媽的故事》第1季第4集

喱騷 | 娛樂類

https-::www.youtube.com:watch?v=TSJwMZvw

【挑戰】在旺角玩不准做挑戰!情侶互相陷害!對不起害到你!

arhoTV | 娛樂類

https-::www.youtube.com:watch?v=TSJwMZvw

【挑戰】女友摸過的全都買!一摸即買挑戰!最後會破產嗎?!

arhoTV | 娛樂類

0