《監房常用語》(2021版 共596詞)
前言 本書由一班在囚手足、懲教人員共同編寫,收錄監獄常見用語並附帶相關資料,儘量透視監獄生活,讓可能入獄的手足能作萬全準備。 坐監其實並不可怕,只是自由少了。監房地,除了性格決定一切,熟悉監房日常及術語亦是重要。 "既然我們無法改變環境,我們只有改變自己心境" - 55巴 55巴及一群有心人(放學手足)
懲教編制篇
【柳記】【老職】 懲教人員。 〖例〗 呢到啲柳記執得好正,自己醒扒啦。 〖註解〗 此稱呼最好不要在懲教人員面前使用,留在囚友間使用就好。囚犯還是稱懲教人員為「呀Sir」、「Madame」比較不易出事。此稱呼由來有兩說:「柳」為匙 之俗語,懲教人員每天都要用匙開閘鎖閘,因此稱作「柳記」。懲教的徽章左右 由兩條「柳」組成。
【老福】 福利官。 〖例〗 老福到咗,你仲唔搵佢落薄申請入鉛筆? 〖註解〗 福利官身穿便服,專門處理囚犯福利事宜,包括上訴申請、保釋申請、假釋、物資申請、幫忙打電話聯絡親友等等。福利官會在平日(非公眾假期)每天定時到 不同期數工作。當他們到達時,B仔會大叫通知囚犯,囚犯就會排隊。
【老感】 感化官。 〖例〗 你揹啷啷時,老感會成日打俾你check你。
【老細】 當值期數(工作)的懲教人員。 〖例〗 老細話你好串呀,特別多要求,你實無運行。 〖註解〗 每期數長期也有兩個老細輪更看守,千萬不要得罪。通常一老細手緊、一老細手鬆,一緊一鬆是監獄哲學。
【正莊】 管理期數(工作)的懲教人員。 〖例〗 老細話唔到事,如果有調動要求,要同正莊講。 〖註解〗 每期數長期也有兩更共四個正莊輪住更看守囚犯,千萬不要得罪正莊。
【四手】【四哥】 負責轉移囚犯的懲教人員。 〖例〗 你哋喺喥等等先,四手嚟緊拎你哋去拜山。 〖註解〗 懲教人員有一飯數是負責轉移囚犯去不同設施,一般都是由四手做。(四隻手都做唔晒,頂更,替更) 。
【三首】 負責起居活動跌序的高級懲教人員。 〖例〗 三首殺到你仲打波? 〖註解〗 如果要入水飯房,必須在三首房門口企。
【金邊】 膊頭三粒花的懲教長官。
〖例〗 帽子上有金邊。
〖註解〗 非常高級。
【沙展】【三柴】 【AOI(I讀作一字)】 一級懲教事務助理。
〖註解〗 膊頭三柴的高級懲教人員。
【老幫】【幫辦】 懲教主任。 〖註解〗 膊頭一粒花至兩粒一瓣以上的懲教人員。
【散仔】【白板仔】 【AOII (II讀作二字)】二級懲教事務助理。 〖註解〗 膊頭無嘢的懲教人員。通常在晚間看守囚犯睡覺的老職就是這種職級做的,屬 低級。
【保安】【治安仔】 【治安組】 保安部。 〖例〗 監獄內的警察。 〖註解〗 保安部是監獄內地位超然的部門,管埋懲教人員的,千萬千萬不能得罪保安,佢 哋有權控制埋懲教人員的,見親佢無好事。負責所有保安,搜身搜倉,工作期數。
【保護組】 負責保護被人打得很嚴重的人又或者保護篤灰的人。 〖例〗 通常性罪犯一定比人打。 〖註解〗 保護組: 一) 同囚犯講唔準打佢 / 保護組二) 去小欖保護組囚禁篤灰的人。
【職員】 懲教人員屬懲教署。
〖註解〗 負責看守。
【師父】 懲教人員。 〖例〗 你想學車衫去問師父教你。 〖註解〗 教授技術。車衣技巧,木工技巧,做口罩或做鞋技巧等。
【醫官】 有醫療常識的懲教人員。 〖例〗 每日早上及下午會去所有期數派藥。
〖註解〗 在監獄內醫院工作。
【監房地】【環頭】 監獄 / 監房。 〖註解〗 「地」及「頭」字讀上聲。
【期數】【工作期】 囚犯們被分配至不同組別生活及工作賺工資的群組。
〖例〗 洗衣期,廚房期,流倉(清潔期)等等... 〖註解〗 工作(不同監獄有不同期數) 。
【外圍期數】【C.M.O.】 負責職員宿舍清潔的期數,又或安排在監獄外剪草的期數。
〖註解〗 包括運輸工作。
【大棚倉】 很多囚犯(可多於二十個人)的倉。
〖例〗 7-9人或20人一個倉。 〖註解〗 「棚」字讀上聲。
【單人倉】 一個人的倉。 〖例〗 Single Cell, 只有石壁及赤柱。 〖註解〗 最高級別的囚犯會安排單人倉瞓覺。每個單人倉有獨立廁所及洗面盤。
【孖房】 兩人(2個囚犯)的倉。 〖註解〗 較高設防級別的囚犯會安排二人倉(當單人倉滿咗的時候)。
【無煙倉】 非吸煙期數。
〖註解〗 口罩期,印刷期等。
【返倉】【上倉】 每天晚上回倉睡覺。 〖註解〗 返倉前都要執包頭、數人數、排隊上倉。
【換倉】【轉期數】 換其他倉。 〖註解〗 好小機會可以主動換倉,除非是例行換倉、安全理由、不和等。你唔滿意同倉, 可以試下同B仔舉咗扒先,那個囚室B仔會同老細傾下。
【編倉】 由B仔及正莊編囚犯瞓哪個囚室。 〖註解〗 編倉時B仔、正莊會編排好牌仔去不同格(代表不同倉)。
【大地】 球場。 〖註解〗 不同監獄大地都不同,有些很細、沒有球架。
【水房】 沖涼室。 〖註解〗 通常在大地附近會有一個浴房,有熱水供應。
【水記】【水飯房】 【獄中獄】【豬肉房】特別囚禁室、單獨囚禁,懲罰用。 〖註解〗 若你做了違規事被職員捉到,按監獄規例將你單獨囚禁,同時亦可加監。
【指模房】 懲教人員行政大樓。 〖註解〗 會見犯人及行政地方,上庭或外出睇醫生(一出一入監獄必須在此辦理) 。
【活動室Dayroom】 日常活動地方。
〖例〗睇電視/ 打康樂棋/ 玩結他唱歌/ 捉棋等康樂活動。 〖註解〗 囚犯晚上在倉休息,日間會到一大房活動(當無工作時),稱為Dayroom。
【圖書館】 每所監獄都有一個圖書館。
〖註解〗 圖書館唔會真係俾你入去睇書。如你要借書,只能喺期數問老細借圖書館目錄,然後向老福申請借嗰本書,老福會之後拎俾你。
【宗教班】 每星期都可以去宗教班。
〖註解〗 要先向老福申請你有信仰,之後先可以參加不同的宗教班。
【Pantry】 食物儲存室(派飯的地方)。
〖註解〗 飯菜運到Pantry,之後再分配給犯人。(Pantry也是一個期數名稱)。
【拜山房】 探訪室。
【控制室】 有CCTV,遙距控制閘門開關。
【鎖匙房】管有監獄內所有鎖匙的室。
【大閘】監獄主要出入口,用人手開門。
【電閘】監獄主要出入口,㩒制通知由控制室開門。
【槍房】懲教人員收藏槍械的室,設有練槍房。
【開期數】 等候去工作時閒聊的時間。
【保安室】 保安組的辦公室。
【電腦房】【多媒體室】 有電腦等設備的課室供囚犯上課時使用。
【宗教室】 專門用於進行宗教班的室。
【育嬰室】 設於女監讓孕婦囚犯使用。
【保護房】 是防自殺和防撞擊(Protect Room)。
【炮樓】 監視的地方(瞭望台)。
【醫院】正常的醫院(有醫生病房)。
【倉】【籠】一格囚室,囚犯晚上睡覺的地方。
【細倉】小量囚犯(二至八人)的倉。
【監頭簿】用來申請買物資(例如買包頭袋)及申請入物資(例如入結他及鬚刨)
【心理組】【見心理】懲教社工。一些謀殺犯及強姦犯接受心理輔導的期數。
【飯堂】【Dining Room】囚犯食飯的地方。
【開 Board】 見官安排分配到哪監獄
【篤鐘】夜更職員大約相隔20分鐘會巡視一次
【STI】(Staff Training Institute)學堂
【日尾】 中更(職員用字)
【夜頭】 前夜更(職員用字)
【夜尾】 後夜更(職員用字)
【左更】【右更】 不同的更份(職員用字)
【JP】 太平紳市
【總壇】 總部。
【監頭】 懲教署高級官員 。
【帶班】 值日官。
【心口費】 CSO守小欖精神痴線倉有額外津貼。
【姑娘】 女懲教職員。
【九門提督】【做大閘】負責管所有匙。
物品篇
【牌仔】 犯人身份證。 〖註解〗 每名囚犯也有自己的名牌(又稱為「牌仔」),記錄了個人照、名字、囚號等資 料。罪成者牌仔背面會有出獄日期(流把及堅把)。懲教人員每次轉移囚犯到不同 位置時皆要記錄牌仔,因此牌仔就如同身份證一樣,務必跟身。
【包頭袋】 一個塑膠手提包可供放物品(手提包)。
〖註解〗 包頭袋要向福利官落薄申請。
【藍燈籠】 藍色的Tee。 〖註解〗 藍色的Tee作為內衣。有分長袖及短袖。
【厚笠】 泥黃色的外衣,過頭笠。
〖註解〗 裡面抓毛十分保暖。
【艇仔】 膠匙羹。 〖註解〗 B仔會每人派一個,只有用爛才可向老細申請更換。
【金枝】【金】 火柴。 〖註解〗 食煙的人每月可獲派一盒傳統的火柴。
【拖水】 毛巾。 〖註解〗 毛巾要由外面經入物品獲得。
【滑石】 肥皂。 〖註解〗 滑石在水房門口會有派,是一小舊長方形的肥皂。亦可由外面經入物品獲得。
【勝】 書。 〖註解〗 「書」「書」聲,同「輸」同音,意頭唔好,因此反為改稱書作「勝」。
【Night】 鹹濕野。 〖例〗 你睇下條撚樣,成個Night頭咁。
〖註解〗 用於形容鹹濕的東西。
【Night勝】【海中書】鹹書 〖例〗 借本最新Night勝嚟落下Night可以嗎? 〖註解〗 監獄裡面當寫真集係鹹書,好多犯會叫親友探訪時入幾本正妹寫真集(不能露點)。
【三寶】 頭痛藥,感冒,咳。 〖註解〗 三寶即是治傷風感冒的三種藥物。有囚友相信三寶可以當毒品咁食去止癮。
【四寶】 頭痛藥,感冒,咳,敏感。 〖註解〗 四寶食完好眼訓
【藍被】 藍色薄薄的夾棉被。 〖註解〗 每人可獲發一張毯,冬天可以拎多張。
【毯】 床被。 〖註解〗 每人可獲發一張毯,冬天可以拎多張。啲毯萬年都唔洗,而且好棘手。老荔逢星 期四可以換毯。
【摺毯】 摺被。 〖註解〗 每天起床時都要將毯摺好,老職朝朝早都會巡每個倉check毯。監房有摺毯的標準,不能亂摺,要叫黑手教你點摺。
【假毯】 摺好的摺被。 〖註解〗 為了不用每天摺毯,囚友都會偷多塊毯摺定摺好裝飾用,朝早將假毯拎出來比 老職check,真係用塊毯就塞入床底見唔到算。
【漿水】 洗頭水。 〖註解〗 漿水一定要由外間入物品入來。
【茶嘜】 水杯。 〖註解〗 茶嘜只限每人一個,要用到起哂漬或爛先可以同老細申請一個。
【撻沙】【西瓜皮】 拖鞋。 〖註解〗 拖鞋每人一對,唔可以多,會當違規。監房撻沙會重用,好多時啲腳病就係咁交叉感染,要小心消好毒先用。
【貓仔】 收音機。 〖註解〗 貓仔要向老福落薄申請,由外間入錢先有。
【貓糧】 收音機電池。
〖註解〗 貓糧有分大電同細電,皆要由外間經入物品入來。
【猛龍】 煙咀器。
〖註解〗 有時由食私飯的囚友食剩嗰隻鵝骨打磨好,拎嚟做煙槍仔駁長枝煙來食煙。
【彈彈】【矮瓜】【矮瓜仔】 警棍(紳縮棍)。
【雀】【煙仔】 煙。
〖註解〗 還柙時,煙由外間經入物品入。受正時,煙必須由工資 買。煙在監房等於錢,非常非常重要,所以千萬不要話自己唔食煙,唔係懲教可 以禁止人哋入煙俾你。
【非】 一非即是一煙仔。
〖註解〗 煙仔數量詞。
【朗廊】【搭金】 打火機。
〖註解〗 「廊」字讀上聲。打火機只有懲教人員有,有時啲老職好人會借個打火機俾你 「點雀」。但咁做係懲教人員及囚犯都違規的。
【老軍】 職員制服。
〖註解〗 受正時要幫懲教人員洗制服及盪靚制服。
【起骨】 職員制服盪得四正。
〖註解〗 盪靚懲教制服叫起骨。
【太空褸】 棉外套。
〖註解〗 冬天時囚犯制服會多件棉奧保暖。
【四拍四】 監房打架招式。
〖註解〗 以前流傳下來的打架招式,一個四拍四即刻全身無力。
【一件】 【一籠雀】 一件即是一包煙。
〖註解〗 煙仔數量詞。
【公仔】 紋身。
【刮仔】 梳。
【糖紙】 糧單。
【大糖】【大糧】 糧是一星期計算, 如果那個月有五個星期就會出多一星期糧。
【糖期】 出糧日子。
【老鼠】 灰色襪子。
【太空被】 幾件太空褸也拆開來,合成做出一張被。
【祭品】 家人入的物品。
【電話紙】 犯人是可以填寫一張電話紙,把要傳出的口訊及收訊人資料寫下,福利官會盡 快把你的口訊送出。
【藍煙】 藍色包裝的「華爾夫」。
【白煙】 白色包裝的「珍多利」。
【死貓】 已壞掉收音機或電鬚刨。
【扇把】 廁所。
【纖維床】 床 (2呎半 x6呎 x1呎高) 。
【底橫】 內褲。
【蛋】 錶。
【金蛋】 金錶。
【大網】 囚犯冬季風䄛。
【流星槌】 洗廁所擦。
【幾棍】幾支煙。
【一條飛】 俾1,000蚊可以有幾多包煙。
【猛頭】 煙頭。
囚犯篇
【老冧 (老Num)】 犯人編號。
〖註解〗 每個還柙/受正的人都有自己的編號。
【老終】 終生犯人。 〖註解〗 終生監禁。
【老鬼】成年囚犯。
【Y.P. 仔】【Y仔】 未成年囚犯。 〖註解〗 21歲或以下囚犯可被當作未成年。
【白手】【阿養】 第一次坐監的人。 〖註解〗 老職會照顧白手多少少。
【O.N. (Other Nation)】 外國人。
〖註解〗 監房的O.N. 通常是黑人、南亞、南美、越南仔,都會有美國人、日本人等。
【B仔】【蛇頭】 協助懲教人員管理囚犯的囚犯(班長)
〖例〗見你成個通天經理咁,有冇諗過做埋B仔? 〖註解〗 B仔是由囚犯擔當,協助懲教人員管理囚犯,他們是由懲教人員提拔,如同讀書 時的「班長」、「風紀」。B仔的工作主要是派飯、派物品、點人數、處理囚友 之間的爭執等。B仔有某程度的特權,有時囚友需要額外物品時,B仔可以提供, 因此當B仔有較高待遇。監房規矩中,期數每星期會抽出數人清洗廁所、掃地等, 這些人也稱作B仔,但他們沒有特權,這種B仔低下,多半無人尊重。當你抽中要當這種B仔,通常也可用煙請人替工,總有一些缺煙又不介意做低下工作的人會樂意頂替你,如 O.N.等。
【寶馬】 保安隻馬,係監房25仔囚犯,幫保安收風。 〖註解〗 囚犯將情報上報比保安,收到重要料會有所獎勵。
【老屎窟】 經常嚟坐監嘅人。 〖註解〗 有些慣犯一出獄就做大事又入返去坐,佢哋通常會覺得坐監比出面更好,不用煩衣食住行。
【死火山】 無人探監的人 〖註解〗 通常都係O.N.先會係死火山。
【星星仔】 牌仔標記星號。 〖註解〗 如牌仔有標記星號,即此囚犯有特別狀況,懲教人員在移動囚犯時會儘量不安排有此標記者共處。
【斑馬仔】 牌仔標記滿斜線。 〖註解〗 如牌仔標滿有斜線,即此囚犯可能在自己的案件上是污點證人(俗稱「二五仔」), 懲教人員絕對不會安排「斑馬仔」共處。
【茶仔】幫職員運送職員餐的囚犯。 〖註解〗 同職員熟有好多優待(多數性罪犯去做因怕他們被其他囚犯打) 。
【Sexsusle】【S.O.】性罪犯。
〖註解〗 S.O.仔最低賤,個個囚友最睇唔起衰S.O.,會俾人恰到上心口。
【M.O. List (Medical Observation)】 【孖簿】 情緒不穩犯。 〖註解〗 M.O. 會送去小欖精神病治療中心,通常單獨囚禁,專鎖啲痴線的犯,有犯仲會 玩屎同成日大叫 (不同情況有不同治療方式) 。不能用工具及操作機器工作。
【D.O.】【甩簿】 由M.O.變返正常。
〖註解〗 當你情緒慢慢穩定下來,就會將你由M.O. List落返去D.O. List,再觀察多一段時間後都無事,就會變返正常人(須由小欖精神科醫生寫報告)。
【E List (Escapee)】【走犯】逃監者。 〖註解〗 在監守期間曾經逃走。
【小欖神秘組】 幫緊保安局做25仔指證緊人,即「污點證人」。 〖註解〗 一些有罪在身,但又幫緊保安局做25仔指證緊人時,個犯人就唔再由懲教處管, 係改由保安局管,但保安局無地方存放呢一批犯人,所以交由小欖,由懲教處代管,呢班人好串,食飯都係食監房野,但要指定點樣煮。
【Cat A】【Cat B】 【Cat C】分別為甲級重犯(12年以上)、乙級犯(12年至5年)、丙級犯(5年以下)。 〖註解〗 嚴重案件,重要人物都會分類去Cat A(石壁及赤柱),Cat B(壁屋及白沙)及 Cat C(塘福及東頭) 監獄。(有好多時會在同一監獄,例如CatA CatB 會同時候在石壁)。
【終身號碼】 囚犯號碼(你是第幾個入獄)。 〖註解〗 囚犯號碼無論入去幾多次,都會用返同一號碼所以叫終身號碼。
【黑手】【老雀】 坐過監的人
【天蠶】 不能工作的人。
【客仔】 懲教稱犯人。
【墮冷】 囚犯。 【I.I.】 非法入境者。
【老同】【老道】 道友(吸毒者)。
【飯B】 負責飯堂清潔的犯人。
【廚房仔】 廚房犯人。
【指模仔】 指模房工作的犯人。
【擦鞋仔】 囚犯,負責為亞Sir做跑腿(托大腳))。
【B女】女監用詞。
【大圈】 大陸人囚犯。
【毒品】DD。
【企日】 值日。
【乖仔】 商業罪犯。
【早房】 為早飯作準備的廚房仔。
【Checker】 各期數中的工作囚犯阿頭,負責check所有製成品。
【老總】 話事人。
【士多仔】 由一群眾犯用自己的糧去買各類物品組成士多, 高於糧單價出售比囚友。
【老襯枱】 白手編埋一齊的坐的枱。
【暴動仔】 暴動罪入獄的人。
【廚師】 製毒師。
【天殘地缺】 斷手斷腳及患病犯人組成。
【桂枝】 香港犯。
【所員】 犯人
【大碌鬼】【大巴】 十年以上刑期的人
【馬交仔】 澳門人。
【馬拉仔】 馬來西亞的人。
食品篇
【妹】 粥。
【甜妹】 紅豆/綠豆等甜的粥。 〖註解〗 荔枝角每日午餐。
【鹹妹】 微豆、花生、黃豆粥。 〖註解〗 荔枝角每日午餐。
【四大】 四款零食(m&m朱古力、肉乾(豬肉乾及牛肉乾)、蔥油餅、尤魚絲)。 〖註解〗 可由探訪時由外間入物品入(還柙完後拍正過界時,不能帶過界)。
【黃匿】【黑匿】 黃色或黑色包裝朱古力。 〖註解〗 可由探訪時由外間入物品入。受正後只能由工資買。
【游水】 魚。 〖註解〗 通常是池魚(最難食,唔去魚鱗)、鯖魚、秋刀魚等。
【大菜】 肉類。 〖註解〗 通常係一塊薄薄用白水煮嘅牛肉或者牛肝又或者係豬腩肉。
【Jam包】 搽果醬的方包。 〖註解〗 有些環頭宵夜時會派的。
【油包】 搽牛油的方包。 〖註解〗 有些環頭宵夜時會派的。
【O.N. 餐】 為外籍囚犯設計的膳食(西餐) 。
〖註解〗 不同國藉、宗教可向福利官申請食不同的菜式,如西餐、素食、印度餐等 。
【私飯】 自費申請由外間指定餐廳供應膳食。 〖註解〗 私飯要向老福申請,由外間每星期勾選菜單及交錢。只有還柙者先有此待遇。一個月費用可達5000元,但三餐均可自選不同菜式,以前更加可以有紅酒飲。當你食私飯,會安排去返食私飯的期數。通常還柙手足好多都去私飯期。
【對餐】 換餐。 〖註解〗 O.N.把西餐換你個常餐。
【大米】番薯。
【咖哩餐】為亞洲囚犯設計的膳食餐。
【糖尿餐】糖尿患者專餐。
【常餐】香港人及大陸人專餐。
【飲仔】飲品。
【換餐】用煙買其他人的餐食。
【齋餐】食素菜餐
【免豆餐】小部份犯人因對豆類敏感或因痛風症不能食用豆類。
【碎肉餐】 部份囚犯因年齡老邁及健康問題導致牙齒大量脫落(多數因吸毒所致)。
【免豬餐】【免牛餐】 宗教問題不食豬或牛。
【羅D餐】【咖哩餐】 回教餐。
【Court】 一人一碟。
【地下餐】【出餐】 買常餐以外的東西。
【細P】 傷風,敏感都是食細P,而細P也可以令人瞓覺。
【大P】 頭痛或者其他病就會大Panadol。
【食水飯】 懲罰,只有白飯加水。
【朝肉晚魚】 現時囚犯飯餸,早餐規定食肉(豬牛),晚餐食魚(魚雞)。
【生日蛋糕】 由麥餅及朱古力所製成。
【包奶】 晚上回倉時的提子包及牛奶(由奶粉開)。
日常用語(程序)篇
【隔渣】 例行隔離期。 〖例〗 你啱啱新鮮送入嚟呢到,你要去隔一隔渣先返到大倉生活。
〖註解〗 每次轉界時,可能要例行先單獨囚禁幾天隔離完才可正常生活。
【隔離】 14日隔離期 〖註解〗 因為武漢肺炎而設的隔離。
【拜山】 探訪。 〖註解〗 探訪分為親友探訪或公務探訪。公務探訪是律師或公職鐘見你。親友探訪有設上限,還柙是每天1次15分2人上限;拍正是每個月2次30分鍾鐘3人上限,經老福申請可增加多2次。
【擺柳】【渣水】 屙尿/驗尿。 〖例〗 大福上咗去毛房擺柳,佢啲野放住喺道先。
〖註解〗 去廁所又可叫擺柳,去驗尿都可叫擺柳。
【擺堆】 屙屎/驗屎。 〖註解〗 監房好少叫疴屎,叫擺堆多(通常要做廚房的囚犯必定要驗大便)。
【中柳】 驗尿結果對毒品有反應。
〖註解〗 吸毒可加監甚至報警刑事調查。
【摸頂】 剪髮。 〖註解〗 每月都會有囚友(由做過髮型師的囚犯做)去唔同期數幫犯人「剪髮」,髮型有 指定樣式,唔能夠隨心剪(2支煙是剪髮費)。
【打雀】 吸煙。 〖註解〗 雖然監房內有分吸煙,但都有人唔會理,周圍吸都得,但唔好影響人及太串。
【響貓】 監獄中央播放收音機廣播。 〖註解〗 老荔每朝早六點半都會大聲播收音機作為鬧鍾。
【咋病】【扮B】 睇醫生。 〖註解〗 定期B仔都會問有無人扮B,如果有就會安排去見一見醫生,不過啲醫生勁衰,當你係賤種咁睇症的。有啲事項房比如申請入牙線、睇牙、睇長期病患,係必須扮咗B先批准才可進一步到其他醫院醫治。
【放風】【行街】 去操場活動時間。 〖註解〗 唔同環頭唔同期數,有唔同放風時間。通常都得1小時左右行街。會去大地放風。
【踢竇】【清棚】 保安部人員搜查倉。 〖註解〗 保安間中會突擊查倉,如果查出違規野會被釘水記及加監。包括搜身。
【劃飛】 以真錢買賣煙(違規的)。 〖註解〗 透過外間人士進行金錢交易(如探訪時叫親友幫手轉數等等),然後在牆內送煙俾囚友。發現的話可以刑事起訴(在監獄煙就係錢)。
【殺到】 高級懲教人員或太平紳士每天例行到來期數巡查 〖例〗 殺到啦!全期數快啲收哂違禁品! 〖註解〗 每天高級懲教人員或太平紳士也會巡查期數,當懲教人員收到上頭通水說某長官行緊落來期數巡時,懲教人員就會即時叫全期數的人醒水收野,將違禁品收 藏、物件擺返好位。當殺到來時,全期數的人都會列隊站好、大叫口號,例如: 「Morning Sir!」、「Afternoon Sir!」。
【出包頭】 將入獄時的私人物品送出監獄。 〖註解〗 剛進入監獄時,你的所有隨身物品會收入監房的夾萬內。你可以向老福申請「出包頭」,將某些物品交回家人保管。
【入包頭】 將衣服入監獄上庭時着 〖註解〗 同出包頭相反,家人入野時可入衣物去你包頭,通常係你就出冊或上庭時入新衫比你著。要向老福申請。
【通櫃】 肛門檢查。 〖註解〗 新鮮入獄/過界時都要先過安檢,保安會安排你去照X光睇下有無收藏物品於體 內。以往不是照X光而是直接通櫃。
【入櫃】 塞物品入肛門。 〖註解〗 違禁的,會被加監、隔渣等啲野擺堆擺返出嚟。
【上橋】 將物品塞入鼻孔內。 〖註解〗 也是違禁的,會被加監。
【叫床】 每朝六點半叫醒犯人。
【派糖】 派藥。
【打棋】 日常的活動如下棋、玩「康樂棋」。
【見一碌】 到出冊前一年監頭阿一會召見。
【見一隻】 所有犯人在出冊前一個月亦會作召見。
【見一day】 所有犯人在出冊前的一天,亦會再被監頭阿一召見。 【做值日】 清潔工作,輪流做,包括洗廁所。
【買糖餅】 出工資時買懲教署管有的食物。
【扒堆】 搜查犯人的糞便有否毒品。
【收茶水】 值日收茶水。
【又食】 開飯。
【打八爪】 打手印。
【大洗】 受正時,星期日不用工作,但做倉清潔。
【見保安】 去保安室見保安必定唔方好野。
【搜倉】 搜查你訓教的地方。
【過界】 由一個監獄轉去另一監獄。
【耕沙】 食飯。
日常用語(名詞)篇
【排頭】 監房規矩。 〖例〗 你咁做唔係好啱排頭喎。
〖註解〗 「頭」字讀上聲。
【牌頭】 名、字號(黑社會)。
〖註解〗 唔好亂叫人牌頭。
【收晾】【清晾】 收起晾起的毛巾、衣物等物品。 〖例〗 夠鐘殺到啦!收晾唔該!。 〖註解〗 通常在殺到、例行搜倉前都要收晾,因毛巾、衣物等物品擺放唔整齊可以係違規的,所以高層巡前會「走鬼」清晾/收廊。
【打風】 保安人員大搜查。 〖例〗 收到風因間保安會上去J. Block打風。
〖註解〗 保安有時會有例行的大型搜查。
【花朵】 花名。 〖註解〗 監房啲人各有花朵。
【擺石】 落雨。 〖註解〗 有時擺石就無得放風。
【Account】 入野的限額。 〖例〗 你都無人入煙,不如借個Account嚟入煙得唔得?我搵人探你入煙,你到手就比我,你可以分返10飛煙仔。 〖註解〗 入物資有上限,有時爆咗上限又唔夠用,就唯有借其他人的限額入野。咁樣發現係違規的,因為所有入的物資都會寫上囚號同名,其他囚犯唔可以拎其他人的 物件。
【落Night】 打飛機。 〖例〗 上到倉都無野做,唯有落下Night。 〖註解〗 打飛機在監房會視為自殘,可以加監及釘上水記的,所以打飛機時唔好咁揚。
【水蛇】 自製水喉。 〖註解〗 夏天時有時熱到上倉都出哂汗好辛苦,有人會用垃圾袋卷做一條喉,用金枝熔邊令佢痴埋,再駁去洗手盤個出水位當係花灑。呢件野係違禁品。
【肥妹】 自製飛機杯。 〖註解〗 用膠袋及金枝熔好一個冬甩形狀,再以溫水注滿,塗上BB油就成為一個飛機杯。
【火腿】 腳、腿的位置。 〖例〗 俾人收咗兩件喺火腿位,好痛。
【大衛日】 紅色公眾假期。 〖註解〗 有啲大衛日會加餸,比如喺新年、中秋,會有月餅、雞髀等等食。
【Pen Friend】 筆友,常用於男監寫信俾女監溝女的人。
〖註解〗 囚友常書信來往。男監啲犯成日都會寫Night信、畫Night圖去女監溝女。溝開嗰啲叫Pen friend。
【貓鏈】 將犯人手鎖上某地方的鐵鏈。 〖註解〗 一般指囚犯送出外面醫院做治療時為免走犯,懲教會將個犯隻手鎖上張病床邊。
【雷】【雷氣】 義氣。 〖例〗 唔係咁無雷(無義氣)呀?
【Double Lock】倉門要兩條匙。
〖註解〗 通常每一個倉都要用兩條匙開,一條係普通老職,另一條係高級老職先有。有說如果喺倉入面打架,打死都未開到道門,因為高級老職唔係隨時喺道。
【包頭】 所著嘅衫、手錶、頸鍊等,全部除低,換囚衫。或所有隨身物品。 〖註解〗 當轉移地方時,要拎齊包頭,即係拎走所有自己的物品。
【大檔】非法賭場。 【柳條】鎖匙。 【薯仔】拳頭。
【單位】【瓣數】社團(黑社會) 。
【油位】好處多的位置。
【孖葉】手銬。
【倉租】繳交囚倉費用給B仔。
【枱租】飯堂坐枱費用給B仔。
【架兩】和事老。
【架步】經常活動地方。
【馬檻】色情架步。
【份快勞】【Record】 出獄。
【豬車】【豬籠車】 押解上庭的犯人之囚車。
【牛車】 押解上庭的犯人之囚車。
【狗鏈】 捆犯人腰間的鐵鏈。
日常語(動作、形容、助語)篇
【落薄】 寫低你嘅要求申請事項。 〖註解〗 常指老福本薄,老福會記低你嘅申請。
【監頭薄】 B仔才可以寫。 〖註解〗 指老細本薄,例行記錄期數發生嘅事(包括囚犯須要申請物資都要寫入去),如同 流水薄。
【爆骨】【爆Lock】 懲教人員開倉門。 〖註解〗 倉門要由老職用佢哋嘅鎖匙開門。
【頂蓋】【禁骨】【上Lock】 關倉門。 〖註解〗 每晚返倉之後就會由懲教人員上鎖。
【摸光】 梯光頭。 〖註解〗 唔係個個都可以咁做,因為髮型要同牌仔張個人照一樣。有時因為好多蚤,頭皮發炎而要摸光。
【飛朵】 關照人。 〖註解〗 有時有勢力的人會交帶裡面自己人關照下某人,叫「飛朵」。
【埋堆】 結識人。 〖註解〗 埋堆還埋堆,唔好過於親密。
【執生】 靠自己解決問題 〖註解〗 在監房地,永遠只有自己最信得通,其他人都信唔過。執生是監房真理,有咩事無任何人會幫到你。
【打包】 指人死咗 〖例〗 條大碌鬼睇唔開,喺醫院打咗自己包。
【朵紙】 以紙仔通訊。 〖例〗 幫我朵張紙俾隔離期數個大毛。 〖註解〗 囚犯會被分配至不同期數,期數有自己的生態,因此不同期數的人很少會碰到頭。若要與其他期數的人溝通,唯有寫在一張紙仔,拜托別人傳過去。朵紙是不允許的,被發現可以鎖上水記,而紙內容亦可在過程中被人拆開來看。朵紙一般做法是寫好一張紙,然後摺成很小,再寫上目標囚犯名字、囚號及所在期數,再拜托B仔幫忙傳遞。
【打爛】 由Cat A (甲級犯人12年以上) 轉 Cat B (乙級犯人5-12年) or Cat B 轉Cat C (丙級犯人2-5年), Cat D (丁級犯人2年以下) 香港犯人四級, 但通常大家只知A,B,C 三級。
【閪冧】 亂來,亂七八糟。 〖例〗 閪冧咁操,條友操到佢就打包。
【加柴】 水房熱水加熱。 〖例〗 啲水好凍呀!出面拍硬當加加柴!
〖註解〗 水房的熱水要靠出面的B仔調溫,有時唔夠熱就會有人大叫「加柴」。
【賭勝】 用書本掀頁數來賭。 〖註解〗 賭博在監房內都常見,其中一種賭法就是掀勝猜頁數。奉勸千萬不要在監房賭,往往都不會有好下場。
【收夠籌】 夠數。 〖例〗 監房地,人人都是過客,你無謂太過份,收夠籌就算數。
【踎班】 踎底在地上,雙手放在頭上。 〖註解〗 有時出現大型打鬥時,懲教會喝令所有人踎底,雙手擺頭。
【飛針】 打針。 〖註解〗 一般指打「懵仔針」,即打鎮靜劑。
【歸邊】 放整齊物品於一邊。 〖例〗殺到啦!收好晾!茶嘜歸邊!
〖註解〗 殺到時要將物品放好,尤其係所有茶嘜要整齊地放在枱邊稱「歸邊」。
【曬】 瞓覺。 〖例〗 條友喺倉曬死咗。
【擺橫】 打橫躺臥。 〖註解〗 在Dayroom,每將枱都有長櫈,有囚犯會打橫訓喺張櫈到,叫「擺橫」,係違規的,而且有啲人會覺得咁樣做係串。
【耙正】 執返正。
〖例〗 呢排老細換人,好多嘢都要耙正返。
【巴, Bro】 辛苦。
〖例〗 呢個期數特別巴,唔知幾時先調得呢?
【劏狗】 罵職員。
【跑山】 四處籌錢。
【點檔】 做表面功夫、粉飾太平。
【點燈】 點煙。
【熄燈】 弄熄支煙。
【二喱嘢】 小事一椿。
【洗地】 拖地。
【報串】 篤灰。
【初柴】 用紙巾卷到長條形狀作為一枝芯,通常用來放在BB油上做香氛。
【打紙】 入紙, 傳紙。
【陪殺】 一齊送死。
【打蛇】【打餅】 蛇王, 偷懶。
【出飛】 出售香煙。
【入飛】 購入香煙。
【分身家】 出冊前也會將你的物件,及餘下的工資作安排賣出或贈送給好友。
【爆勇】 報串。
【打】 傳東西。
【擺門】 玩野。
【威咗】 完成、通過。
【讀勝】 讀書。
【睇勝】 睇書。
【聽貓】 聽收音機。
【問間】 入過幾多次監獄?
【攞彩】 顯示威風。
【度頸】 吊頸自殺。
【落竇】 將違規物品收藏好。
【震】 驚。
【着左】 嬲。
【扮堅】 扮作能者。
【玩到濕晒】 被人欺騙。
【同仙交惡】 同有勢的人交惡。
【線獲】 損害人。
【甘】 好巴。
【食滑頭】 被人攞着數。
【花】 呃。
【撈偏】【行古惑】 做偏門事。
【詐形】 不滿。
【唧濕】 連累人。
【搭棚】 混埋一起。
【重拍】 判得很重。
【拖水落樓】 毛巾不要掛在肩。
【二喱】 少少。
【花話】 大話。
【一家人】 一班人輪流吸一支煙。
【有鵰】 有睇水、天文台
【跌】 請人食嘢。
【斷】【斷正】 被發現。
【扒】 手。
【單扒】 單手、獨臂。
【揸扒】 握手。
【攞人】 提取囚犯。
【收兩件】 被打兩拳。
【爆】 開門。
【浦頭】 邊個拎咗我本勝,好浦頭啦喎!
【Long】 Reject。
刑期/官司篇
【抛】 還柙。 〖註解〗 還柙侯審或還柙候判者。
【受正】【拍正】【拍】 正式被定罪。 〖註解〗 會過界去正式監獄因禁。
【直拍】【即拍】 審完直接入獄。 〖註解〗 審完待判叫還押,審完即時判刑叫直拍。
【流靶】 未扣減假期之刑期。 〖註解〗 法官判定的刑期。未是真實刑期。
【堅靶】 已扣減假期之刑期。 〖註解〗 法官定的刑期扣除紅色假期就是實際刑期,即扣約莫3份之1。有時又會稱為「返 監房個期」。
【咩啷啷】 監管令。 〖註解〗 能夠在最早出冊期出來的人,其實未真係自由,若在最遲出冊期內犯事,可以返去監獄受埋剩下刑期,這種叫做「監管令」。
【一條匙】 毒品份量。 〖註解〗 半條匙等於一公斤。
【受簡】 一段刑期。 〖例〗 受埋呢簡之後一定要好好重新做人。
【D.D.】 販運毒品。
〖註解〗 監房以前9成犯人都是衰D.D.。
【橫抺】 無證據都罪成。 〖例〗 呢期啲官個個兇,橫抺唔少人。
〖註解〗 就好比有索帶都入罪、去食個飯都抄限聚令咁。全部都係打橫來抹。
【有條褲】 有案在身。 〖註解〗 一個犯可以有幾條褲在身,即是同時犯幾單案。
【身家】 在監獄內所有個人物品,包括所有審訊文件。 〖註解〗 法庭文件會寄入監房,又或由外人送入。監房地啲人成日拎自己身家出嚟研究。 希望互相腦振盪拆局。但身家始終都唔好隨便俾人睇。
【東七】 東區法院第七庭。 〖註解〗 專處理案件轉介至高等法院的法庭。
【撞爆】 犯案時被執法人員直接發現。 〖註解〗 比如查身份證時搜身被發現毒品被捕。
【Plan A】 假釋委員會主動給予之假釋。
〖註解〗假釋委員會每年都會主動抽一啲未成年犯審視刑期,通常都會比早少少出獄。
【Plan B】 「釋前就業計劃」,就業之假釋。
〖註解〗 若有僱主肯請你,可以申請提前出獄(假釋),成功率較高。
【Plan C】 學業之假釋
〖註解〗 若有學校收你讀書,可以申請提前出獄(假釋),成功率較低。
【最早出冊期】 牌仔後面有寫上囚犯最早出獄日期。 〖註解〗 若在服刑中違規,可被加監,但不能加超過流把。
【過界】【過冊】 由一個監獄轉移至其他監獄
【老謀 (音:某)】 謀殺。
【老爆】爆格。
【老終】終身監禁。
【帶家】 運送毒品的人。
【Mag仔】 裁判法院。
【文科】 衰非暴力的商業案。
【文雀】 衰偷竊。
【EDD】 最早出獄日。
【LDD】 最遲出獄日。
【老狀】 律師。
【老妨】 妨礙司法公正。
【Court仔】 Mag Court案。
【畢業】 出冊。
【監頭監尾】 監頭監尾最難捱。
【拆家】 分銷毒品嘅人。
【八爪】 指模。
【老笠】 打劫。
【P.O.】 感化令。
【入冊】【坐花廳】 坐監。
【出冊】 放獄。
【抺】 判以監禁。
【覆灼】 坐完監後好快又返入去坐。
【一隻】 一個月。
【一碌】 一年。
【老強】 強姦。
【受】【受靶】 接受刑罰。
懲罰(類別、形容)篇
【鎖水記】【釘上水記】【踎水記】【抄家】 被懲罰去單獨囚禁一段時間。
〖註解〗 懲罰性囚禁。
【沓籠】 加監。 〖註解〗 加監最多可加至流靶,所以唔犯事可以最啲出冊。
【68B】 Cap 234a 68b 中止與其他囚犯的交往,即鎖水記。
【訓練三級制】 即是俗稱【「白牌仔」的入學級】【「紅牌仔」學習級】【和「綠牌仔」離校級】
【食雞翼】 批踭背脊雞翼位。
【擺位】 囚犯就要自動自覺彎腰將上半身向前傾呈 45 度,俾阿 Sir 請食雞翼。 【刨冰】 即係以曲起嘅中指指骨錐落側胸肋骨位。
【找板】 打腳板或手板。
【快車】連續狂打。
【打藤】行笞刑。
【落山】 鎖完水記後從新返到工作地方。
【食卜】【食port】 被職員檢控。入三手房被檢控。
【較腳】 逃獄。
【盤竇】 盤問。
【上山】 被鎖。
【拖野】 帶違禁品。
【四條七】 加監7日。
監獄名稱篇
【靚仔監房】 【Y.P. 監房】 未成年人監獄。
【荔記】【老荔】【荔園】【荔枝園】 荔枝角收押所。 〖註解〗 最出名的還押監房,收男犯。
【祠堂】【大祠堂】【紅柱】【SP】 赤柱監獄。 〖註解〗 最出名的老鬼監房,收音機可以收到澳門台,香港第一個監獄。
【沙咀】 沙咀懲教所。
〖註解〗 收更新犯、勞教犯。
【麻省】 麻布坪監獄。
〖註解〗 現合拼為塘福監獄。
【塘福】【TFCI】 塘福懲教所。 〖註解〗 環境唔錯,申請唔食煙者會調到呢個環頭受。
【石壁】【石家莊】 【SPP】 石壁監獄。(Shek Pik Prison) 〖註解〗 甲級白手監獄及單獨囚禁白手犯人。
【小欖】 小欖精神病治療中心。 〖註解〗 專收有精神問題、心理不正常的犯。
【歌記】 歌連臣角監獄 〖註解〗 收押在教導所條例下受訓的男青少年。
【A4】 勵新懲教所。 〖註解〗 收押在戒毒所條例下接受戒毒及康復治療的男吸毒者。
【大島】 大嶼山。 〖註解〗 大嶼山監獄統稱為「大島」因以前只能坐船。
【老鬼監房】 成年人監獄。
【豐力樓】 從勞教中心、教導所、戒毒、獲假釋所釋放的年輕男性受監管者所住之地方,類近監獄。
【紫荊樓】 從教導所或戒毒所釋放的女性受監管者及獲假釋的成年女性受監管者所住之地方,類近監獄。
【百勤樓】 從戒毒所釋放的成年男性受監管者及獲假釋的成年男性受監管者所住之地方,類近監獄。
【大洲】【靈蛇島】 喜靈洲。
【二倉】 壁屋 DCR、法庭等候提取未成年犯人報告的階段。
【T.C.(TrainingCentre)】 教導所。
【R.C. (Rehabilitation Centre)】 更新中心。
【D.C. (Detention Centre)】 勞教。
【NKTC】【Y.P.】 青少年戒毒。
【PUCI】 青少年懲教所。
【HLTC】 成人戒毒者。
【LCKRC】荔枝角收押所。
【TTCI】【東頭】 東頭懲教所。(Tung Tau Correctional Institution)
【PSWCI】【白沙】 白沙懲教所
【PUP】【壁屋】 壁屋監獄。
【大壁】 壁屋成人監獄。
【細壁】 壁屋未成年監獄。
膳食表(以荔枝角收押所為例)
| 星期一 | 星期二 | 星期三 | 星期四 | 星期五 | 星期六 | 星期日 |
早餐(飯) | 菜、豬肉 | 菜、 沙薑雞中翼 | 菜、牛肉 | 菜、豬肉 | 菜、牛肉 | 菜、豬肉丸 | 菜、牛肉球 |
午餐 (粥) 包妹 | 綠豆粥 (甜)、牛油包 | 眉豆粥 (咸)、果占包 | 紅豆粥 (甜)、牛油包 | 黃豆粥 (咸)、果占包 | 綠豆粥 (甜)、牛油包 | 花生粥 (咸)、果占包 | 腐竹粥 (咸)、果占 包 |
晚餐 (飯) | 菜、雞柳、橙 | 菜、煎蛋、魚柳、橙 | 菜、雞全翼、橙 | 菜、雞翼、魚柳、橙 | 菜、雞柳、橙 | 菜、魚柳、橙 | 菜、雞柳、橙 |
宵夜 | 提子包及奶 | | | | | | |
監房膳食是一日四餐。早、晚餐食飯,午餐食粥及包,宵夜食提子包及奶。 (所有餐皆是每人一份) 早: 豬及牛 / 晚: 雞及魚
監房膳食由營養師設計,能滿足人體基本所須,不會引致營養不良及飢餓。
男監和女監膳食大致一樣。若女囚犯懷孕,可額外獲發一餐。
有些期數在早餐及晚餐時也會鋪上報紙作枱布,但報紙並不是人人皆有,因此有報紙的人比較重要, 貢獻很大。
大時大節會有應節食品,如中秋節會有月餅,農曆新年會有雞髀等。一年有三隻雞髀(24/12, 農曆初一, 中秋節) 農曆初二有腸, 有聖誕及中秋禮物。
PS: 餐單會因應入貨不同而有改動
圍牆支援手冊為在囚人士家屬及朋友提供一系列詳盡指南,包括探監物品、探監流程、探監規定、探監人數、懲教署認可交來物品、探監物資、各個懲教院所及監獄詳情等等。