親友被還押，第一次探訪有咩需要準備？

親友被還押通常會係案件提堂法官唔俾保釋或者被定罪需要還押等候判刑，當親友被送到收押所後會有福利官最快當晚或者第朝通知家人親友喺邊個院所同埋佢嘅囚號。

由於有部份物資需要等院所批准先可以入，第一次探訪需要準備嘅係一啲唔需要批准嘅日用品、香煙、小食同埋書本，請參考以下文章：

荔枝角同大欖出面都會有士多可以買齊所有物資，羅湖冇士多但係會有車仔檔（並未每日營業），士多或者車仔檔買物資會比係出面買貴，但係勝在如果唔清楚要買啲咩嘅家屬一次過買齊。

物資大部份都可以係街邊藥房或者惠康百佳買到，但係要留意買嘅物資包裝、內容、外觀等等必須同懲教指定嘅一模一樣，特別係毛巾，必須係「合」字毛巾。

坊間唔同組織都有提供免費全套物資俾親友領取，可以向各個組織另外查詢。

香煙係監房就等同金錢，所以記得探訪時買埋香煙

“Wealth” 香煙軟盒裝，已完稅累計持有不多於16 包 ，每兩天派發1 包 *21歲以下還押人士除外

第一次探訪時亦最好帶埋書去俾親友，因為係入面需要依靠睇書打發好多時間，特別依家疫情關係頭21日需要隔離。在囚人士每個月可以入6本書或刊物，宗教書籍並無限制，但係有部份院所會留難親友，會將宗教書籍計入每個月6本嘅quota。

我哋燕子生命聯同天水連線及抗爭點滴營運緊「圍牆上的圖書館」計劃，免費為在囚人士搜集任何書本，如果有書本需要可以向我哋提出，我哋亦有一個書籍資料庫幫助親友同埋在囚手足揀書。

https://www.swallowlife.org/圍牆上的圖書館

圍牆支援手冊為在囚人士家屬及朋友提供一系列詳盡指南，包括探監物品、探監流程、探監規定、探監人數、懲教署認可交來物品、探監物資、各個懲教院所及監獄詳情等等。