營運經費相當貧乏,敬請體諒我們投放少量Google Ads!

搜尋

點解做文宣都要攞資源?

點解做文宣都要攞資源?

最近收到手足嘅疑問,點解咁耐以黎都唔多覺有人攞資源去做文宣?你地憑咩攞資源?

首先要澄清返,一直以黎都有唔同嘅手足攞資源做文宣,只係以前文宣百家爭鳴嘅時候無人留意。

咁點解依家需要聚集資源去做文宣呢?(我地係聚集資源,唔係攞資源)

第一係個大環境唔同咗

第二係我地提倡俾大家嘅做法同以往唔同

先講依家個大環境點樣唔同咗

正如我地經常提嘅大家要承認我地依家係一盤散沙同埋行動力好低

好多手足湧出去做文宣嘅時候已經過咗

半年前大家可以光明正大 攞一疊文宣行落樓下就貼

大家可以肆無忌憚咁係連儂隧道由街頭貼到街尾 企係到識朋友傾計

好多手足set埋個位俾大家攞膠紙較剪 隨便貼 慢慢貼

再望下依家 你走遲半步已經差佬到 或者藍絲個拳頭就到

代表依家做文宣嘅成本同風險大幅提升

不單止落手做文宣嘅成本提升咗

由準備嘅功夫要隱藏身份 到做完文宣保護手足安全返屋企全部都係成本

以前大家會同朋友一齊係屋企學校公司每人印D攞落街

唔怕CAM 唔怕俾人拉 唔怕俾人打 唔怕因為做文宣俾人掉落樓

此為大環境的轉變

再講我地提倡嘅做法同大家嘅做法有咩唔同

先提一提我地燕子生命 Swallow Life 嘅本業係幫助更生人士重返校園

之前都提過大家要proof嘅我地可以嘗試邀請D朋友仔出黎解答大家

而我地呢套針對性高速嘅做法就係借鑒一班長期迴避警察嘅人嘅做法

一次行動針對唔同指定地點嘅高機動性

帶來嘅效益就係高效率地係唔同地方快速咁完成文宣工作

同時帶來嘅成本就係點對點移動嘅成本

成本高唔高呢?唔高 但係有

人數多嘅原則帶來嘅效益係提供一個基礎去完成工作

人數多嘅成本就係保護手足安全衍生嘅成本

大部份嘅手足依家都係零碎地工作

即係人數少 產量唔高 唔係systematic咁做

我地並唔係話無用 每一套做法都係互補嘅

我地聚集嘅資源唔係單單用係自己team

我地聚集嘅資源係教大家點做 幫大家去做 保護大家做得安全

重申多次,根據公眾衞生及市政條例,張貼文宣可遭當局票控,甚至被控刑事毀壞。網上教唆或煽動他人亦屬違法,切勿以身試法。我地只係係街見到D靚嘅文宣影低俾大家,手足們唔好再問我地攞作品,我地無作品,唔想俾人破門一艇拉哂,絕不做犯法野。