定罪前需處理的事
尊重每一位的決定，如果決定留低面對審訊，請做好心理準備，做定最壞打算，
由提堂後到正式審訊都會拖延一段時間，罪名較嚴重如暴動等更會拖延一年時間先到正式審訊。
記熟屋企人手提電話，之後如果被還押或被判入獄後，有要事要聯絡屋企人可以叫福利官幫你打電話
交代好身後事，例如電子儀器、帳單、未完事項、銀行戶囗／Facebook密碼寫低交俾屋企人或朋友
將朋友名單記下，方便入獄第一時間加名，記得要記啱名！！！每一隻字都要正確，同音字係唔會俾探訪
寫低自己鍾意既歌；鍾意睇咩類型既書；鍾意嘅野交俾親友
寫張授權書畀信得過的朋友，喺在囚期間幫你處理大小事務
授權書係畀律師、支援組織同基金睇，因應唔同原因，包括但不限於私隱，好多友好團體會拒絕提供協助，而家人又未必願意出面，呢個時候授權書重要性不言而喻
抗爭點滴 Stories of Resistance
圍牆支援手冊為在囚人士家屬及朋友提供一系列詳盡指南，包括探監物品、探監流程、探監規定、探監人數、懲教署認可交來物品、探監物資、各個懲教院所及監獄詳情等等。
Hozzászólások