營運經費相當貧乏,敬請體諒我們投放少量Google Ads!

搜尋

有關被抹黑以受刑手足資料庫出賣手足一事

自從我哋推出「受刑手足資料庫」後,受到嘅抹黑同批評愈來愈多,

「血燕生命」、「藍扮黃」、及「人血饅頭」等等愈來愈多亦愈來愈猛烈。


關於「受刑手足資料庫」不外乎指控我哋披露在囚手足嘅全名,消費在囚手足同埋整一個database記錄所有因抗爭入獄嘅手足,方便藍絲起底及政府清算。


首先關於披露在囚手足全名,我哋個「受刑手足資料庫」從來無公開披露任何一個手足嘅全名,我哋相信指控我哋嘅人根本無用過個資料庫。入面只係有手足嘅姓氏、年齡、性別同案情相關嘅資訊。同時所有嘅資料係我地由報章上整合出黎嘅「現有公開資訊」,意思即係報章擺上網嘅資訊加更詳細,包括手足嘅姓名。我地只係負責整合俾所有手足睇。


「受刑手足資料庫」存在嘅意義係記錄低每一個有血有肉嘅手足點樣反抗政權嘅打壓,點樣為香港嘅未來犧牲。同時,可以俾各位手足知道如果想寫信俾某一位手足可以搵邊個機構或者議員。再重申,我地無披露任何一個在囚手足全名。


其次係關於個資料庫方便藍絲起底同政府清算,我地所有嘅資訊都係整合現有嘅公開資訊,即使我哋唔整合相關嘅資訊,所有人都可以係報章及法庭網站上搵到相關嘅資訊,甚至更詳細。即使同路人想搵到在囚手足嘅資訊,只要係Google搜尋都會搵到。何況,我地只係整合報章有嘅資訊。至於方便政府清算更加係可笑無稽嘅指控,政府要靠我哋一個民間資料庫去清算手足?


成立「受刑手足資料庫」嘅原因係好多手足表示相關嘅資訊非常鬆散,希望寫信俾指定的手足卻不知由哪一個機構代寄,因此希望成立一個平台整合所有「現有的公開資訊」。


最後希望各位香港人能夠先理解清楚事件的本末再進行判斷,不要人云亦云。在這個紛亂的時代充斥很多別有用心的資訊,希望大家都能辦別清楚事情的真偽,不要被帶風向。我們承認我們的工作有改善空間,希望各位能認真的指出及提點,感謝各位對燕子生命一直以來的支持!雖然前路暗淡,但我們會繼續在十年路上走下去!