1

被遺忘的戰役:香港保衛戰|十八天的戰鬥|東方堡壘如何變成孤獨前哨?|香港守軍不戰而降?|重光紀念日75週年

Movistory HK | 歷史類 | Mar 13, 2021

歷史,作為建構身份認同同拓展未來嘅重要元素,好多時候都會被香港人忽略。喺和平時期,戰爭就係一個陌生又遙遠嘅概念,大家都好難去想像嗰一個充滿戰爭硝煙嘅年代。而又有幾多人知道,喺79年前嘅香港,曾經一班將士不惜一切代價抵抗敵人嘅侵略,為嘅就係要保衛呢一個地方。

大家好,我係Movistory ,呢個頻道主要會通過電影解說同大家探討下電影背後帶出嘅議題同啟示。同時,我亦會間唔中個別講解一啲歷史議題,同大家分享多啲過往發生過嘅事點樣影響我哋而家身處嘅世界。鍾意我嘅影片嘅話,不妨俾個like, share同subscribe我嘅YouTube channel同埋隔離嘅鐘仔,仲有like埋我嘅Facebook page, follow埋IG,有啲咩建議同睇法都可以話俾我知。

而今日,我會同大家講下1941年嘅香港保衛戰。「香港保衛戰」發生喺1941年12月7號去到25號。當時香港守軍面對住人數多過自己三陪嘅日軍,足足抵抗咗十八日嘅時間。最終,守軍寡不敵眾宣佈投降,數以千計嘅士兵淪為戰俘。 回顧返呢場戰役,1941年嘅香港基本上已經難逃淪陷嘅命運。但其實,英國政府一早已經預料到呢種情況會出現並為呢場遲早會打嘅戰爭做好準備。

喺20年代初,當時嘅香港作為英國喺亞洲嘅政治、經濟、軍事、情報,以及聲譽象徵嘅據點,曾經一度被視為喺遠東嘅軍事堡壘。但踏入到30年代之後,國際形勢日益惡化,由於英國幅員太大,需要同時應對多個國家嘅軍事威脅,為咗應對國際形勢嘅變化,英國開始調整香港嘅佈防策略,落實咗以防禦為主嘅作戰方針,利用有限嘅資源做好戰爭準備。而香港軍方都做過幾次沙盤推演,模擬過日軍進攻香港嘅情況,後來經過多年嘅討論同埋研究之後,喺1934年,英國陸軍部開始建造一個耗費500幾萬英鎊貫穿九龍山脊嘅陸上防禦工程亦即全長18公里嘅「醉酒灣防線」。

「醉酒灣防線」從新界葵涌嘅醉酒灣,延伸到西貢嘅牛尾海,主要以四個營級防禦區組成嘅防禦地帶,設置咗百幾座嘅機槍堡同埋大量嘅鐵絲網。而由於第三同第四防區之間喺城門峽谷,唔適宜部隊調動,所以當局專登建設城門碉堡去填補防線嘅空缺作為防線守軍嘅總指揮部。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

轉眼間時間推演到40年代,隨着日軍完全控制香港嘅周邊地區,香港經已陷入日軍嘅包圍。同時,德軍亦攻陷西歐地區,直接威脅英國本土嘅安全,意大利亦都挑戰英國喺地中海同非洲嘅勢力。所以,時任嘅港督羅富國主張棄守香港,將香港變成「不設防城市」,避免不必要嘅傷亡,而當時嘅英國首相邱吉爾亦都認為,香港只需要保留象徵式嘅部隊,甚至形容增兵香港係「大錯特錯」 ,將部份嘅守軍調派到其他戰場。但軍方認為香港作為英國支援中國抗日嘅象徵同軍事物資嘅轉口港,萬一棄守,將會打擊中國抗日嘅決心同力量以及英國喺亞洲嘅聲望,造成嘅連鎖反應會更加嚴重,所以,雙方亦都一直未就增兵香港達成共識。

直至1941年中期,隨著英軍嘅各地戰線逐漸穩定,邱吉爾嘅態度逐漸轉變,開始計劃增兵香港,並聯同美國、中國、荷蘭組成ABCD包圍網,對日本實施戰略物資禁運,要求日本撤出所有喺中國同印支半島嘅軍隊,試圖阻嚇日本人入侵香港同東南亞嘅意圖。而加拿大亦都派出兩個營嘅軍隊到香港協防,由羅遜准將指揮,喺11月17號到達香港。不過,當時香港守軍嘅人數仍然遠遠少於香港防務嘅基本所需。

正喺英、美等國開始緊進行戰略調動嘅時候日本內部決定實現「南進政策」全面進攻西方國家喺亞洲嘅殖民地,當中嘅香港亦首當其衝,連同珍珠港、新加坡、馬來亞成為日本第一階段嘅目標,而香港守軍司令莫德庇亦都接收到情報,下令香港嘅守軍進入戰爭狀態。

而喺戰爭開打嘅時候,香港其實係由來自唔同國家嘅人組成,其中包括英國人、加拿大人、法國人、印度人、蘇格蘭人、香港華人,以及歐亞混血兒等等
當中亦包括由香港市民組成嘅「香港義勇防衛軍」「曉士軍團」同「香港華人軍團」 。而香港嘅守軍只有少量艦艇同戰機支援,總共只有13,500人左右。喺另一邊廂,日軍嘅組成部份就相對簡單,由第38師團擔任主攻部隊,得到充足嘅海空火力支援,總共有40,000人咁多。除咗喺兵力差距之外,無論裝備嘅數量同質量上日軍嘅裝備都好過守軍,甚至乎擁有絕對嘅制空權同制海權。

1

1

喺1941年12月7號由酒井隆中將指揮嘅第38師團越過中港邊境直接攻入新界,當時日軍嘅三個步兵聯隊亦都開始按照計劃先喺醉酒灣防線出邊建立陣地,偵察防線同附近嘅地勢。不過,日軍嘅第228聯隊隊長土井定七發現
城門碉堡嘅防守非常之薄弱於是乎喺12月9號嘅下晝,率領咗部隊私自突襲城門碉堡並成功突破守軍嘅防線,令到防線出現重大嘅缺口。而司令官莫德庇為咗避免守軍會被包圍喺11號命令部隊後徹到港島,由英屬印度嘅拉吉普營負責殿後,而拉吉普營亦堅守到13號朝早,成功由三家村碼頭撤退到港島。而莫德庇亦都重新部署港島嘅兵力將港島嘅部隊分成「西旅」同「東旅」,分別由羅遜准將同華里士准將指揮。

隨着日軍迅速佔領新界同九龍,日本司令部認為守軍會好快投降,所以派出使團先後兩次向港督楊慕琦勸降但都遭到即時嘅拒絕。所以,係13號開始,日軍大規模咁炮轟同空襲港島,集中破壞軍事設施同住宅區, 直到17號,日軍開始派出小部隊過海試探港島形勢,喺18號晚,日軍分成左右兩翼部隊從北角嘅愛秩序灣一帶登陸,而駐守嘅部隊亦都頑強抵抗,導致日軍嘅進攻受阻。後來喺19號朝早,日軍對港島嘅中心點黃泥涌峽展開攻勢並一度圍困西旅嘅指揮部,即使多支守軍一直嘗試解圍,但都被日軍擊退。最終,西旅嘅指揮官羅遜喺突圍期間陣亡。

1

1

另一方面,東旅嘅部隊亦都被日軍圍攻,退守到赤柱繼續抵抗,而總司令部為咗扭轉局勢,亦都命令兩支守軍反攻,但最終都係宣告失敗,而且損失慘重。 後來喺20號朝早,日軍繼續向南方推進,將東西兩旅嘅守軍嘅聯繫徹底咁切割,同時,西旅嘅守軍亦都沿住金馬倫山繼續抵抗,阻止日軍攻佔灣仔
東旅嘅守軍就依然困守喺赤柱。

後來喺24號,日軍成功突破赤柱防線,攻入咗聖士提反書院,並殺害咗超過一百名傷兵同護士報復,直到晏晝,守軍所有嘅彈藥庫已經失守,部隊陷入彈盡糧絕嘅地步最終,港督楊慕琦為咗避免無論嘅犧牲,喺25號晚決定前往九龍半島酒店向日軍投降,而呢一日亦都被稱為「黑色聖誕節」。

1

1

就係咁樣,歷時18日嘅「香港保衛戰」宣告結束最少有3445名香港守軍傷亡,一萬幾人被俘虜,日軍就死傷咗2082人,而香港亦進入三年零八個月嘅日治時期。

回顧返呢一場戰役,雖然英國一早已經按照時局嘅變化,制定香港嘅防務計劃,但由於英國嘅歐洲優先政策同埋地形嘅限制令到香港嘅防衞能力並未完全依照計劃增強,由本身無堅不摧嘅東方堡壘,變成以攻難守嘅孤獨前哨。雖然香港守軍頑強抵抗,但隨住日本海軍喺1941年完全控制南中國海,中國軍隊又忙於應付第三次嘅長沙會戰,香港淪陷亦都只係時間嘅問題。不過即使守軍明知道實力懸殊,都依然頑強抵抗,其中嘅香港義勇防衞軍甚至寧死不降,對日軍造成極大嘅傷亡,亦因為咁樣,日本人以為只需要一日時間就可以佔領嘅港島要足足花一個星期先能夠完全攻佔,為其他亞洲地方嘅防禦作戰爭取咗唔少嘅時間。

香港嘅軍事歷史學家鄺智文教授亦都曾經講過,香港戰役並係一場喺邊陲地區由一班深陷重圍嘅守軍嘅零星抵抗,而喺英國、日本、中國、美國以至蘇聯喺亞太地區呢場全面戰爭裡面嘅其中一場主要戰役,其實成場香港保衞戰最大嘅意義在於去見證住香港作為一個國際大都會,凝聚咗唔同地方嘅人一同並肩作戰,眾志成城咁保衞呢個地方。可能呢一班人大多數都唔認識香港亦都對呢個地方冇任何眷戀同感情,但當佢哋受到國家嘅號召,都義不容辭咁嚟到呢個地方抱住保衞香港嘅信念,為下一代嘅自由,獻上佢哋寶貴嘅生命,正因為佢哋嘅犧牲,先能夠換嚟我哋而家今日嘅和平。

但隨住1997年香港主權移交中國,「重光紀念品」亦都被9月3號號「中國人民抗日戰爭勝利紀念日」所取代,而呢一段歷史亦都開始被香港人淡忘,所以而家嘅我哋,更加有責任銘記同傳承呢一段歷史,12月18日,百德新少校率領的「曉士軍團」多次擊退日軍對北角發電廠的進攻,直至部隊彈盡糧絕,才向日軍投降其後百德新等人被俘虜,直到重光才被釋放,港英政府為了紀念他對香港的貢獻將銅鑼灣的一條街道命名為「百德新街」 。

12月19日,加拿大軍士長奧斯本與日軍激戰時為拯救同袍以身邊覆蓋手榴彈,最終犧牲,後來他戰死後獲頒英國最高榮譽的維多利亞十字勛章,曾經是華藉英兵的蔡彼德先生曾與隊友用高射炮擊落日軍飛機,香港淪陷後,他偽裝成平民逃亡加入了英軍服務團收集日軍情報,直到香港重光,他才返回香港繼續生活後來在2020年8月6日去世,享年98歲 。

1941年,年僅17歲的RALPH MACLEAN 隨加拿大軍前往香港駐防,曾多次與日軍交戰,直到1945年日本投降,他才被釋放後來,他亦在2020年3月13日逝世。

2015年,RALPH MACLEAN在一間小學分享經歷時,和一名小女孩的真實對話。 「如果一切能重來,你還會選擇上戰場嗎?」 「為了妳,我會。」

//老兵不死,只是凋零。//

***謄本內容只反映影片創作者之立場,與燕子生命一概無關***

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

《ERROR自肥企画》 EP 2- 任何人?友達

ViuTV | 娛樂類

https-::www.youtube.com:watch?v=TSJwMZvw

《ERROR自肥企画》 EP 1 - 重裝上陣

ViuTV | 娛樂類

https-::www.youtube.com:watch?v=TSJwMZvw

【搞作短劇】像風一樣的男人

Arm Channel TV | 劇場類

https-::www.youtube.com:watch?v=TSJwMZvw

試映劇場《收音賢》

試當真Trial & Error | 劇場類

https-::www.youtube.com:watch?v=TSJwMZvw

黑道律師文森佐-第1季第2集

Netflix | 劇場類

0