1

美國國務卿蓬佩奧 - 高材生,鐵幕軍人,暗殺伊朗軍官,前CIA局長,比特朗普強硬,鷹派代表人物,最強反共幕僚,中共口中的「人類公敵」!

Stormtrooper白兵 | 時政類 | Mar 13, 2021

***謄本內容只反映影片創作者之立場,與燕子生命一概無關***

Hello 大家好,我係白兵,今次介紹嘅哩個人,係繼我講完Trump同Bannon之後最多人想我介紹嘅一個政治人物-美國國務卿 Mike Pompeo 蓬佩奧。最近蓬佩奧連續三日上左中共嘅《新聞聯播》,成為左四篇重磅評論中嘅主角當中包括《人民日報》以三個全版嘅篇幅33000字長文,仲話佢係「人類公敵」。究竟佢做左啲咩令到中共咁嬲、咁唔開心呢?

今次哩條片,我地就同大家介紹一下中共口中嘅「人類公敵」。出生於1963年嘅蓬佩奧,是意大利移民第三代,成長於一個平凡家庭,父母都冇讀過大學,佢爸係一名工廠機械師傅。高中畢業之後,佢入咗美國著名嘅軍事學院,西點軍校攻讀機械工程專業係1419名學員之中用第一名畢業。佢優異成績獲得傑出學員獎得到工程管理本科學位。畢業之後,按照西點軍校畢業生最少服役5年嘅要求,1986年到1991年冷戰期間蓬佩奧係美國陸軍服役五年,曾經作為裝甲兵軍官喺西德同東德、捷克斯洛伐克邊境,即係係「鐵幕」(Iron Curtain)沿線巡邏,一邊係民主自由嘅西方文明世界,一邊係殘暴極權嘅共產主義世界。

當時仲係年輕既蓬佩奧已經感受到來自共產主義嘅巨大威脅,即使多年之後嘅今天他仍然話哩種威脅一啲都唔細,哩段經歷,亦都可以話係好大程度塑造咗佢今日鮮明嘅反共立場。退役之後,34歲嘅佢去咗哈佛大學法律系攻讀博士學位,畢業之後做過兩年稅務訴訟律師,一度轉入商界同西點軍校同學合夥創辦咗一間航空航天製造公司-塞耶航空(Thayer Aerospace)。2006年到2010年佢擔任一間生產石油鑽探設備製造公司(Sentry International)嘅總裁。

之後蓬佩奧就開始佢既從政生涯啦,2011年到2017年佢代表堪薩斯州 Kansas,連續四屆擔任美國眾議院議員。佢曾經係堪薩斯州共和黨全國委員會嘅代表同埋意大利美國國會代表團嘅代表,亦都係茶黨運動嘅成員。茶黨運動 Tea Party movement 係一個於2009年初開始興起嘅美國財政保守政治運動,哩嗰運動嘅成員呼籲降低稅收並通過減少政府支出嚟減少美國嘅國債同聯邦預算赤字。哩嗰運動支持小政府原則,茶黨運動亦都被描述為共和黨內嘅流行立憲運動,由自由主義者,保守主義者同右翼激進主義者組成。即管茶黨比較似一種意識形態,而唔係傳統意義上政黨但亦都有啲研究表明,茶黨小組嘅成員投票態度就似係國會中嘅第三黨。現代茶黨名稱係指1773年12月16日的波士頓茶葉黨,哩個係美國獨立戰爭發起嘅分水嶺。1773年反徵稅事件起源於英國政府係無國會議員代表北美殖民地嘅情況下加收徵稅,而家亦都有人將茶黨入面嘅英文「TEA」引用為Taxed Enough Already 嘅簡寫,意思「已經收夠稅」。因此無論如何,茶黨嘅立場都係主張適當咁進行減稅。

美國總統特朗普上任後,蓬佩奧出任中情局局長,當時參議院以66:32的得票比例通過提名。蓬佩奧係2017年1月就職。無錯,美國政府委任官員,同香港政府唔一樣,香港政府好似私人機構咁,話用邊個就邊個仲要唔洗問責,人地美國係真係要係國會議員投票過半通過先可以做,而美國嘅國會議員,當然係普選產生。中央情報局 Central Intelligence Agency,簡稱CIA 係美國主要的情報機構之一,主要任務係公開同秘密地收集同分類關於國外政府、公司和個人、政治、文化、科技等方面嘅情報。佢都持有大量特殊用途嘅軍事武器同設備,哩啲設備係美蘇冷戰時期用於乾擾共產國家政府
例如 蘇聯。此外亦都會針對推翻外國政府嘅組織進行資助或刺殺對美國海外利益構成威脅反對者

中央情報局係美國情報體系中,唯一一個獨立情報部門,其地位同功能,如果大家有睇Tom Cruz嗰套Mimssion Impssible嘅話入面嘅英國秘密情報局MI6差唔多。蓬佩奧作為中央情報局局長已經成為特朗普總統(President Trump)信任嘅顧問,每日都親自前往特朗普辦公室向總統提交每日情報簡報。一直以來蓬佩奧係伊朗核問題、朝鮮核問題、美俄關係等好多嘅問題上都表現出強硬保守嘅色彩,被美國媒體稱為「鷹派」嘅人物。蓬佩奧係接手國務院工作之後,世界舞台發生巨大變化,從北韓、伊朗、敘利亞、俄羅斯到中國。係2017年7月,蓬佩奧好罕見地接受美國媒體嘅採訪,當中佢警告:從長遠嚟睇,美國面對最大嘅安全挑戰嚟自中國,而唔係俄羅斯。2018年1月底,接受英國廣播公司BBC採訪時警告俄羅斯干預西方國家嘅情況固然值得關注但同時讀麵要留意中國嘅干預。蓬佩奧舉例,中國經常嘗試偷取美國機構嘅商業機密亦都嘗試滲透當地醫院同學校系統,同樣嘅情況都係歐洲國家,包括英國時常有發生。佢認為都顯示中國滲透西方國家花嘅精力不下於俄羅斯,蓬佩奧仲話如果比較中俄兩國嘅經濟規模就可以看出中國有更多嘅資源去執行佢想要嘅任務。佢認為美國必須更重視中國係哩方面嘅活動,佢話:「全美國都必須更加有效咁抗衡中國,令到佢唔好靜雞雞咁影響到世界。」

好明顯,蓬佩奧係做CIA局長之後,知道左好多中共嘅資訊,從而得出哩一個結論,當時中美貿易戰仲未開打,但已為日後中美交惡鋪路。之後嘅3月,蓬佩奧被特朗普提名為下任國務卿。係度講件小趣事上一任國務卿係Rex Tillerson佢又係另一個睇特朗普Twitter先知自己比人炒嘅受害者,時任副國務卿史蒂夫‧戈德斯坦 Steve Goldstein 發聲明佢話Tillerson無同總統講野,亦都唔知道被解僱嘅原因,暗示Tillerson係從Twitter先知道消息,Goldstein係發出哩嗰聲明之後無幾耐亦都被解僱。特朗普對記者坦承同Tillerson之間有分歧,佢話佢地相處得唔錯,但係係伊朗協議上意見有所不合,特朗普覺得嗰協議完全唔得,但係Tillerson覺得ok。Tillerson嘅政治立場都可以話係鷹派,但僅限針對俄羅斯,對住伊朗同中國都係明顯偏軟。Tillerson曾經講過去要改善美中關係,但強調美國仲需要「好大嘅努力」去應對俄羅斯政府「麻煩的行為同舉動」

2018年4月26日,蓬佩奧以57:42得票比例係參議院獲得通過,哩嗰係美國歷史上國務卿任命過程入面,參議院支持率最低嘅表決之一。蓬佩奧上任之後,好快就迎黎第一個大挑戰,醞釀咗好耐,美國民主黨針對特朗普嘅彈劾案,一度令蓬佩奧嘅處境非常尷尬。國務院有多位職業外交官或外交顧問捲入彈劾調查,佢地提供嘅「猛料」令到特朗普十分之憤怒,特朗普甚至認為哩嗰蓬佩奧「犯下嘅錯誤」,因為相關出席聽證會嘅人都係當初蓬佩奧推薦嘅官員。蓬佩奧拒絕為自己外交官辯護,亦都令國務院嘅外交士氣大減。再者,當時共和黨領導層亦都希望蓬佩奧能夠參選參議院選舉以保住共和黨對參議院嘅控制權。所以,一度傳出蓬佩奧有機會會跳船去參選參議院,避開哩一個風頭 ,但係蓬佩奧用左另一個方法解決,就係幫特朗普立戰功。

話說蓬佩奧係2016年,仲係眾議員嘅時候就盯上左之前比美軍用無人機殺左嘅伊朗伊斯蘭革命衛隊(IRGC)特種部隊指揮官蘇萊曼尼。當時蓬佩奧想訪問伊朗,佢想監控選舉同嘗試直接同蘇萊曼尼會面但此行最終因為無法獲得簽證而未能成行。入左特朗普政府之後,蓬佩奧係國會、情報界、軍隊同軍工領域以及情報系統人脈廣泛包括美國負責中東事務嘅軍事人員當中都有蓬佩奧昔日西點軍校嘅校友,哩嗰因素促使佢成功勸說特朗普係多個選項當中選擇左最具風險嘅暗殺行動,下令暗殺蘇萊曼尼。哩場暗殺行動後,成功左轉移國內對特朗普彈劾案關注,按照計劃,民主黨人會同共和黨人制定參議院「審判」程序,希望係共和黨佔大多數嘅參議院都可以成功彈劾特朗普。

但係參議院共和黨人當中未見「叛黨」支持彈劾嘅人,反而個別民主黨參議員提出左疑慮。經過多輪換血,尤其蓬佩奧加入之後特朗普確立左佢強勢嘅領導地位。共和黨圈內已經將蓬佩奧形容為國務卿、國防部長、中情局(CIA)局長於一身嘅特朗普幕僚。

終於黎到今日哩條片嘅重點啦,點解中共要稱蓬佩奧為人類嘅公敵呢?首先係2020年1月,蓬佩奧發表聲明祝賀中華民國總統蔡英文連任,稱贊台灣展示左民主制度嘅力量加上自由市場經濟同充滿活力嘅公民社會令台灣成為印太地區嘅一個典範。哩段聲明唔單止祝駕蔡英文咁簡單仲好明顯係對中共嘅表態,然後蓬佩奧譴責中共殘暴鎮壓香港民主運動,譴責中共通過港版《國安法》,佢係一次發言入面話中國共產黨承諾比香港人民50年自由但只比左佢地23年,美國將繼續同熱愛自由嘅香港人民企係同一陣線,並就北京對言論、新聞、集會自由同法治攻擊作出回應。

美國商務部於2020年6月29日正式取消香港自貿區地位,香港對美貿易自由、經濟自由徹底結束。另外,蓬佩奧十分關心新疆人權問題,2020年2月2日,佢係哈薩克斯坦會見左來自新疆嘅五個哈薩克族穆斯林家庭成員,同外長討論左100多萬維吾爾穆斯林係中國嘅處境以及係新疆拘禁嘅哈薩克人問題。佢認為對基本人權嘅保護決定左一個國家嘅靈魂,佢發表聲明譴責制裁新疆生產建設兵團同兩名官員,仲呼籲全世界同美國企係同一陣線譴責並制裁中共對中國人民、人權嘅殘暴踐踏。

南海問題上,蓬佩奧支持東南亞盟友對南海嘅主權聲索,認為中共係哩嗰區域嘅單邊行動例如填海造地、修建機場、停泊港,係無「法理基礎」。而美國同東南亞盟友嘅利益遭受到黎自中共嘅「前所未有嘅威脅」,最令中共大發神經嘅,係蓬佩奧係尼克遜總統圖書館,發表主題為「共產中國同自由世界未來」哩嗰新鐵幕宣。入面強調左中國共產黨對美國同整個自由世界嘅威脅,佢呼籲中國人民改變中國共產黨,並敦促盟國同中國人民同美國合作一致向中共施加壓力。

尼克遜喺美國總統歷史上,第一次訪問中華人民共和國嘅美國總統,尼克遜同佢最高級嘅幕僚,同中國政府進行深入嘅交流,其中包括時任嘅中國中國共產黨中央委員會主席毛澤東。可以話係中美邦交嘅開端。蓬佩奧刻意係尼克遜總統圖書館,去宣讀新鐵幕宣言象徵着中美關係,由尼克遜開始,亦都係尼克遜結束。蓬佩奧話對中共我地必須Distrust and Verify不信任而且要核實。哩句說話,係引用自當年朗奴列根對住蘇聯嘅時候,佢話要Trust but Verify。

蓬佩奧明顯係指出今日中共比當年蘇聯嘅問題更加嚴重,蓬佩奧哩段說話一出,加上佢多次針對疫情而抨擊、指責中國,中國輿論再忍受唔到。中國影響力最大電視新聞欄目《新聞聯播》一連播發左五篇重磅評論,有四篇嘅主角都係蓬佩奧,有三篇直接點左佢名

4月27日《新聞聯播》發表評論
《散播「政治病毒」嘅蓬佩奧正將自己變成人類公敵》

4月28日《新聞聯播》發表評論
《背負「四宗罪」嘅蓬佩奧已經突破做人嘅底線》

《新華時評:蓬佩奧式荒誕邏輯包藏禍心》

4月29日《新聞聯播》發表評論
《人民日報鐘聲文章:這樣的拙劣表演還要持續多久?》

《急於「甩鍋」嘅美國政客仲要隱瞞幾多疫情真相?》
註:「甩鍋」係普通話常用嘅詞語,意思指推卸責任

其中28號評論指美國歷史上從未見過蓬佩奧咁樣國務卿,硬係要將中情局期間講大話、欺騙、偷竊嗰一套帶到美國外交場合,斷崖式拉低左美國嘅聲望,疫情發生以來,蓬佩奧變本加厲,佢所作所為已經突破做人嘅底線。評論仲列舉左蓬佩奧背負嘅「四宗罪」,即係見到中共咁嬲,我都好嬲,大家千祈唔好將上面哩段既內容,美國轉做中國,蓬佩奧變成中國官員,觀感係會錯曬,大家千祈唔好咁樣去解讀。

影片黎到最後,其實特朗普唔單止對外既CIA局長換左做蓬佩奧,佢仲係2017年6月提名Christopher Wray 出任聯邦調查局,即係FBI嘅局長,再係8月參議院以92:5表決讚成通過。FBI係美國司法部嘅主要執法同調查單位亦都係美國聯邦政府最大嘅反間諜機構。特朗普係務求對內、對外,都係一致全力對抗中共,美國聯邦調查局局長Christopher Wray 係2020年7月表示中國政府間諜同盜竊行動對美國未來係「最大嘅長期威脅」。中國已經開始強迫居住係國外嘅中國公民回國

中國正舉全國之力,採取所有手段,謀求成為世界上唯一超級大國,哩位FBI局長繼續話中國政府干預,包括經濟間諜、數據、貨幣盜竊哩啲影響深遠嘅行動同埋利用賄賂同勒索試圖影響美國政策非法政治活動。

仲話目前,美國FBI每10個鐘就會啟動一單新嘅有關中國反間諜案件,佢仲表示美國目前進行緊近5000單反間諜案入面,近一半都係同中國有關。之後佢仲話中國國家主席習近平率先發起了獵狐行動Fox Hunt面向住係國外嘅中國人,佢地被視為中國政府嘅威脅,佢地試圖揭露中國廣泛侵犯人權行為嘅政治反對者、持不同政見者同批評者。佢話中國政府希望迫使佢地返回中國,而中國實現哩一個目標嘅策略令人震驚。當無辦法搵到獵狐嘅目標時候,中國政府派遣特使去探望哩個目標係美國嘅屋企人,要傳遞嘅信息有兩個:一係即刻返回中國,一係自殺。

哩次不尋常嘅對話入面FBI局長對目前身在美國但出生在中國嘅人表示,如果中國官員試圖要佢地返回中國,可聯繫美國當地FBI。中國政府過去曾經為哩一啲行動辯護,佢話哩啲係合法反腐行動嘅一部分。無論從蓬佩奧人定哩位FBI局局長,都可見到特朗普係組成佢幕僚時候,目的都係為左反共,市面上有啲時評人話得彭斯同蓬佩奧係反共 特朗普唔係,我真係想叫哩啲垃圾最基本睇下維基,睇下係邊一個決定請哩班官員。

***謄本內容只反映影片創作者之立場,與燕子生命一概無關***

營運經費相當貧乏,敬請體諒我們投放少量Google Ads!

在囚手足能夠接觸外間資訊的渠道寥寥可數,Youtube 機頂盒為每星期從 Youtube 上挑選不同種類的專題影片並製作成謄本、印刷成信件並寄到在囚手足手上的長期計劃。

你唔需要使用真實身份同披露自己地址就可以同手足做筆友喇!

立即登記成為筆友啦!話俾在囚手足知我哋無忘記佢!

其他最新謄本

https-::www.youtube.com:watch?v=TSJwMZvw

拆解3張經典網圖Memes 的出處和起源! 黑人問號、父子吵架、女人指罵貓

皮毛小知識 | 娛樂類

https-::www.youtube.com:watch?v=TSJwMZvw

生殖科學大躍進!以色列「人造子宮」成功孕育小鼠 為何引發剝奪女性自主權爭議? 【TODAY 看世界】

TODAY 看世界 | 時政類

https-::www.youtube.com:watch?v=TSJwMZvw

6日5夜試車28萬韓國現代Hyundai混能設備王IONIQ Hybrid慳油之謎 4.6L/100km挑戰一缸油走900公里 #CarMan​─果籽 香港 Apple Daily

果籽 | 汽車類

https-::www.youtube.com:watch?v=TSJwMZvw

20210403 電玩瘋手機遊戲週報

巴哈姆特電玩瘋 | 娛樂類

https-::www.youtube.com:watch?v=TSJwMZvw

對香港無希望 我們都想移居去台灣 #財經​-壹週刊 Next

壹週刊 NEXT | 財經類

0