1

簡介美國總統大選2020-何謂選舉人票、搖擺州份|總統聽選民話定係受幕後金主擺佈?對照香港政治環境!簡介美國既民主黑歷史!

Stormtrooper白兵 | 時政類 | Mar 13, 2021

此影片謄本由燕子生命製作

Hello 大家好,我係白兵,近日全個地球都好沉迷美國總統大選,事關喺而家呢個咁動盪嘅時代,今次嘅美國總統大選可以話係左右人類歷史最重要嘅一次選舉。究竟會係特朗普呢個天使嘅化身會勝出,定係已經出賣咗靈魂畀魔鬼到老人痴呆,地獄黎嘅使者拜登會贏呢?無人知~而今次呢條片,就趕係大選前借用由 Netflix 獨立製作關於美國投票嘅短影集《投票解碼》做個懶人包中嘅懶人包,簡單咁講下美國嘅選舉制度,分析一下美國選舉制度中入面嘅流弊以及同香港嘅情況做比較,希望大家嘅代入感可以強啲,同時令大家對民主呢個概念有多少少嘅認識。

自由與民主係人類一直都追求緊嘅核心價值,人民有言論自由,有受法律保障嘅私有產權甚至是居住權和人生而平等以達到共存。而民主和極權國家最大不同是投票制度,呢個亦都係由人民共同決定國家未來與政府嘅施政方向與政府嘅施政方向。但是投票制度係咪真係可以令人民走向美好嗎 ?還是隨著投票制度引發更多問題點 ?

美國各個州還有自己嘅規矩和規定,讓每次到美國總統大選,從廣告、辯論、八卦、陰謀論等等鋪天蓋地嘅資訊都出現在自由嘅美國,美國總統選舉嘅方式同香港人追求嘅普選行政長官亦即係類似台灣嘅簡單一人一票,多者為勝複雜好多。

首先美國總統選舉嘅方式叫做選舉人團 (Electoral College) ,美國各一個州為一個選舉人團單位,全美50個州份選舉人票數目嘅計算方程式是該州參議員和眾議員席位總和,每個州份都一定係固定兩位參議員,眾議員數目按人口分配。換言之人口較多嘅州份就有較多選舉人票,例如:紐約州有 2 位參議員與 27 位眾議員所以共有 29 張選舉人票,目前共 538 名選舉人,結構為 100 位參議員與 435 位眾議員,外加首都華盛頓特區特有嘅 3 張選舉人票。人口最多嘅加州有 55 張選舉人票,最少人嘅懷俄明州,得 3 張,50 個州份有 48 個都以在普選票中,「勝者全得」(Winner-takes-all) 嘅方式分配選舉人票,即該州得票率較高嘅總統候選人獲得該州全部選舉人票,僅得緬因州和內布拉斯加州按州際結果分票外亦會按每個國會選區結果瓜分。

下載檔案

下載檔案

1

1

營運經費相當貧乏,敬請體諒我們投放少量Google Ads!

1

全美合共有538張選舉人票,要當上美國總統就要得票至少 270 張。民主黨嘅候選人在 2000 年和 2016 年大選在全國普選票中雖然勝出,但就輸掉選舉人票,可見致勝關鍵並非在於候選人在全國有多受歡迎,而是票倉州份以外可奪取多少個搖擺或具競爭性嘅州份,亦即係俗稱嘅搖擺州份 (Swing state),那些沒有一個單一嘅候選人或政黨擁有壓倒性支持度以取得選舉人票嘅州,
這些州是兩個主要政黨在總統選舉中嘅爭取目標,因為贏得這些州嘅選舉人票對獲勝十分重要。

今屆大選,候選人自八月全國代表大會後,就有逾七成拉票活動集中在六個搖擺州份上面,即係大湖區嘅威斯康辛、密西根、賓夕法尼亞州,陽光帶嘅亞利桑那、佛羅里達、北卡羅來納州,呢 6 個州分合共掌握 101 張選舉人票,足見它們嘅重要性。

係度又講下民調,根據RealClearPolitics「真清晰政治」網站綜合各家民調平均數據,截至10月20日,拜登在這 6 州全部保持領先,平均支持度領先 3.9 個百分點。不過,4 年前投票日倒數兩週,特朗普在這 6 州民調落後希拉蕊 4.4 % 比今年落後幅度還大,最後卻係6州全勝。所以,民調呢家野,聽下就算啦。做民調嘅機構自己都有政治立場,之後再同大家探討。

如果所有候選人都未能獲得半數以上嘅選舉人票,則由眾議院從得票最多嘅前三名候選人中選出總統。1824 年,約翰·昆西·亞當斯即在此種情況下最後由眾議院投票選舉為總統。有觀點認為選舉團選舉並非不民主,只是以各州為計票單位後全國相加,不能簡單謂其不民主,選舉人團以州嘅選舉人為計算單位,可保障小州權益,避免大州長期取得較多普選票可控制全國政局。其反對者嘅觀點有:

違背選舉「小數服從多數」原則:
普選票較多未必能當選總統,歷史上曾多次發生這種情況,例如 1824 年嘅 John Adams、1876 年嘅 Rutherford Hayes、1888 年嘅 Benjamin Harrison、2000 年嘅喬治·W·布希、2016 年嘅當勞·特朗普等當選人,其普選票都少於對手。因為會違背選舉「小數服從多數」原則,所以可能會因為部分總統嘅爭議政策間接產生美國甚至全球性嘅社會問題,例如布殊因為在 2003 年嘅伊拉克戰爭違反了「一人一票、每票平等」嘅原則,大小州選民嘅票值不等。例如,在阿拉斯加州,每張選舉人票代表著 11 萬 2000 人,而在紐約州是 40 萬 4000 人 (依據1990年嘅數據)。其實呢個世界無一個完美嘅制度,即使美國嘅民主制度看似行咗二百幾年,但係當中都有好多嘅變化同埋歷史進程,同時亦都繼續有好多需要改進嘅地方。所以嗰啲話政治唔關自己事嘅人,唔爭取自己嘅權利,將權利拱手相讓畀統治者,最終造成畀極權統治嘅下場。

係度,就同大家講下,美國嘅民主歷程,美國喺1776年嘅美國獨立宣言,喺前言第一句就寫到明人人生而平等,造物主賦予他們若干不可剝奪嘅權利,其中包括生命權、自由權和追求幸福嘅權利。為了保障這些權利,人們才在他們之間建立政府,而政府之正當權力,則來自被統治者嘅同意。獨立宣言包含多名開國元勳之基本理念,其中若干日後獲編入美國憲法中,亦都為日後嘅民主打好根基。但係寫係咁寫,當時佢地有奴隸制,當時可以投票嘅人亦都主要係白人男性,所以喺憲法入面,大家係搵唔到投票權呢樣野嘅。喺第一屆美國總統華盛頓嘅時候,當時有得投票可以話係一種特權,因為大約只係得 20% 人嘅人口可以投票。

1

1

而家美國民主嘅進程,就係將投票,由特權變成權利喺 1870 年 2 月 3 日通過憲法第十五條修正案,黑人可以投票。再到到 1920 年通過美國憲法第十九條修正案,白人女性都可以投票。之後再到1962年,美洲原住民都可以投票。1971 年,投票年齡下限由 21 歲降到 18 歲。去到 2016 年,大約 90% 嘅美國人擁有投票權,但係當中只有 56% 人有投票,大幅落後畀其他民主嘅國家。大家亦都可以試下調轉個思考方向咁諗,其實投票權嘅擴張,從來都係當權者會阻止嘅事,大家睇下香港就知啦,極權只係會畀你花瓶式嘅選舉,最後有得揀都係極權嘅傀儡,詳情可以睇番 35+ 呢條片,絕對無可能會無緣無故畀普選大家。

美國都一樣經歷過唔民主嘅時期,剛剛建國嘅時候,新澤西州決定所有財產達標嘅人先可以投票之後有啲寡婦,同埋黑人女性都覺得自己有錢,就去埋投票。因此,早期美國,幾乎各地嘅非公民都可以投票,之後就出現選舉舞弊,男人會扮女人去投票,不合資格嘅女性又會去投。所以 30 年之後新澤西州嘅從政人員就剝奪咗黑人同埋女性嘅投票權,而呢一班人畀人剝奪咗投票權嘅人,就係反對呢一班政客嘅人,之後好多州份都禁止咗黑人同埋女性嘅投票權。之後去到 1870 年 2 月 3 日通過憲法第十五條修正案黑人先可以投票,但係入面就無提到罪犯可以投票。所以之後幾乎同一時間每個州份都開始立法,專門訂制一啲只會受制黑人法例,主要原因就係防止一啲剛剛解放嘅黑人奴隸可以去投票。

好多唔同州份,即使無專登去立法都會專登將現有嘅法例左拼右拼,將黑人送入監牢或者唔畀曾經犯過法嘅黑人投票從而限制投票權,將權力留係手。例如有交稅先可以投票,或者你呀爺有投過票都得,完全係欺壓當時嘅黑人,佢地岩岩係奴隸制度解決出黎,哪有錢 ? 邊會有呀爺係投過票 ?又例如投票前會考理解能力,讀寫能力測驗等等,係用黎針對非英語國家嘅歐洲移民,限制佢地嘅投票權。呢啲,統一叫做 選民壓制 Voter Suppression。所以,喺 1940 年,南方嘅非裔美國成年人,只有 3% 係有登記投票,之後就有一系列嘅社會運動促成當時嘅美國總統 Lyndon Johnson係 1965 年通過嘅選舉權法通過所有種族歧視嘅手段都唔能夠再用,美國先成為真正意義上嘅民主國家。換言之,美國都用咗差唔多 190 年去改善選舉制度先變到今時今日咁

1

1

之後就講下今日呢條片嘅另一個重點:賄選
美國總統選舉洗好多錢,2016 年嘅就一共洗咗 23 億美元,選舉做勢時間,由第一次黨內初選開始計,差唔多成500日。換黎嘅,係有 93% 選民,覺得總統聽佢地嘅捐款人金主話,多過一般選民。但係特朗普就曾經怒炒金主力薦前國家安全顧問博爾頓,即係前排出書抹黑特朗普個位,目的就係唔想被金主操控,佢同金主嘅關係亦因而變差。

如果淨係靠洗得多錢黎計嘅話2016 年嘅共和黨黨內初選,特朗普就唔會係贏嗰個。最後嘅大選都係一樣,特朗普洗咗 9 億幾,希拉莉洗咗 14 億,錢係好重要,但唔係最重要嘅一環。2020 年總統大選嘅幾位候選人,佢地有啲洗咗好多錢,但係連出線都出唔到,Michael bloomberg 嘅籌款破咗記錄但係可以話係完全無回報,咁如果錢真係唔係最要嘅要素,點解又會越洗越多?啲錢又其實洗咗係邊架呢?阻唔阻止到賄選呢?

美國曾經有試過限制選舉開支,但係每次防堵之後,總會搵到其他出路。喺度同大家分享一個,美國近代政治嘅一個大醜聞:

水門事件 (Watergate scandal)
是 1970 年代發生在美國嘅一場政治醜聞,事件開始於 1972 年 6 月 17 日凌晨。當時美國民主黨全國委員會所在地,水門綜合大廈嘅保安人員,因為從地下車庫通往大廈嘅門鎖兩次遭人以膠布貼住,因此報警。到場偵辦嘅兩名便衣特警意外抓獲 5 個潛入民主黨全國委員會總部安裝竊聽器和拍攝文件嘅嫌犯,之後,聯邦調查局找到了這夥人嘅活動資金,這些錢中有不少連號嘅百元大鈔,由此追查發現,其來源是尼克森嘅籌款組織-總統競選連任委員會嘅政治捐款和經費。然而時任總統理察·尼克森及內閣試圖掩蓋事件真相直至竊聽陰謀被發現,尼克森仍然阻撓國會調查,最終導致憲政危機。

尼克森於 1974 年宣布辭去總統職務,係呢年事之後,促成咗政治獻金改革法案政治獻金有規定咗嘅上限,並且限制選舉嘅總開支,亦都規定邊個畀錢,畀幾多錢都要上報。不過,係無幾耐之後呢啲法例都因為違反美國憲法而被迫取消,而違反嘅,係 Freedom of speech,憲法定名咗國會唔可以制定任何法律來妨礙言論自由,最高法院判定選舉經費係言論自由嘅一種,不可以被限制。

不過,言論自由呢家野,近日大家都應該知唔係好屬於 Trump 呢一方架啦,Twitter 同 Facebook,相繼將有關 biden 家族醜聞嘅新聞封鎖,話係 fake news。當然,國家情報總監拉特克利夫 (John Ratcliffe) 其後確認拜登醜聞跟俄羅斯無關並非俄羅斯虛假信息攻勢嘅一部分。但係 Twitter 同 Facebook又唔會封鎖有關 Trump 嘅 fake news 架喎,再加上幾乎所有主流媒體都係親民主黨究竟係操縱選舉,定係言論自由,新聞自由?之後有緣再拍片同大家探討呢個問題

我地去投票選總統或者議員嘅時候,其實即係同佢地講,你地選舉開支,好大可能係黎自一小撮嘅有錢人,最後,佢哋當然會依賴嗰一小撮富豪啦,並且回應佢哋嘅需求,而唔係市民。喺華盛頓一個好滑稽嘅卡通,表達咗呢個概念,有個有錢人畀咗一大筆錢畀一個議員去參選,當有佢哋唔鍾意嘅法案送到去眾議院嘅時候,佢哋就會召集嗰啲收過佢哋錢嘅議員叫佢哋唔好通過個方案,如果唔係第日就唔使旨意再收到佢嘅捐款。現實世界就會更加複雜,佢哋會請一啲學者畀錢佢哋去做一啲好偏頗嘅研究,然後當然個研究報告,會係佢哋預訂咗嘅特定結果。呢個世界有好多方法可以將一個想法扭曲成為你想要嘅形式,只要你係有影響力。

1

1

喺度引用 Facbooke page「無神論者巴別塔」嘅一個 post:今年 4 月,林鄭大吹特吹嘅「香港國家安全日」原來經已係第三年同「香港政策研究所」聯合舉辦,然後望一望香港政策研究所董事名單赫然發現有當日捧董建華同梁振英上位嘅葉國華、同埋幫葉國華管理基金又受佢資助成立 roundtable 智庫嘅沈旭暉當然仲有個民主黨公關盧子健啦 !一個搞「香港國家安全日」嘅學者無啦啦做乜會叫你進攻功能組別同玩 35+ 呀?當抗爭者喺 2019 年衝入立法會,控訴香港社會立法會係橡皮圖章,無撚用,又擋唔到惡法,又擋唔到大白象工程嘅時候,有班有明顯建制背景嘅人以學者之名掉個 plan 出黎話 35+,大家就信晒啦,甚至立法會選舉延期之後,有打手衝出黎保駕護航,講咩延期原因係港共恐懼 35+,或者留力下年呢一啲不切實際嘅說話。今日班共產黨走狗接受人大任命嘅新建制派話只靠議會難阻法案,當日做民調之前就話咩拖延時間而家選啲內會主席,一日就同你搞惦晒咁濟,拖延時間 ? 拖延香港人時間咋呱。

之前大把民調叫佢地走,之後玩到搵香港民研做民調,千辛萬苦做到留同走都唔過 50%然後自己揀留,明明之前幾廿個民調都係大幅拋離咁叫你走,呢啲咪就係影片前面講過嘅畀錢佢哋去做一啲好偏頗嘅研究然後個研究報告會係佢哋預訂咗嘅特定結果囉。

鬧完共狗泛民,繼續講番美國大選,錢真係選舉入面係好重要,片入邊有提到一個新任嘅議員,佢嘅日程表係會有四個鐘拎嚟打電話,而同事同同事之間嘅話題,唔係你忙緊修訂啲咩法案,而係你哋呢排籌咗幾多錢。喺度,就引申咗呢一個問題,選舉經費來源嘅透明度。片入面舉咗個例子Richmond,California 加州列治文嘅雪佛龍好容易爆炸,當地居民受夠了,要當地政府唔畀佢係度起廠,雪佛龍為咗保住自己,最終洗咗 300 萬美金去 sponsor 候選人去參選當地嘅市長同埋議會,而加州係有好嚴格嘅揭露法規,Richmond 嘅市民好唔滿意,最終上街、登報,然後喺選舉度,投咗非雪佛龍嘅候選人上台。所以選舉經費來源,好反映到呢個候選人嘅立場,同埋佢地第時嘅表現,會唔會出賣人民。

近日香港又有個好例子啦,喺度分享 Facebook page「學生歷量」嘅帖自稱「超區坦克車」曾為港區全國人大代表選舉會議成員嘅所謂本土派元朗區議員王百羽,佢喺剛剛過去嘅超區選舉總支出高達 489 萬,在「超區」所有名單中排行第一,比建制派嘅大家姐李慧琼 265 萬仲要多差唔多一倍,其餘嘅分別係涂謹申 40 萬、岑敖暉 50萬、陳劍琴 52.5萬、鄺俊宇 84.2 萬。最瘋狂嘅係當中 450 萬嘅選舉服務及貨品更是由沈旭暉旗下嘅公司「U Made This」捐贈,作為本土派,竟然與支持大灣區發展嘅人士林鄭都贊好嘅「香港政策研究所」董事走在一起,真係難以想像沈旭暉於事件曝光之後,向記者表示不認識王百羽,如此欲蓋彌彰嘅講法,未免當香港人係傻架下話。

另外,到目前為止仍未見到王百羽區議員向市民解釋,在本士派逐漸崛起嘅香港,有人會為了私利而偽裝成本土派但骨子裏就猶如泛民一樣,作為一個有良知嘅香港人我們要做嘅就是好好監察代義士肅清瘀血方可繼續進步。

影片黎到最後,錢只係擴音器試圖吸引你嘅注意,說服你接受某種思考或者選擇某位候選人。但係每一場選舉,無論幾咁眾聲喧嘩每位選民都有權選擇去聆聽你想聽嘅聲音,每當你決定投票唔好畀電視嘅廣告左右,而係你自己去做功課,將每個候選人當係人咁黎看待,聆聽佢哋嘅聲音,你就係令民主變得更好。錢可以買到好多嘢,但係選票能唔能夠畀錢收買到,就由你自己決定啦,今次影片嚟到呢度,多謝大家收睇。

***謄本內容只反映影片創作者之立場,與燕子生命一概無關***

1

IMG_1410.PNG

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

關於表態的幾點思考

好青年荼毒室 | 哲學類

https-::www.youtube.com:watch?v=TSJwMZvw

能和球員一起成長的總教練才是真正的關鍵:談本季東區最大黑馬-紐約尼克隊【球隊觀察月報】

後撤步 | 娛樂類

https-::www.youtube.com:watch?v=TSJwMZvw

氣勢正旺的巫師能否逆襲賽爾提克?-附加賽球隊對戰分析︰東區篇

後撤步 | 娛樂類

https-::www.youtube.com:watch?v=TSJwMZvw

仍有機會不用打附加賽的湖人和賽爾提克-季後賽&附加賽排名戰況報告Vol.3

後撤步 | 娛樂類

https-::www.youtube.com:watch?v=TSJwMZvw

巫師為何能再度崛起?溜馬到底怎麼了?-季後賽&附加賽排名戰況報告Vol.2

後撤步 | 娛樂類

0