[必讀]義士進入收押所後的流程



係法庭被判要還押或罪成判刑後,會先被懲教人員即時帶到法庭其中一層羈留室,首先會帶你入房,並要求你除左身上所有衫褲鞋襪,由懲教人員仔細搜查衣物裡面有冇其他物品。


跟住佢地會要求你踎低企起身重覆3次、伸脷、舉手舉起腳板等,咁做係要睇你有冇收埋啲咩毒品或者違禁品之類喺體內。


注意,呢一堆搜身動作(俗稱searching)會喺你到達收押所時再次重覆,基本上所有人喺進出收押前後都會被仔細搜身。

如果其他無理要求請記住該職員名字同編號,之後再同律師講。搜完身之後佢地會將你既個人物品例如銀包、身份證、電話等係你面前入落一個密封袋裡面,並會叫你簽名。


  • 由囚車被送到收押所

係囚車上係唔需要同任何職員講你嘅野﹐而且囚車個班職員你之後都唔會再點見到佢地。


  • 到達收押所

首先一入到去就會去左一個收押室(俗稱指摸房),會有職員拎住張野問你一啲基本資料例如地址、學歷、出生日期、家庭成員姓名及電話,有冇宗教信仰、有冇食煙、吸毒等等。仲會問你衰咩,記住你只需要答罪名!其他野唔需要答!


有人就係曾經做左傻仔,有個八卦職員問佢案發時點樣俾人拉,之後問其他囚友先知佢地都冇咁樣被問過。所以,記住!係唔需要向任何一個職員講你單案!


係呢個時候有兩個一定要注意嘅位


第一:記住要剔選吸煙,因為非吸煙人士唔可以入煙,煙仔係監房等同金錢


第二:如果你係素食人士,請你記得呢個時候同佢講你係信佛教,因為如果之後你要轉食素食餐的話係要信佛先可以申請到,私家飯就另外講法喇。


之後佢地會帶你入房再一次除哂衫搜身,踎低企返起身之類既動作,然後再帶你去照全身嘅X光機,依家無左通櫃架啦!!


之後佢地會俾一套霉到呀媽都唔認得嘅囚衣俾你換,著住先,安頓咗之後可以換新既,同埋會比一個膠盤你,裡面裝有一啲基本日用品,之後你會帶住個盤去到你既囚倉。


完成以上程序後,佢地就會喺你面前將你已入密封袋嘅私人物品連同你除咗出黎嘅衫褲鞋襪放入一個大透明膠袋裡面,呢個膠袋俗稱「包頭」,會存放喺指摸房裡既儲物室,直到你離開收押時俾返你。


  • 之後首先會係俗稱「隔渣」既程序

「隔渣」係一個淨化體內毒素的過程,這過程其實很簡單,就是集中囚禁,除了食飯睇電視呆坐之外不作其他活動,朝早起身帶你去「留尿」拎你啲尿去驗,通常係一至兩日,男士或女士都一樣,通常都係住兩人倉。除非你已被歸類為甲級犯人(俗稱catA),就會住單人倉,好多昆蟲曱甴,祝你好運。


  • 入左去第二日

會有俗稱「福利官」既便裝職員黎見你!俾張表你填叫你寫低你想探你嘅人名、關係,冇寫名或者個名唔準確嘅話探唔到架!


之後有咩要申請都要搵「福利官」,或者有咩緊急事都可以叫福利官幫你打比親友代你轉達!


  • 之後會被分到還押人士倉

記住,不要對囚友職員透露太多自己野,用時間去觀察邊啲係正常人,有人問你係咪收左錢,唔洗理佢地。好好照顧自己,唔好病,裡面啲醫生流架!香港加油!


  • 監獄到底係一個點既地方?

老老豆豆,依家既監獄唔係好似我哋喺CCTVB嘅劇裡面睇到個種


抗爭點滴 Stories of Resistance

(https://www.facebook.com/StoriesofResistance/)



營運經費相當貧乏,敬請體諒我們投放少量Google Ads!

0則留言

​回覆 #1

#1

NAME

DATE

reply to

COMMENT

置頂留言

#1

NAME

DATE

reply to

COMMENT

DATE

​載入更多留言