1

[懶人包]美國選情曝光「大重構」計劃-疫情加速跨國大財團+中共聯手支配地球|Cyberpunk成為事實!人類命運面臨最終決擇!

Stormtrooper白兵 | 時政類 | Mar 13, 2021

此影片謄本由燕子生命製作

Hello 大家好, 我係白兵. 2020 年嚟到年尾, 多謝大家一直以嚟嘅包容同支持.嚟緊兩個星期, 我會講一個比較重要嘅 Topic, 就係近嚟越嚟越多人講嘅大重構, 同埋大覺醒.今日我哋會先講吓, 咩係大重構.

喺度我哋認一認叻先, 其實係 2019 年年尾, 我哋搞第一次見面會嘅時候, 當時總計都有幾百人嚟聽,嗰陣已經有講過大重構成個概念,不過當時都只能夠從陰謀論嘅層面分享.但係喺今年武漢肺炎全球大爆發之後,好多牛鬼蛇神都現曬形,大重構呢樣野突然變得越嚟越真實,而呢個計劃可以話係已經執行到尾聲, 咁究竟咩係大重構 ? 我哋會唔會係呢個大重構之後被犧牲, 定係只能夠維持開心快樂嘅表象, 虛無咁生活落去呢 ?

下載檔案

下載檔案

1

1

營運經費相當貧乏,敬請體諒我們投放少量Google Ads!

1

最近有隻大受歡迎嘅遊戲, 叫《Cyberpunk 2077》. 放心, 我唔係賣廣告, 亦都戒打機好多年,當然主要係因為無時間啦,為咗令大家更加清晰理解咩係大重構, 藉住近排 Cyberpunk 嘅熱潮,先同大家介紹一下咩係 Cyberpunk. Cyberpunk 發源自 1960 到 1970 年間嘅新浪潮科幻, 嚴肅討論未來世界於人類嘅悲劇性影響, 同時批評科技進步與大企業壟斷之後, 將有可能造成嘅社會問題, 亦都係 Cyberpunk 最核心嘅命題:極高端科技與極低端生活水平,「 High Tech, Low Life」嘅文明形態.Cyberpunk 嘅 Cyber 意思係科技 (Cybernetics), Punk同 Punk 呢種音樂類型嘅意思相近, 都係具有顛覆性、叛逆性以及無政府主義, 代表住社會嘅問題、低下階層、被壓迫嘅一群. Cyberpunk 所描述嘅未來社會唔係一個因為科技而受惠嘅美好未來. 相反, Cyberpunk 係一個科技高度發展, 但人性卻遭到極度擠壓, 反烏托邦嘅灰黯世界. 喺呢個時候, 政府幾乎毫無實權, 只能任由超級跨國大企業掌控所有科技與資金, 強大到唔只壟斷所有資源, 仲會無處不在地以大數據掌控人類. 於是, 由於政府嘅愚蠢同怯懦, 世界唔再係以國家為單位, 極端懸殊嘅貧富差距所帶來嘅社會矛盾, 廣大窮困嘅普羅大眾, 軟弱無力地對抗富可敵國嘅少數企業精英. 喺呢個後工業嘅反烏托邦入面, 會充斥住駭客、人工智慧、機器人、生物改造人、基因改造人、或者生物複合仿生人等等.喺英文小說中, 最典型嘅 Cyberpunk 就係 Philip K. Dick, 喺1968 年出版嘅《仿生人會夢見電子羊嗎 ?》, 亦即係之後喺 1982 年由 Ridley Scott 改編為電影《Blade Runner》, 書以及電影都係 Cyberpunk 嘅經典. 日本嘅 Cyberpunk 始於大友克洋喺 1984 年始刊嘅《阿基拉》, 1988 年改編為同名電影.

另外, 不得不提 1984 年出版, William Gibson 嘅《神經喚術士》、《Neuromancer》進一步確立 Cyberpunk 呢種世界觀,此書亦被稱為「Cyberpunk 聖經」。我哋網頁會員同 Patreon 都有分享過呢本書,今次就用呢本書嚟做例子。作者係美國裔加拿大人 時代背景係 1984 年正值美蘇冷戰時期,世界大戰隨時一觸即發嘅不安,引發作家無數靈感。亦係 Cyberpunk 呢類題材開始大規模發酵,美國站係自由民主嘅一方, 實行資本主義, 當時嘅社會都討論:究竟共產主義好定資本主義好呢 ?如果將現時制度推向極致, 會產生咩結果呢?作者就運用佢嘅想像力,寫咗呢一本將資本主義推到極致嘅「Cyberpunk 聖經」出嚟。其實人類喺發展唔同嘅科技、訂立唔同嘅制度,無論係資本主義定共產主義, 初衷必然係想創造「烏托邦」。但係最終, 可能因為人性嘅關係, 都會變成反烏托邦,亦即係走向最唔理想嘅極端惡劣社會。共產主義有幾恐怖, 大家睇吓而家嘅中共同北韓就知,或者睇吓 George Orwell 嘅《1984》。咁資本主義又係咪真係咁好呢 ?好多好出名嘅 Cyberpunk 作品, 例如《 攻殼機動隊》、《 Matrix》、近年嘅《 Alita: Battle Angel》、《 Ready Player One》入面都有提到, Cyberpunk 嘅社會往往由極權統治、體制腐敗、貪污猖獗、社會階級同貧富懸殊問題嚴重,喺某啲作品中, 政府嘅位置已經被巨型跨國企業取代。佢哋往往隱藏著陰謀, 有啲作品保留政治領袖,但往往隱而不見、毫不重要, 或者只作財團嘅傀儡。喺大多數 Cyberpunk 世界嘅設定之中, 已經無所謂嘅政治,只剩下管治嘅社會, 甚至變成警察國家。科技係為人類而設, 但係人類越係與科技連結, 反而越易被主宰。科技無孔不入地監控我哋嘅生活,政府可以透過身份辨認搵出被認定為「罪犯」嘅人,有權之人能夠以科技隨意判罪, 低下階層被壓迫得幾乎無處可逃,人性變得一文不值。

1

1

講咗咁耐 Cyberpunk, 係咪覺得好熟悉呢 ?無錯, 其實同而家嘅世界, 尤其香港係非常相似。今年 10 月,深水埗區有個以 Cyberpunk 為主題嘅「數碼龐克號」展覽及工作坊,選址通州街天橋底臨時街市。為咗開展覽, 通州街天橋底露宿者被趕絕,當時我一聽到呢個新聞嘅第一個反應就係 : 「嘩, 有無咁 cyberpunk 呀。」

香港係其中一個最貧富懸殊嘅城市,而深水埗就係香港最窮嘅地方,露宿者就係被社會壓迫嘅一群。之後極權政府、跨國企業就將呢一班人無情咁輾壓,香港又有地產霸權, 又有中共高壓管治,跨國公司又有唔同嘅金融機構,生活層面上又有 Facebook、Google 呢啲跨國科技巨頭,鬧中共又話犯國安法,講吓特朗普又要畀你事實查核兼刪 post,鬧吓拜登同講選舉舞弊又話要畀 YouTube del 片,嚟緊又有智能燈柱監控, 又全民檢測拎你 DNA 加健康碼,加埋華為 5G, 華大基因又大規模收集緊人類基因圖譜,習近平喺 11 月尾,仲話期望更多國家參與建立健康碼國際互認機制㖭。

早前英國《太陽報》引述專家, 透露中共可能正在對士兵進行基因改造,令佢哋成為超級部隊, 喺戰場上受傷後無痛覺。英國國防智囊「皇家聯合研究所」(RUSI) 亦為此提出警告,話基因改造嘅士兵, 喺戰場上能比對手更大、更強, 甚至無痛覺,喺戰場上受傷後恢復得更快,夜間亦都有更好嘅夜視能力同聽覺。另外, 曾經喺 2018 年就舉報華大基因「偽高科技忽悠欺詐涉嫌賄賂官員、大規模套騙國有資產」嘅王德明,喺今年 12 月 8 日再次實名曝光華大基因「定制人類」嘅野心,稱華大基因至少基因編輯咗 58 個嬰兒。以上嘅事例已經話咗畀大家聽,Cyberpunk 已經唔係小說題材咁簡單,而係好可能喺不知不覺之間, 滲透大家嘅生活之中。

1

1

講咗咁耐 Cyberpunk, 同大重構又有咩關係呢 ?喺今年 10 月 25 日, 天主教前任駐美國大主教卡洛·瑪麗亞·維格諾,寫咗一封公開信畀特朗普,入面大概提到 :其實當初疫情喺武漢爆發嘅時候, 我哋好多人都恐懼呢個疫情,世界各地嘅人強烈建議政府, 應該立刻禁止嚟自中國嘅航班。喺美國, 特朗普喺 1 月 31 日宣佈禁止曾經喺過去兩周前往過中國嘅外籍旅客入境美國,此措施喺 2 月 2 日起生效,但民主黨一再反對,佩洛西仲喺 2 月到訪三藩市唐人街,呼籲公眾到唐人街消費,當時世衛仲建議唔應該禁止中國航班㖭。但係之後民主黨州分封城, 餐廳、健身室、教會乜都閂,直接衝擊經濟同就業, 甚至影響心理健康。

特朗普總統一再要求復工復課, 要恢復經濟,但民主黨又會執行違背常理嘅措施,佢哋唔同意復工, 要求民眾匿喺家裡, 唔准聚會。甚至喺紐約, 民眾從外州進入紐約市, 需要提交隔離申報表、隔離 14 日, 或者提供近期病毒檢測嘅陰性證明,設置強制追蹤站點, 警察還會通過暗訪等形式進行執法,違規者會被強制隔離, 重複違規者會被罰款至少 1000 美元。紐約市民為咗假日出行, 正在排隊檢疫,民主黨用大政府處置疫情嘅手法, 係咪好似中共呢 ?最搞笑嘅係,佩洛西喺疫情禁令期間, 違規去咗本應閂咗門嘅理髮店,加州州長 Gavin Newsom 同醫學協會嘅專家一齊制定居家令,但係佢就同醫學協會嘅專家喺一個華麗嘅法國餐廳共進晚餐,既不戴口罩, 亦無保持社交距離。芝加哥市長 Laurie Lightfoot可以一邊參加支持拜登嘅街頭派對,一邊對其他人發號施令要求佢哋留喺屋企。民主黨州分 BLM 同 Antifa 就可以喺街示威,但係就唔畀人開鋪頭做生意。

最恐怖嘅係, 喺全球爆發疫情以嚟,Amazon 利潤增長咗 100%、Walmart 利潤增長咗 80%、Target 利潤增長咗 80%、Lowe’s 利潤增長咗 74%,微軟、臉書、蘋果、谷歌股票創歷史新高。另一方面, 小型企業 21% 倒閉, 收入下降 30%。因為疫情封鎖,令呢啲科技巨頭嘅老闆, 個人財富增加咗數百億美元,但小企業就損失咗超過二千億美元。今次疫情可以話係將現實完美導向 Cyberpunk 入面嘅跨國大財團,佢哋進一步控制各國, 政客變成傀儡, 人民變成奴隸。民主、自由逐漸消失,政府、跨國大財團決定每一個人嘅生活、工作、 家庭、出行, 甚至生死,由佢哋嚟決定每一個企業, 同每一間餐館酒店嘅經營開關;由佢哋嚟決定每一個國家係封城封關, 定係開放發展;由佢哋嚟決定宗教集會人數, 同家庭婚宴人數、社交人數。政府將會幫你做所有決定, 你而家應該做啲咩,你可以做啲咩, 唔可以做啲咩,甚至佢哋會話你聽, 你唔應該用咩性愛姿勢。

1

1

唔好笑呀, 多倫多巿府公布疫情下性行為新指引,包括如何喺睡房內減少病毒傳播,新指引中一個較明顯嘅方法, 係選擇毋須面對面接觸嘅性行為方式:即係「老漢」取代「傳教士」。然後, 有好多人會麻木地認為, 咁係為咗人民嘅生命安全,咁樣係政府對人民嘅關愛, 然後麻木地遵守。然後你會發現, 呢啲跨國大財團同中共係一樣,都係獨裁, 都係極權,無論共產主義所產生嘅極權政府, 定係資本主義產生嘅跨國大財團,最終結果都係一樣。全世界都開始以中共模式來管理人民,疫情使世界各國政府將測溫、檢測、健康碼、疫苗,一個個強加喺人民身上,而呢種將自由人類變成奴隸囚徒嘅極權管控方式已蔓延到全世界。比爾·蓋茨大讚中共嘅強制隔離同大數據監控防疫措施,佢自己亦正喺度研發緊微晶片,疫苗喺接種疫苗嘅同時, 將生物微晶片植入人體內,你會認為呢啲高科技係造福人類咩 ?

五年前,比爾·蓋茨喺 TED 演講 :未來幾十年殺死上千萬人嘅, 將會係具有高度傳染性嘅病毒。2020 年 3 月,比爾·蓋茨申請咗植入人體嘅微晶片專利,計劃將微晶片、疫苗、雲端計算、生物特徵等集成一體化數據。終有一日, 政府話你聽, 疫情嚴重威脅到我哋嘅國家同人民,我哋必須通過強制手段, 為每個人接種微晶片疫苗。唔接種嘅人將會無得入學、求職、就醫,你到時仲會唔會覺得無所謂呢 ?

大重構唔係一種虛無嘅政治口號, 而係實實在在嘅目標,通過某種災難, 達到少數人控制多數人嘅一個計劃。呢類少數人就係我哋提到嘅全球主義者,全球主義者正喺度建立一啲無經過民選嘅組織嚟制定規則,例如東盟、歐盟、聯合國、世界衛生組織等等。呢啲國際組織從來都唔係人民嘅意志,佢哋嘅成員從來唔係由人民投票選舉嘅,亦都唔能夠代表人民嘅聲音,但係佢哋卻喺世界範圍影響著每個國家嘅政治、經濟等各個領域。例如疫情爆發後, 所有國家都要以世衛組織嘅信息作為行動指導,呢個就相當於剝奪咗人民嘅權利。世衛而家有個被人告佢種族滅絕嘅譚德塞, 大家就知咩事啦。

講到嚟呢度, 大家應該都睇到了大重構嘅祕密。大重構講白啲,就係一群全球主義精英, 要喺世界範圍實現共產主義,用世界政府來管理各國人民。佢哋唔會堂而皇之地用「共產主義」呢個名詞,但就用「全球主義」作為包裝, 欺騙大多數嘅人。喺美國, 民主黨嘅政策就係為咗實現佢哋嘅全球主義理想而制定,大家知道咩係大重構, 再對比番 Cyberpunk 入面嘅世界,你會發覺兩者無咩分別。

影片嚟到最後,完成大重構呢一日並唔遙遠,如果拜登當選, 黑暗就會嚟臨。拜登口講就「為人民」, 但係佢同華爾街之間嘅切關係,實質就係為一小撮精英服務, 壟斷政治權力、建立極權主義,剝奪普通民眾嘅財產同權利。拜登嘅言論表明, 佢將會「遵循科學」,當選後將會批准更多嘅封城措施,佢將會利用呢場武肺嚟擴大同鞏固精英階層對美國嘅控制,亦即係「大重構」。佢又用「 Build Back Better (重建得更好)」嚟做口號,提高稅收、收入再分配, 同「社會正義」等非暴力手段,喺美國建立社會主義,之後嘅美國就會越嚟越似而家嘅中共。

引用 Facebook Page 無神論者巴別塔 :著名左翼思想家齊澤克 (Slavoj Žižek) 喺 2016 年講過,如果喺希拉莉同特朗普之間, 佢會公開表示支持後者,還直言對特朗普當總統嘅顧慮, 同希拉莉獲選相比簡直不值一提。因為特朗普係一個打破美國建制嘅人,佢當選係會令民主共和兩黨都會反思,點樣改變呢個充滿問題嘅社會。反而係一次「大覺醒」,而兩黨聯合制衡佢亦足以防止美國走向獨裁、走向法西斯,呢個亦係齊澤克絕望中睇倒嘅希望。之但係希拉莉呢, 佢根本就係「華爾街大鱷」,同「佔領華爾街」兩班各走極端力量組成嘅聚合體,同銀行有千絲萬縷關係,佢組成嘅「不神聖同盟」將會有效維繫現有美國社會嘅既得利益者,但仲可以假裝自己進行緊社會改革,而齊澤克對希拉莉嘅評價,亦同樣適用於同出一轍嘅拜登。

今次條片就嚟到呢度, 希望唔會嚇親大家。下一集會講「大覺醒」, 點樣對抗「大重構」,下星期四再同大家見面。如果鍾意我哋嘅影片, 不妨 Like、Share、Comment,記得 Subscribe 我哋嘅 Channel, 撳埋隔離個鈴鈴。我哋喺我哋嘅網頁同埋 Patreon 都開通咗會員制,希望大家都可以多多支持。我哋逢星期五晚上九點鐘都會喺 YouTube 上直播,分享下時事同埋政治, 希望到時可以見到大家。

我哋下條片再見, Bye Bye

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

關於表態的幾點思考

好青年荼毒室 | 哲學類

https-::www.youtube.com:watch?v=TSJwMZvw

能和球員一起成長的總教練才是真正的關鍵:談本季東區最大黑馬-紐約尼克隊【球隊觀察月報】

後撤步 | 娛樂類

https-::www.youtube.com:watch?v=TSJwMZvw

氣勢正旺的巫師能否逆襲賽爾提克?-附加賽球隊對戰分析︰東區篇

後撤步 | 娛樂類

https-::www.youtube.com:watch?v=TSJwMZvw

仍有機會不用打附加賽的湖人和賽爾提克-季後賽&附加賽排名戰況報告Vol.3

後撤步 | 娛樂類

https-::www.youtube.com:watch?v=TSJwMZvw

巫師為何能再度崛起?溜馬到底怎麼了?-季後賽&附加賽排名戰況報告Vol.2

後撤步 | 娛樂類

0