1
[懶人包]一場瘟疫,一個投票系統,足以顛覆美國二百多年歷史的民主制度!|中共王岐山、美國深層國家聯手阻止特朗普連任?|詳細解構背後操作與陰謀!世上最強大的國家是如何被操控總統大選
Stormtrooper白兵 | 時政類 | Dec 25, 2020
Hello 大家好, 我係白兵.
今個禮拜, 我哋繼續講美國嘅嘢,不過同上幾個星期唔同,我哋今條片會講返同美國總統大選有關嘅主題.今次美國大選舞弊其中一個關鍵:Dominion Voting System。美國嘅科技領先全球, 仲可以上太空, 但係勢估唔到總統大選竟然搞到同第三世界國家一樣咁不堪,其中最大嘅原因就係關呢個投票系統事。Dominion 背後究竟係咩勢力 ? 佢又點樣操控選舉結果呢 ? 點解上次大選好似正正常常, 今次又搞到咁大鑊呢 ?係咪又關深層國家事 ? 同武漢肺炎又有無關係 ? 中共又有無喺背後操縱住呢 ?跟住落嚟, 我哋會為大家一一拆解。
1
1
營運經費相當貧乏,敬請體諒我們投放少量Google Ads!
1
首先, 我哋講下 Dominion 嘅前世今生先,喺今年 11 月, 美國總統大選點票仲進行得如火如荼嘅時候,密西根州共和黨主席 Laura Cox喺 11 月 6 日嘅記者會上表示, 喺 Antrim Country 發新計票軟件錯誤,誤將原本投畀共和黨嘅六千幾票畀咗民主黨,拜登同民主黨參議員後選人都被錯誤計入數千張選票,而呢個計票軟件就係 Dominion Voting System,同時亦都係 Dominion 呢間公司第一次現身於大眾眼前。密西根州 83 個郡入面有 47 個郡都係用緊呢個計票軟件,全美國至少有 30 個州份有使用緊同一套系統,幾乎喺主要搖擺州入面, 都有唔同嘅郡同縣使用緊,大眾因此對選舉結果產生質疑。
之後前空軍總部第 3 號人物, 將軍 Thomas McInerney喺班農嘅節目中提到兩個重點:Hammer 同埋 Scorecard。Hammer 係信號情報系統, 源自於國家安全局 (NSA)奧巴馬政府時期, 中情局 (CIA) 接手咗呢套系統,喺入面加入咗一個叫計分卡 Scorecard 嘅應用程式,呢個計分卡可以喺投票過程中瞬間改變候選人嘅票數。Thomas 表示, 前總統奧巴馬喺 2012 年選舉入面於佛羅裡達州使用過呢個系統,而民主黨初選中, 拜登亦都係用呢個系統擊敗咗桑德斯,所以奧巴馬同拜登都好熟識呢個系統。Thomas 仲話, 呢套系統非常複雜, 而且非常具威力,不過係用於對付其它國家嘅CIA 拎走之後就開始將佢應用於美國人民, 咁係非法嘅。尤其奧巴馬結束任期後, 呢套系統又畀 CIA 攞走咗,但即使攞走咗, 我哋都知道佢仍然運作緊,而且早就為介入選舉做好準備, 喺需要時改選投票結果。
軍事律師 Sidney Powell其後都確認呢兩個系統都有喺今屆大選中使用。同時透露, Hammer 係一個超級電腦,而 Scorecard 係同佢配合嘅應用程式。兩者合作可以實時從網絡提取投票數據,運用演算法計算預計候選人落後幾多票,然後改變候選人嘅票數。Hammer 同 Scorecard 喺一開始曝光嘅時候,好多主流媒體、左媒都衝出嚟話係 fake news,又話要 fact check 佢。但係之後喺 11 月尾, Sidney Powell 喺起訴佐治亞洲區嘅訴訟中援引咗一位重量級人物嘅證詞,為證實選舉欺詐提供咗難以辯駁嘅證據。呢位證人就係被《紐約時報》譽為「最聰明嘅人」網絡安全專家 Dr. Navid Keshavarz-Nia,早喺兩個半月之後, 傳統左媒《紐約時報》喺一篇有關大型欺詐案嘅長文中, 介紹咗呢位天才人物,文章話佢唔單止天資過人,並且喺網絡詐騙嘅偵查同分析方面有著非凡嘅學術同實踐技能,喺喬治亞洲訴嘅頌案入面, Navid 係咁樣說明佢嘅資歷 :佢話佢除咗係...Navid 對外嘅正式職稱係網絡安全工程師,佢可能比任何美國人都更瞭解網絡安全。而佢喺份證詞入面第一個重點就話,美國前空軍中將 Thomas McInerney曾經披露嘅軟件, 包括 Hammer 同 Scorecard 係真實存在,而唔係好似民主黨人所宣稱嘅「騙局」,兩者都係用嚟操縱選舉結果,份證詞仲講咗好多選舉舞弊嘅證據。我哋會喺會員後續精華再同大家分享。
喺度再講多份證詞嘅兩個重點:(1) Dominion 使用咗中國嘅零件:有理由相信中共、委內瑞拉、古巴, 干預咗今次美國大選。(2) Hammer 同 Scorecard 實施了網絡攻擊:喺各戰場州份篡改選票,然後將結果轉發到德國法蘭克福嘅 Scytl 服務器,以避免被發現。提到德國法蘭克福, 就不得不提又係美國前空軍中將 Thomas McInerney 嘅爆料,喺 11 月 28 日「WVW Broadcasting Network」電話訪問咗 Thomas,Thomas 表示, 外號「海怪」(Kraken) 嘅美軍「第 305 軍事情報營」發現今年美國大選有 6 個搖擺州曾透過網絡傳送投票相關資訊到西班牙,再傳入法蘭克福嘅一個「伺服器農場」,並且有人透過呢個伺服器農場遙控整場美國大選,之後先有後續嘅美軍到法蘭克福去拎呢啲伺服器。Thomas 透露, 執行任務嘅可能係美軍三角洲特種部隊,行動中有五名士兵,同一名從阿富汗調過嚟嘅中情局準軍事人員死亡。當時特種部隊襲擊嘅係中情局喺法蘭克福嘅一個據點,而呢個「伺服器農場」就係剛剛提到 Scytl 服務器。
同埋 CIA 喺海外伺服器嘅所在地,而呢啲伺服器已經落喺軍方手中,簡單講即係選舉舞弊嘅細節, 已經喺特朗普手上。事有湊巧, 喺 11 月 19 日晚, Dominion 公司負責人喺最後一分鐘取消出席賓州嘅衆議院聽證會。11 月 20 日, 又有消息顯示, 盛傳同 Antifa 有密切聯絡、Dominion 公司主管 Eric Coomer 去向不明,該總部原本同索羅斯企業共用辦公地點,同埋喺丹佛嘅美國總部也突然關閉搬離,佢哋百多位員工將自己嘅名從 LinkedIn 上刪除。會唔會係因為佢哋知道自己嘅陰謀即將要東窗事發而提早走佬呢 ?特朗普近日又話黎緊有大事發生, 大家可以期待吓。講到嚟呢度,大家應該明白 Sidney Powell 成日講嘅Release the Kraken 係點解喇。選舉舞弊嘅證據, 大家喺屋企食住花生等睇好戲就 okay 喇。
1
1
跟住落嚟我哋就一齊探討下 Dominion 背後係咩勢力。一切都從 2008 年奧巴馬入主白宮開始,前索羅斯加拿大基金會僱員,關注選舉公正同時亦都係技術專家。Dana Simpson 對 Dominion 公司做咗多年調查,發現喺 2009 年, 美國當時最大嘅投票機生產公司 ES & S收購咗市場第二大公司 Premier,但係 ES & S 新嘅擁有權仲未超過一年。2010 年 3 月, 司法部與 ES & S 達成一個和解協議,入面規定咗佢除咗要喺 60 日內賣咗 Premier 公司,仲要接受新買家必須得到司法部批准。之後ES & S 將公司賣咗畀從來無涉足美國市場嘅加拿大公司。而當時 Dominion 一鼓作氣,又喺一個月內, 吞併埋當時美國第三大投票機公司 Sequoia。
幾個月內, Dominion 公司就由零,變成佔有美國投票機市場 3~4 成份額,除咗發現司法部幫助加拿大公司 Dominon 喺美國落腳之外,Simpson 仲發現作為奧巴馬副總統嘅拜登喺同一時間亦都忙緊同一件事。Simpson 喺 2020 年 11 月《National File》嘅一篇調查文章中話,拜登喺 2009 年 5 月訪問塞爾維亞係為咗親自招募嗰度嘅電腦黑客,為控制日後 Dominon 嘅軟件設計而用。Dominon 公司嘅網站入面,塞爾維亞被標註為該公司嘅分公司所在地,巧合嘅係, Dominon 公司有幾百個員工,入面有為數不少都係塞爾維亞人。由此可見, Dominion 可以話係奧巴馬一手帶佢入美國。
咁然後我哋就問喇,咩人, 或者咩公司擁有 Dominion 呢 ?咁就要由 2009 年講起,2009 年 6 月 9 日, Staple Street Capital 註冊成立,呢一間係唔起眼嘅私募股權基金公司,從公開信息中只能睇到創辦人、管理人員同董事會嘅人員姓名,但無任何該公司嘅財務信息。兩個創辦人分別係 Stephen D. Owens同 Hootan Yaghoobzadeh,董事會主席係 William E. Kennard。首先, 呢三人幾乎都係喺同一個時期任職於全球頂尖嘅私募基金,凱雷集團從 1987 年成立後,控制公司嘅主要人員都係布殊家族嘅人,即係前美國總統喬治布殊,以及曾經喺布殊父子政府時期任過嘅幕僚人員。另外, 金融大鱷索羅斯喺 90 年代中期成為凱雷嘅有限責任合夥人後,凱雷融資就通過前國防部長 Frank Carlucci拎到美國軍方 200 億美元嘅軍火合同,凱雷就令到布殊家族從此成為世界巨富。2009 年,Stephen 和 William 同時離開凱雷集團,佢哋當時嘅頭銜都是常務董事。Stephen 同前凱雷同事 Hootan 創辦咗 Staple Street Capital,而 William 出任董事會主席。
1
1
William 喺克林頓擔任總統時期係一個重要人物,喺 1997~2001 年擔任聯邦通訊委員會嘅主席,掌管美國嘅傳媒同通訊。除此之外,佢仲喺奧巴馬時期被任命為駐歐盟大使一直到 2013 年,同埋亦都係奧巴馬時期嘅時任國務卿 John Kerry 嘅顧問團隊成員之一。簡單講, Staple Street Capital 嘅核心成員,都同克林頓、喬治布殊、奧巴馬, 呢三位美國總統關係十分良好,甚至係核心人物, 尤其係 William。之後 Staple Street Capital 就喺 2018 年 7 月 16 日收購咗 Dominion 公司。2020 年 11 月 7 日, 即係大選之後第四日,AT & T 通訊公司宣布 William 係新任董事會主席,AT & T 唔單止壟斷美國通訊市場, 仲通過併購華納兄弟公司,而間接控制其旗下嘅 CNN 同無數個電視廣播媒體。而 CNN 係有幾反特朗普, 相信大家都有目共睹,華爾街唔起眼嘅 Staple Street Capital同龐大嘅 AT & T 似乎無乜關係,但佢哋都有一個相同嘅核心人物 William E. Kennard,佢係從喬治布殊時代到民主黨總統克林頓、奧巴馬時期都受到重用嘅人物,佢同時掌控著決定選舉結果嘅投票機公司 Dominion,又喺選舉後出任影響美國輿論的 AT & T 話事人。咁樣嘅佈局, 睇嚟就唔係巧合。
去到呢度, 要問個重要嘅問題:Staple Street Capital 背後金主係邊個 ?2019 年 12 月, 三位民主黨參議員同一位眾議員,聯名致信 Staple Street Capital 創辦人 Stephen同董事會主席 William,要求佢哋公開 Dominion 真實控股同投資組合,其實私募基金嘅性質決定咗佢哋嘅資本來源同投資方向都係唔透明,所以 Staple Street Capital 嘅創辦人同埋董事從未公開過佢哋嘅資金來源,亦都無透露收購 Dominion 嘅金額。但係從 2009 年成立到 2020 年期間,美國證券交易委員會存檔記錄中,呢間公司僅有兩筆投資, 並且全部來自瑞銀證券,瑞銀證券畀 Staple Street Capital 第一次注入資金嘅時間係 2014 年 12 月 19 日,金額係兩億美元。第二次投入資金嘅時間, 就係喺今次大選前唔夠一個月,美國證券交易委員會記錄顯示係 10 月 8 日,投資金額係 4 億美元。由此可見, 瑞銀證券似乎係 Staple Street Capital 嘅唯一東主。咁瑞銀證券係邊個㗎呢 ?據瑞銀證券中文網站介紹, 「瑞銀證券」係 2006 年底註冊成立,係中國首家外商投資,且由外商擁有獨家管理權嘅全執照證券公司,瑞銀證券嘅成立是由時任北京市長王岐山,同時任總理溫家寶拍板決定嘅。
1
1
2006 年 6 月 26 日,時任北京市長王岐山會見到訪嘅瑞銀集團董事長Marcel Ospel,王岐山決定引進外資管理結構,以瑞銀證券取代王岐山間虧損嘅北京證券,瑞銀集團成為首家喺中共獲得全證經營嘅外資銀行。簡單講, 瑞銀集團其實係中共嘅公司,畀瑞銀集團少少股份, 其實就為咗用「瑞銀」呢個名,瑞銀其實都知道中共嘅目的。但為搶佔中國市場, 通常佢哋願意配合中共要求,甚至允許所有董事局嘅高管人員都係中共嘅人,而股權分佈, 就係瑞士銀行有限公司持股 24.99%,其餘 75.01% 都係由中共國企黨企所持有。喺度做個小總結,Dominion 嘅母公司, 叫 Staple Street Capital,呢間公司嘅創辦人同埋董事會主席都係喺布殊家族同索羅斯合資過嘅凱雷集團做過,之後就出嚟開咗 Staple Street Capital,其中董事會主席 William就係克林頓時期同奧巴馬時期都身居要職,同時 Dominion 又喺奧巴馬協助底下用咗幾個月就打入美國投票機市場,然後 2018 年賣咗畀 Staple Street Capital。而 Staple Street Capital 嘅母公司就係由王歧山親手養大嘅瑞銀證券,當中有 75.01% 股權都是由中共黨企所持有。咁你話, 今次美國大選, 中共有無喺後面操控 ?
影片嚟到最後,Dominion 固然係今次選舉舞弊嘅核心,密歇根州法官下令對 Antrim County 選舉機器進行法醫檢查,並禁止銷毀與 2020 年選舉有關嘅證據,Antrim County 亦即係特朗普嘅六千張選票轉比拜登嘅地方。另外,現今最年輕 Marysville 市議員 Aaron J. Carpenter 再爆料,Dominion 電腦被充公後, 進行科學分析,發現軟件嘅演算法會自動將特朗普嘅選票 -13 %,而拜登嘅選票就會 +13 %。嚟到呢度, 大家唔能夠忽視另一個重點,就係即使將特朗普嘅票喺軟件入面轉走,但係當重新點票, 甚至人手點票嘅時候, 就會出問題,所以除咗要將特朗普嘅票銷毀,最重要係要有拜登嘅偽造選票加入。
近日有紅三代爆料,話佢喺廣東省嘅工廠, 月產 50 萬張美國選票,同時又有死人投票, 老人院投票等等,當中都有一個共通點, 就係全部都係郵寄投票。而今年之所以有咁多郵寄選票, 全因為武漢肺炎帶黎嘅後果,武漢肺炎係咪中國放出黎, 大家心中有數,咁美國民主黨又有無份參與呢 ?2019 年 10 月, 一般大眾都未知有武漢肺炎嘅時候,拜登已經發推文預警瘟疫,並且指控特朗普政府無防護瘟疫嘅準備,估唔到拜登咁有先見之明。2020 年 10 月拜登再發推文, 話無論你哋選邊個,我都將會係你哋嘅總統, 而我太太將會係總統夫人,當時大家都恥笑拜登嘅太太係咪要改嫁特朗普。當然, 可能當時拜登都係串下嘴㗎啫,但係拜登之後再受訪,表明 “我們已經建立了最廣大而完整的選舉舞弊”:”We have put together, I think, the most,extensive and inclusive voter fraud,organization in the history of American politics“嚟到呢度,大家覺得 (美國) 民主黨有無同中共夾份放武漢肺炎 ?
1

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!
立即登記成為筆友啦!話俾在囚手足知我哋無忘記佢!
其他最新謄本
0