天水連線 X 抗爭點滴 X 燕子生 合作手足支援工作

【天水連線・和你寫】

三個月、八個月、一年、兩年、四年‥‥ 可能對一個普通嘅香港人黎講，眨下眼就過，但對每一個在囚人士黎講，失去資訊、失去自由、失去同朋友聯絡嘅機會，每分每秒都唔容易過，如果可以，我想佢哋得到更多人關心。

天水連線今次好榮幸可以同 @抗爭點滴 Stories of Resistance、@燕子生命 合作寫信計劃，我哋將會長期為在囚嘅人士收集信件，再轉寄畀佢哋。如果各位係想親筆寫信畀在囚人士嘅，或者想成為佢哋嘅筆友，可以留意以下詳情︰

收集地點︰伍健偉議員辦事處、關俊笙議員辦事處、林進議員辦事處 筆友計劃︰有興趣成為筆友嘅，歡迎聯絡天水連線專頁！

另外，亦有唔少街坊提到想寫信，但不過冇咩時間親手寫或者親身交到議辦，所以燕子生命提供咗網上平台畀大家喺網上寫信，只要大家去到 https://www.swallowlife.org/ ，按一下「網上筆友系統」，就會有指引去教你點樣上網寫信；另外，如果各位街坊唔得閒親身攞信，亦都可以登記成筆友或者喺燕子生命嘅系統上登記，當收到信嘅時候，我哋就會自動Send Email畀大家睇信。

只要每個香港人都有決心，我哋香港人係永遠心連心。希望各位街坊踴躍參與寫信計劃！